نوسه‌ران
  له‌جه‌نگی داعشدا كێ قه‌ره‌بوی موسڵمانان ده‌كاته‌وه‌ ؟
عبدالرحمن عثمان عبدالعزيز
جیهانی بێ سه‌روبه‌ری ئیسلامی هه‌رجاره‌وشه‌ڕوئاژاوه‌یه‌ك ڕوی تێده‌كات یان به‌ناویه‌وه‌ئه‌نجام ده‌درێت چ له‌ناوخۆیدا یان له‌وڵاتانی ده‌ره‌وه‌ی خۆیدا , دیاره‌ هۆكاره‌كه‌ش هه‌رئه‌وه‌نیه‌ ئه‌م وڵاتانه‌ پڕن له‌خێروبه‌ره‌كه‌ت وخۆیان نازانن چۆن سودمه‌ند بن لێی , هه‌روه‌ك چۆن به‌ چاوچنۆكی وڵاته‌ پیشه‌سازیه‌كانیش هۆكاری سه‌ره‌كی كه‌ بێ خاوه‌نیه‌ ناشارێته‌وه‌ كه‌ئه‌م جیهانه‌ی ئێمه‌یان كردوه‌ته‌ یاریگایه‌ك هه‌رگیز گه‌مه‌وشانۆگه‌ری لێ نابڕێت .
له‌ 11 سبتێمبه‌ردا وله‌بری داڕماندنی دوتاوه‌رئه‌وهه‌موزیانه‌ به‌وڵاتانی ئیسلامی وگه‌لانی موسڵمان كه‌وت له‌ڕوی دارایی وده‌وڵه‌ت وناوبانگی موسڵمانان وهه‌رئه‌م كاره‌ تێكده‌رانه‌ش بو به‌هۆی ئیحراج كردنی موسڵمانانی دانیشتوی ڕۆژئاواوسنورداركردنی كاروچالاكیان وته‌نانه‌ت قه‌ده‌غه‌كردن وداخستنی زۆرڕێكخراوودامه‌زراوه‌به‌تایبه‌تی خێرخوازی وپه‌روه‌رده‌ییه‌كان و وشك كردنی سه‌رچاوه‌ی داراییان , ئه‌ڵبه‌ته‌ كاردانه‌وه‌كان هه‌ربه‌وه‌شه‌وه‌ نه‌وه‌ستا به‌ڵكو وڵاتانی ئیسلامییان ناچاركرد كه‌ئه‌وانیش هه‌مان كاردانه‌وه‌یان هه‌بێت وهه‌ندێكیان زیاده‌ڕه‌ویشیان ده‌كرد له‌جێ به‌جێ كردنی ڕێنماییه‌كانی ڕۆژئاوادا .
له‌به‌رانبه‌ریشدا ئه‌م كاره‌تێكده‌رانه‌ نه‌ك هه‌رئه‌مه‌ریكای پێ لاواز نه‌بو به‌ڵكو پێی به‌هێزتربو وه‌بو به‌هۆی ده‌ستكرانه‌وه‌ی ئه‌مه‌ریكاو هاوپه‌یمانه‌كانی له‌ده‌ستێوه‌ردان وبه‌سه‌ربازگه‌كردنی زۆرێك له‌وڵاتانی جیهانی ئیسلامی ودابه‌ش كردنی جیهان بۆدوسه‌ربازگه‌ یان له‌گه‌ڵ ئه‌مه‌ریكاوهاوپه‌یمانان بن یان دژیان , هه‌رئه‌م كاره‌تێكده‌رانه‌ ئه‌وه‌نده‌ به‌سودی ئه‌مه‌ریكاوهاوپه‌یمانان شكایه‌وه‌ كه‌هه‌ندَیك له‌ چاودێران وناوه‌نده‌ توێژه‌ره‌وه‌كان ڕایان وه‌هابو كه‌ ده‌سه‌ڵاتێكی نێوخۆیان هه‌ستاون به‌وكاره‌ له‌به‌رئه‌وهه‌موسوده‌ی كه‌وه‌ده‌ستیان هێنا .
یان كاره‌تێكده‌ره‌كانی ته‌قینه‌وه‌ له‌ تونێله‌ ژێرزه‌مینه‌كانی له‌نده‌ن كه‌ جێگای هاتوچۆی خه‌ڵك بو چ سودێكی به‌ موسڵمانان گه‌یاند جگه‌ له‌ناوبانگ له‌كه‌ داركردن وبێزاركردنی كۆمه‌ڵگا لێیان سه‌ره‌ڕای ئه‌وه‌ی زۆرێك له‌ به‌كارهێنه‌رانی میترۆكان موسڵمانانی دانیشتوی ئه‌و وڵاته‌ن یان هه‌رموسڵمانیش نه‌بن به‌كام شه‌رع ئه‌م ته‌قینه‌وه‌وكوشتاره‌یان ئه‌نجام ده‌دا له‌ئه‌وروپاووڵاتانی ئیسلامی دا جگه‌ له‌ زیان به‌خودی موسڵمانان ؟ .
له‌ئێستاشدا ئه‌وه‌ی زۆرترین بینه‌روبیسه‌روخۆێنری هه‌یه‌ له‌جیهاندا بابه‌ت وهه‌واڵی شه‌ڕی داعشه‌ وته‌نانه‌ت كه‌وتوه‌ته‌ سه‌رزاری منداڵان و بوه‌ته‌مۆته‌كه‌ی سه‌رده‌م , ئه‌وهێزه‌ گوماناوییه‌ی هه‌روه‌ك قارچك هه‌ڵقوڵان وبه‌خێرایی وبه‌باشترین شێوه‌ پڕچه‌ك كران وله‌گشت لایه‌كه‌وه‌ ئاسنكاری ده‌كرێت بۆپه‌یوه‌ندیكردنی چه‌كداران به‌م گروپه‌وه‌ وبونه‌ته‌ فرۆشیاری نه‌وت وخاوه‌ن بوجه‌ی گه‌وره‌ودراوی تایبه‌ت به‌خۆیان .
ئه‌م گروپه‌ كه‌ به‌سته‌م وتاوان ناوی خیلافه‌تی ئیسلامیان له‌خۆیان ناوه‌ به‌ئاره‌زوی خۆیان وبێ گوێ دانه‌ هیچ یاساوڕێسایه‌كی متمانه‌پێكراو كه‌وتونه‌ته‌ كوشتن وبڕین وته‌قاندنه‌وه‌ی شوێن وده‌ركردنی بڕیارویاسا به‌سه‌رئه‌ودانیشتوانه‌ بێ چارانه‌ی به‌زۆره‌ملێ فه‌رمانڕه‌وایه‌تیان ده‌كه‌ن به‌بێ ئه‌وه‌ی هیچ پرۆژه‌یه‌كی ئاوه‌دان كردنه‌وه‌یان هه‌بێت یان گوێ بده‌نه‌ ئایینده‌ی په‌روه‌رده‌وفێر كردن به‌وپێیه‌ی له‌چوارده‌وروبه‌ریان بوه‌ته‌ سیسته‌می خوێندن وفێركردن .
له‌سوریادا بون به‌گه‌وره‌ترین كۆسپ له‌به‌رده‌م شۆڕشگێڕانی ئه‌ووڵاته‌دا وته‌واوی كاره‌چه‌كدارییه‌كانیان به‌سودوبه‌رژه‌وه‌ندی ده‌سه‌ڵاتی به‌عس ته‌واوبو , نه‌ك هه‌رئه‌وه‌ به‌ڵكو ئه‌و ده‌سه‌ڵاته‌ خوێن ڕێژه‌ هاوكارێكی به‌هێزی بۆپه‌یدابوكه‌پێشڕه‌وی شۆڕشگێڕانی سوریای په‌ك خست وئه‌وكه‌مته‌رخه‌میه‌ نابه‌جێیه‌ی كۆمه‌ڵگای نێوده‌وڵه‌تیشی كرده‌ بیانویه‌ك كه‌ جێگره‌وه‌ی ده‌سه‌ڵاتی به‌عسی سوریا ئه‌وبێ سه‌روبه‌ری وكوشتاروماڵ كاولیه‌یه‌ كه‌ ناتوانن ئارامی سنوریان له‌گه‌ڵ ئیسرائیل به‌رقه‌راربكه‌ن ! .
له‌عێراقیشدا شۆڕشی جه‌ماوه‌ری سوننه‌یان پێ كپ كردنه‌وه‌وحكومه‌تی به‌غدایان پێ به‌هێزكردن ئه‌وهێرشه‌ ناڕه‌واشیان كرده‌سه‌ركوردستان كه‌بوه‌ته‌ په‌ناگایه‌ك بۆهه‌ڕه‌شه‌لێكراوان وبه‌مه‌ش ئامانجه‌كانی چاوچنۆكانیان بۆماوه‌یه‌كی كاتیش بێت هێنایه‌دی له‌وه‌ی چاویان هه‌ڵه‌نه‌ده‌هات به‌ گه‌شه‌كردنی ئابوری وئاوه‌دانی كوردستاندا كه‌نه‌وته‌كه‌ی گه‌شتبویه‌ بازاڕه‌كانی جیهان وده‌نگۆی سه‌ربه‌خۆیی كوردستان هه‌راسانی كردبون .
په‌لامارێكی بێ پاساووناهه‌قی هاووڵاتیانی مه‌سیحی ویه‌زیدیان دا له‌كاتێكدا دانیشتویه‌كی بێ زیانی ئه‌م وڵاته‌بون وئه‌وهه‌مو سته‌م وناڕه‌واییه‌یان كرد ده‌رهه‌قیان وبون به‌هه‌ڕه‌شه‌ بۆسه‌رژماره‌یه‌ك له‌هاوڵاتیانی كاكه‌یی كه‌له‌نێوان ئه‌م پێكهاتانه‌دا پێكه‌وه‌ژیانێكی ته‌ندروست به‌قه‌راربو به‌بێ ئه‌وه‌ی گرفتێكی ئایینی هه‌بوبێت .
زیان وئاسه‌واری ئه‌م گێچه‌ڵه‌ ناڕه‌وایه‌ له‌ژماره‌ نایه‌ن وپێویسته‌ كاتێك له‌سه‌ربابه‌تێكی وه‌ها ئه‌سفبار حوكم ده‌درێت ئه‌نجامه‌كان له‌به‌رچاو بگیردرێت كه‌ئه‌م شه‌ڕوئاژاوه‌وگێچه‌ڵه‌ له‌به‌رژه‌وه‌ندی كێ وچ لایه‌نێكدا ته‌واو ده‌بێت وزیان لێكه‌وتوانی سه‌ره‌كی كێن ؟ كه‌ ئه‌وه‌ش بۆخۆی ڕون وئاشكرایه‌و هه‌تا دێت ته‌می به‌رچاوده‌ڕه‌وێته‌وه‌وڕاستیه‌كان زیاترئاشكرا ده‌بن .
ئێسته‌ش كه‌ له‌نێوخۆوناوه‌نده‌ نێوده‌وڵه‌تیه‌كاندا باسی زیانه‌كانی هاووڵاتیانی كریستیان ویه‌زیدی ده‌كرێت مافی خۆیانه‌ بایه‌خ دان پێیان وقه‌ره‌بو كردنه‌وه‌یان به‌ڵام ڕاستیه‌كیش هه‌یه‌ كه‌ باسی لێوه‌ ناكرێت ئه‌ویش ئه‌وه‌یه‌ كه‌له‌م شه‌ڕوئاژاواوه‌وگێچه‌ڵ وتێكه‌ڵ كردنه‌ ناهه‌مواره‌دا زیان لێكه‌وتوی سه‌ره‌كی موسڵمانانن به‌گشتی كه‌هه‌م ناویان له‌كه‌داركراوه‌وهه‌م زۆرترین قوربانی له‌وانن وئه‌وكاولكاریه‌ش زیاترڕوی له‌ سه‌رزه‌مینی ئه‌وان كرده‌وئه‌وهه‌موشوێنه‌واروپاشماوه‌ی شارستانیه‌ته‌ش ته‌قێنرایه‌وه‌ خۆ ئه‌گه‌رئیسلام وه‌ك ئایینێكی خودایی زیانی لێ ناكه‌وێت وخودا ده‌یپارێزێت به‌ڵام موسڵمانانی بێ خاوه‌ن وماف خوراو كێ قه‌ره‌بویان ده‌كاته‌وه‌ ؟ .
به‌روار: 13/02/2015
بینین: 1254
   زیاتر ...