Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

ئیخوان چاوگی ئاشتیخوازی و رابه‌ری میانه‌ڕه‌وی... بۆ ئه‌وانه‌ی هستریا گرتوونی!!

فاتیح سه‌نگاوی

1- بزاڤی ئیسلامی ده‌بێ خۆماڵی بێ و هه‌ڵقوڵاوی خه‌م و خواستی ژینگه‌كه‌ی خۆی بێت ... به‌ڵام هیچ ره‌وت و بیرو بۆچونێك دابڕاو نییه‌ له‌ ده‌وروبه‌ری ... بۆچونی دژه‌ ئیخوانی كوردستانیش خوێندنه‌وه‌یه‌كی عه‌ره‌بیانه‌ی شۆڤێنیه‌ بۆ ئه‌و بزاڤه‌ و ئه‌وه‌ی ده‌یبینی كۆپی په‌یسته‌ كوردییه‌كه‌یه‌تی.
2- تاكه‌ پارت و ره‌وته‌ كه‌ توانیویه‌تی زیاد له‌ 80ساڵی ته‌مه‌نی بێ میلشیایی به‌رێته‌ سه‌ر- جگه‌ له‌ نیزام خاص كه‌ زیاتر روو له‌ زایۆنزمی ئه‌و كات و ئینگلیزی داگیركاربوو- سه‌ره‌رای هه‌موو ئه‌و په‌ستانانه‌ی له‌سه‌ری بون و به‌هه‌زاران ئه‌ندامی گیران و شه‌هیدكران و بۆچه‌ندین جار هه‌ڵوه‌شایه‌وه‌ كه‌چی په‌نای بۆ هێزی چه‌كداری نه‌برد له‌ پێناو نه‌ڕژانی خوێن و چه‌ندین پاڵنه‌ری تری مرۆیی.
3- ئه‌گه‌ر هه‌ندێ له‌سه‌ركرده‌كانی ئیخوان له‌ بازنه‌ی ئیسلامیدا نه‌بونایه‌ هه‌نوكه‌ هه‌ندێكیان غاندی و ماندێلا بون"سلميتنا.. سر قوتنا ... سلميتنا أقوى من الرصاص".

4- نه‌یاره‌ عه‌لمانییه‌كانی ئیخوان به‌ لیبراڵ و عه‌سكه‌ره‌وه‌ توانای ئه‌وه‌یان نه‌بوو به‌رگه‌ی یه‌ك ساڵی ده‌سه‌ڵاتێكی ئیئتیلافی ئیخوان بگرن و له‌یه‌ك ساڵی ته‌مه‌نیدا به‌رده‌وام كێشه‌ و سه‌ر ئێشه‌یان بۆ دروست ده‌كرد كه‌چی شه‌رم ناكه‌ن باس له‌ شكستی ئه‌زمونی میانڕه‌وانه‌ی ئیخوان ده‌كه‌ن... و عه‌لمانیه‌تی كوردیش كه‌ بوارێكی جیدی به‌ نه‌یاری به‌رامبه‌ری نادا هه‌مان قه‌وانی سواوی ئه‌وان ده‌ڵێته‌وه‌ ...
5- له‌كوێی دونیادا بووه‌ ئه‌و هه‌موو قوربانیانه‌ بدرێ (كه‌ میصرییه‌كان و ئیخوان دایان) و سه‌رنه‌كێشێ بۆ توندڕه‌وی و ئیرهاب، ئه‌وه‌ ته‌نها ئه‌و عه‌قڵه‌گه‌وره‌ و هاوسه‌نگانه‌یه‌ توانای به‌رگه‌گری و راوه‌ستانیان هه‌یه‌ له‌ ئاست سته‌مكارییه‌كی له‌و شێوه‌دا ... له‌ كاتێكدا ئیخوان هێزێكی رێكخراون و توانای جوڵاندنی سه‌دان هه‌زار كه‌سیان هه‌یه‌ له‌ولاوه‌ جیهان گیریان خواردوه‌ به‌ده‌ست ده‌هه‌زار كه‌سێكی داعشه‌وه‌!!
6- ئه‌و ره‌وت و براده‌رانه‌ به‌رده‌وام قسه‌ له‌وه‌ ده‌كه‌ن ئیسلامییه‌كانی كوردستان وابه‌سته‌ی ئیخوانن كه‌چی خۆیان ئیخوانیان كردوه‌ته‌ دێوه‌زمه‌ی ئه‌م دونیایه‌ و هه‌رچی چه‌رمه‌سه‌رییه‌كانی جیهانی ئیسلامییه‌ ده‌یبه‌نه‌وه‌ سه‌ر ئیخوان و هستریای دژه‌ ئیخوانی بوه‌ته‌ خولیای سه‌ریان و به‌رده‌وام ده‌یڵێنه‌وه‌، بیریان چوه‌ ئه‌و عه‌قڵه‌ دیكتاتۆرییه‌یه‌ بره‌وی به‌ بیری توندڕه‌وی داوه‌ كوشتنی مه‌عنه‌وییانه‌ی به‌رامبه‌ریش خۆی له‌خۆیدا تیرۆر كردنیه‌تی...

7- لیبراڵ و عه‌سكه‌ر و سیسته‌مه‌ گه‌نده‌ڵكار و سته‌مكاره‌كانی ئه‌م ناوچه‌یه‌ له‌ روخانی ئیخواندا ئه‌گه‌ر هیچ تاوانێكیان نه‌كردبێ، ئه‌و تاوانه‌یان كردوه‌ نه‌هێڵن ئه‌زمونێكی ئیسلامیی ببینین له‌ دۆخێكی دیموكراسیدا، با 4ساڵ ده‌رفه‌تیان بدایه‌ به‌ چاوی خۆمان شكستی ئیسلامییه‌كی هاوشێوه‌ی ئیخوان ببینین و بزانین كه‌لێنه‌كانی چییه‌ و دواتریش به‌ ئه‌زمونی نوێوه‌ خه‌بات بكه‌ن و ئه‌و ترس و بیمه‌ش بڕه‌وێته‌وه‌ كه‌ له‌و باره‌یه‌وه‌ هه‌ن... به‌ڵام نه‌یاره‌كانی نه‌یان هێشت ئه‌و ده‌رفه‌تی پێدرێ چونكه‌ ترسیان هه‌بوو له‌ سه‌ركه‌وتنی راسته‌قینه‌ی ئه‌وان و په‌راوێزخرانی خۆیان ... لێره‌وه‌ قسه‌كردن له‌ شكستی ئیخوان ته‌نها ته‌نها وه‌هم و خه‌یاڵه‌ چونكه‌ رێگه‌ نه‌درا پێشكه‌ش كرێ ...
8- ئیخوان هه‌ڵه‌ی كرد به‌تایبه‌ت له‌ وه‌رگرتنی پۆستی سه‌رۆكایه‌تی و پێداگریی له‌ هه‌ندێ روه‌وه‌... به‌لام به‌هیچ پێوه‌رێكی دیموكراسی نه‌ده‌بوو به‌و شێوه‌یه‌یان له‌گه‌ڵ بكرێ...
9- ئه‌م چه‌ند خاڵه‌ ته‌نها تۆماركردنی چه‌ند سه‌رنجێكی سه‌رپێییه‌ بۆ ئه‌و بابه‌ت و به‌رنامه‌ جۆربه‌جۆرانه‌ی تۆوی رق و نیگه‌رانی و كه‌راهییه‌ت به‌رامبه‌ر به‌ به‌شێكی گه‌وره‌ی ئه‌م گه‌له‌ ده‌چێنن به‌ بیانوی قسه‌كردن له‌سه‌ر ئیخوان و ته‌نانه‌ت تۆمه‌تباركردن به‌ داعشیه‌ت و توندڕه‌وی... له‌ كاتێكدا خودی ئیخوانیش ئه‌و دێوه‌زمه‌ نییه‌ ئه‌وان خه‌وی ناخۆشی پێوه‌ ده‌بینن و بێ ویژدانییه‌كی گه‌وره‌ ده‌كه‌ن له‌ هه‌ڵسه‌نگاندنیاندا... ئیخوانیش وه‌ك هه‌ر بزاڤ و ره‌وتێك كۆمه‌ڵێك هه‌ڵه‌یان بوه‌ له‌ مێژویی خۆیاندا و له‌ زۆر رویشه‌وه‌ گۆڕانكاری ئیجابی رویداوه‌ و له‌خوێندنه‌وه‌ی مێژووییدا ده‌بی حسابی زه‌مین و زه‌مه‌ن و بارودۆخ ئه‌و كاته‌ بكرێ و مرۆڤ وه‌ك كائینێكی چه‌ق به‌ستوو ته‌ماشا نه‌كرێ ئیتر هه‌ر بۆچونێكی هه‌بێت ...

به‌روار: 15/09/2014

بینین: 1594