Bzavpress ||

نوسه‌ران

یه‌كگرتوو جیاوازه‌!!

فاتیح سه‌نگاوی

گه‌ر هه‌ڵه‌ نه‌بم هه‌موو حیزبه‌كان ته‌نها ئه‌ندامانی سه‌ركردایه‌تییان بۆ پۆستی وه‌زاره‌ته‌كان ده‌ست نیشان كردووه‌، به‌ڵام نابینی رووبه‌ڕووی ئه‌و له‌سه‌ر نوسین و هێرش كردنه‌وه‌ ببنه‌وه‌!! زۆرینه‌شیان هیچ پرسێكیان به‌ جه‌ماوه‌ر و قاعیده‌یی خۆیان نه‌كردووه‌ له‌و باره‌یه‌وه‌، بگره‌ هه‌ندێكیان ته‌نها به‌شێك له‌ مه‌كته‌بی سیاستی ئاگاداری پرۆسه‌كه‌یه‌!! ئه‌ی بۆ له‌سه‌ر یه‌كگرتوو ده‌كرێته‌ هه‌ڵا له‌ كاتێكدا ئه‌و له‌و 5 كه‌سه‌ 3نیان به‌فه‌رمی سه‌ركردایه‌تی بون؟!!
سه‌ره‌تا ده‌بێ بڵێم ئه‌مه‌ یه‌كه‌م پۆستمه‌ له‌و باره‌یه‌وه‌ و به‌لایكێكیش له‌ فه‌یسبوك به‌شداری ئه‌و باس و خواسه‌م نه‌كرد، نه‌ك له‌به‌ر ئه‌وه‌ی ره‌خنه‌ و نیگه‌رانیم نه‌بوو ، به‌ڵكو وه‌هام بینی ده‌بێ سه‌ره‌تا له‌ هه‌وڵه‌ ناوخۆییه‌كانه‌وه‌ ده‌ست پێ بكه‌ین و ئه‌ندامان و دۆستانی یه‌كگرتوو نیگه‌ران نه‌كه‌ین له‌ شتێكدا كه‌ ده‌كرێ گرێی ده‌ست بێ و نه‌خرێته‌ ده‌م ... من له‌یه‌كه‌م رۆژه‌وه‌ ره‌خنه‌ و نیگه‌رانی خۆم خسته‌ڕوو، ئه‌وانه‌ی له‌ناوخۆی یه‌كگرتوودان باشتر له‌مه‌ ده‌گه‌ن، له‌مه‌شدا ته‌نها هۆشداریم دایه‌ ئه‌ندامانی سه‌ركردایه‌تی و له‌و نیگه‌رانی و ناڕه‌زاییه‌ جدییانه‌ ئاگادارم كردنه‌وه‌ كه‌ له‌ ئارادایه‌، كه‌ به‌هۆیه‌وه‌ دڵنیام زۆریان لێم نیگه‌ران بوون، به‌ڵام من ئه‌وه‌م پێ باشتربوو له‌وه‌ی دڵی ئه‌ندام و دۆست و كه‌سانێ نیگه‌ران كه‌م كه‌ ئومێدی گه‌وره‌یان به‌ كار و پرۆژه‌ی یه‌كگرتوو هه‌یه‌.
بۆچی له‌سه‌ر یه‌كگرتوو قسه‌ ده‌كرێ؟!
زۆرن ئه‌وانه‌ی ئه‌وانه‌ی نائومێدن له‌ چاكسازی راسته‌قینه‌ی زۆربه‌ی حیزبه‌كانی تر و مامه‌ڵه‌كردنی دروستیان له‌گه‌ڵ هه‌ندێ ماف و خواست و بابه‌تی ناوخۆیی خۆیان، به‌ڵام یه‌كگرتوییان به‌دڵه‌ له‌وه‌ی هه‌نگاوی جه‌ریئانه‌ی ناوه‌ له‌ ده‌ستاو ده‌ستی ئاشتیانه‌ی ده‌سه‌ڵاتی نێوخۆیی و شه‌فافییه‌تی ئه‌و كاره‌ و گوێ گرتن بۆ ده‌نگه‌ جیدییه‌كانی ناوخۆیی و ده‌ره‌وه‌ی خۆیشی...
یه‌كگرتوو هه‌نگاوێكی نه‌وعی نا له‌وه‌دا ده‌سته‌یه‌كی نێوخۆیی خۆی توانی تانه‌ بدات له‌ بڕیارێكی سه‌ركردایه‌تیه‌كه‌ی و له‌سه‌دا65ی هه‌ڵوه‌شێنێته‌وه‌ كه‌ ئه‌مه‌ گه‌ر نه‌ڵێم هه‌ر نییه‌ له‌حیزبه‌كانی تردا به‌ڵام ده‌توانم بڵێم ده‌گمه‌نه‌.
خه‌ڵكی ده‌یه‌وێ یه‌كگرتوو نمونه‌ بێت نه‌ك هه‌مان ره‌فتاری حیزبه‌ ته‌قلیدییه‌كان دوباره‌ كاته‌وه‌، ده‌یه‌وێ پێشه‌نگ بێ و هه‌نگاوی جه‌ریئانه‌ بنێ نه‌ك له‌ پێناو یه‌ك دوو كه‌سێكدا كۆی بڕیار و جیدیبونی بخاته‌ ژێر پرسیاره‌وه‌!! خه‌ڵكی ده‌یه‌وێ یه‌كگرتوو پاك و پوخت بێ نه‌ك پیس و لێخن و لێڵ و ته‌م و مژاوی، هه‌ر بۆیه‌ لێی قبوڵ ناكا بڕیاری هه‌ڵه‌ و نادروست بدات ...
به‌ موتابه‌عه‌ی به‌شێ له‌وانه‌ی له‌سه‌ر یه‌كگرتویان نوسیوه‌ گه‌یشتمه ئه‌و قه‌ناعه‌ته‌ی زۆربه‌یان دڵخۆشن به‌ سه‌ركه‌وتنی یه‌كگرتوو له‌ پرۆژه‌كانیدا نه‌ك بیانه‌وێ شكست بهێنێ... خواستیانه‌ یه‌كگرتوو جیاواز بێ نه‌ك هه‌مان ره‌فتاری نه‌شیاوی حیزبه‌كانی تر دووباره‌ كاته‌وه‌، راسته‌ هه‌مووان بارگاویین به‌و واقعه‌ سیاسییه‌ی كه‌ هه‌یه‌ به‌ڵام په‌سه‌ند نییه‌ به‌ته‌واوی تایبه‌تمه‌ندی و ده‌ستپێشخه‌ری راسته‌قینه‌ی خۆت له‌ده‌ست ده‌ی ...
شتی تر زۆرن بۆ وتن به‌ڵام هیوادارم سه‌ركردایه‌تی یه‌كگرتوو له‌وه‌ تێ بگه‌ن كه‌ : یه‌كگرتوو جیاوازه‌ و ئه‌ندام و دۆست و لایه‌نگرانیشی ته‌نها به‌ جیاوازبونه‌وه‌ ئه‌وانیان په‌سه‌نده‌ و پشتگیرییان ده‌كه‌ن...

به‌روار: 30/05/2014

بینین: 1603