 سێزدە بنچینەکە
پێشه‌كی :
بسم الله الرحمن الرحیم
هه‌موومان ئه‌زانین ئه‌گه‌ر مرۆڤ شتێكی لا گرنگ بوو به هه‌موو شێوه‌یه‌ك ئه‌ی پارێزێت ئه‌گه‌ر مرۆڤ سامانی هه‌بوو ده‌ی بینی سامانه‌كه‌ی ئه‌پارێزێت له باشترین شوێن بۆ پارستنی سامانه‌كه‌ی ، له‌به‌ر ئه‌وه‌ی قه‌دری سامانه‌كه و ماله‌كه ئه‌زانێت ، هیچ كه‌سێك نابینیت سامانه‌كه‌ی فڕێ بداته سه‌ر ڕێگا یان به‌رده‌م ماڵه‌كه‌ی ، به‌ڵكو ده‌ی كاته نێو خه‌زێنه‌یه‌ك وه قفل و كلیلی ئه‌كات به هۆی ترسانی له‌و ماڵه نه‌وه‌ك شتێكی لێ بێت وه هه‌روه‌ها مرۆڤ نامووسه‌كه‌ی زۆر چاك ده‌پارێزێت وه هه‌موو شتێك ده‌كات بۆ ئه‌وه‌ی خێزان و كچه‌كه‌ی و دایكی بپارێزێت و پارێزگاریان لێ ده‌كات چونكه ده‌زانێت نامووس شتێكی زۆر گرنگه ، هه‌ر شتێك ئێمه به گه‌وره‌ی بزانین ئه‌وه پارێزگاری لێ ده‌كه‌ین و گه‌وره‌ترین شت له دڵمان ئه‌و عه‌قیده و بیروباوڕه ئیسلامیه‌یه كه خوا ڕێنوێنی كردووین بۆی و ئێمه‌ی هیدایه‌ت داوه بۆی ، ئه‌و عه‌قیده ڕاست و دروستـه گه‌وره‌ترین شته كه خوای پێی به‌خشیووین و هه‌مانه له‌م دونیایه و گه‌وره‌ترین نیعمه‌ته كو خوای گه‌وره له‌گه‌ڵی كردووین له سه‌رده‌مێك دا كه زۆرێك له خه‌ڵكی پشتیان كردوه له عه‌قیده‌ی ڕاست و دروست ، زه‌وی پر بووه به كافر و مولحید و موشریك و بیدعه‌چیه‌كان ئه‌وانه‌ی خاوه‌ن عه‌قیده‌ی ناڕاستن و زه‌وی یان داگیر كردوه ، و ئه‌گه‌ر سه‌یری ئه‌هلی حه‌ق بكه‌ی ده‌یان بینی وه‌كو تاڵه موویه‌كی سپی وان له جلدی گامێشێكی سور ، خه‌ڵكێكی زۆر كه‌م له‌سه‌ر حه‌قن ، ئه‌ی نه‌وه‌ی ئاده‌م خوای گه‌وره تۆی ڕێنوێنی كردوه و تۆی هیدایه‌ت داوه بۆ عه‌قیده‌ی ڕاست و دروست كه ده‌بێ باوه‌ڕت پێی هه‌بێ و یه‌ك بگرێته‌وه له‌گه‌ڵ قورئان و سووننه‌ت و به تێگه‌یشتنی سه‌له‌فی صالح و هیچ نه‌سه‌ب و خزمایه‌تیه‌ك نییه له نێوان تۆ و خوای گه‌وره هیچ واسته‌یه‌ك نییه ئه‌وه ته‌وفیق ـه له‌لایان خوای گه‌وره ، خوای گه‌وره له دڵمان نورێكی داناوه له‌سه‌رمان واجبه پارێزگاری لێ بكه‌ین ، خوای گه‌وره له دڵمان گه‌وهه‌رێكی داناوه له‌سه‌رمان واجبه پارێزگاری لێ بكه‌ین له هه‌ر شتێك كه بیه‌وێت زه‌ره‌ری لێ بدات یان بیه‌وێت هه‌ڵی بوه‌شێنێته‌وه ، بۆیه زانایان گرنگیان داوه به توحید و یه‌ك خوا په‌رستی تا ئه‌و گه‌وهه‌ره له دڵی به‌نده‌كان بپارێزن ، هیچ شیركێك تێكه‌لی نه‌بێت و هیچ سه‌رپێچیه‌ك تووشی نه‌بێ و زه‌نده‌قه‌یه‌ك توشی نه‌بێ و هیچ ریاێك توشی نه‌بێ و هیچ له موخاله‌فه‌ی شه‌رعی توشی نه‌بێ بۆیه‌ش ئه‌و عه‌قیده صحیح و ڕاست و دروسته پرسیارمان لێ ده‌كرێت له قیامه‌ت ته‌نانه‌ت له نێو قه‌بر پرسیارت لێ ده‌كه‌ن : خوات كێ یه ؟
دینه‌كه‌ت چییه ؟ و پێغه‌مبه‌ره‌كه‌ت كێ یه ؟
وه رۆژی قیامه‌ت پرسیاره‌ت لێ ده‌كرێت ده‌رباره‌ی ئه‌و عه‌قیده‌یه و عه‌قیده بنیات نه‌ری كرده‌وه‌كانه ، ئه‌گه‌ر ڕۆژی قیامه‌ت مرۆڤ به كرده‌وه‌كان هات ئه‌وه یان له سه‌ره‌تاوه ئه‌چێته به‌هه‌شت یان دواتر ئچێته به‌هه‌شت هه‌رگیز هه‌تا هه‌تایه ناچێته نێو جه‌هه‌نه‌م و له نێو ئاگر بۆ هه‌تا هه‌تایه نامێنێته‌وه ، چونكه خاوان عه‌قیده‌یه‌كی پاك بووه ، بۆیه ئامۆژگاریم بۆ خۆم و بۆ ئێوه برا و خوشكانم كه هه‌موو هه‌ولێك بده‌ین بۆ ڕاست كرده‌وه‌ی عه‌قیده‌مان و پاك كردنه‌وه‌ی دڵ و ده‌رونمان له هه‌ر شتێك بیه‌وێت كه ئه‌و عه‌قیده‌یه تێك بدات ، بۆیه زانایان كتێبی عه‌قیده و بیروباوه‌ڕیان نووسیووه و دانه‌وه تا عه‌قیده‌تان بپارێزن ، و دیبه‌یتیان كردوه له‌گه‌ڵ مولحید و موشریك كافره‌كان و ئه‌هلی بدع تا عه‌قیده‌ی خه‌ڵك بپارێزن ، به‌ڵام له‌م سه‌رده‌مه‌دا ده‌ناڵێنین له ده‌ست دووری له عه‌قیده‌ی ڕاست بۆیه واجبه له‌سه‌ر زانایان و قوتابیانی زانستی شه‌رعی ئه‌و اقوال و كرده‌وانه ڕۆن بكه‌نه‌وه كه كاریگه‌ری له عه‌قیده‌ی صحیح ده‌كات ، یان شتێك به گشتی گاریگه‌ری له عه‌قیده بكات یان كاریگه‌ری له شتێك له عه‌قیده بكات ، وه ئاگه‌دار كردنه‌وه‌ی خه‌ڵك له شتانێك كه عه‌قیدایان هه‌ڵبوشێنێته‌وه بۆیه ده‌بێت ده‌ست پێشخه‌ری بكه‌ین له‌سه‌ر ڕاست كرده‌وه‌ی عه‌قیده‌مان و ئاگه‌دار بین له‌و اقوالانه‌ی كه كاریگه‌ری ده‌كات له سه‌لامه‌تی عه‌قیده‌ی ڕاست تا ئه‌و گه‌وهه‌ره بپارێزین له هه‌موو شوختێك یان هه‌ر شتێك بیه‌وێت ئه‌و بیرو باوه‌ڕه بشێوێنێت تا ئه‌و كاته‌ی ڕا ده‌ستی خوای گه‌وره‌ی ده‌كه‌ینه‌وه به پاكی و دروستی دووربێت له هه‌ر شتێك بیه‌وێ تێكی بدات چونكه به‌هه‌شت كه‌س ناچێته ناوی ته‌نها خاوه‌ن عه‌قیده‌ی صه‌حیح نه‌بێ وه پێغه‌مبه‌ر ده‌فه‌رمووێ صلی الله علیه وسلم ( هیچ كه‌سێك ناچێته نێو به‌هه‌شت ته‌نیا ئیماندار و مسوڵمانه‌كان نه‌بێ ) بۆیه ده‌بێت پارێزگاری لێ بكه‌ین زیاتر له‌وه‌ی پارێزگاری له خۆمان ده‌كه‌ین زیاتر له‌وه‌ی پارێزگاری ده‌كه‌ین له ماڵ و ناموسمان ده‌یكه‌ین چونكه گه‌وره‌ترین و خۆشه‌ویست ترین شته كه هه‌مانه له‌م دونیایه ئه‌و عه‌قیده صه‌حیحـه‌یه ئه‌وه‌ی كه فێری بووین له مناڵی یه‌وه ئێمه په‌روه‌رده بووین له دایك و باوكێكی مسوڵمان وه له سه‌ر مه‌زهه‌بی ئه‌هلی سوننه‌ت و جماعه‌ت وه له كۆمه‌لگایه‌كی مسوڵمان له‌سه‌ر ئه‌هلی سوننه‌ت و جماعه ، هه‌ندێك ئه‌و اقوال و كرده‌وانه عه‌قیده ده‌شێوێنێت ، زۆرێك له‌م شتانه‌ی عه‌قیده هه‌ڵده‌وه‌شێنێته‌وه كۆم كردۆته‌وه وه ئستیخاره‌م كردوه بۆ چۆنیه‌تی نووسینی چونكه بۆته زۆر به زنجیره‌یه‌ك و دوو زنجیره ته‌واو نابێت وبه‌س نییه ، بۆیه له‌هه‌ر زنجیره‌یه‌ك بنچینه‌یه‌ك باس ده‌كه‌م وه چه‌ند نموونه‌یه‌كیش ده‌هێنمه‌وه تۆش لاخۆته‌وه قیاسی بكه له‌سه‌ر ئه‌وانه‌ی باسم كردوه .
ئاماده‌كردنی :
شوێنه‌وار كوردی
به‌روار: 20/07/2019
بینین: 1547
|