Bzavpress ||

نوسه‌ران

وڵاتێكی‌ ده‌وڵه‌مه‌ندو تراژیدیایه‌كی‌ به‌رده‌وام.......

عەلی حاجی زەڵمی

هه‌رێمی كوردستان وه‌ك نمونه‌...!!

سه‌ره‌ڕای‌ ئه‌م هه‌موو ده‌ردو په‌تایه‌ كه‌ جه‌سته‌ی‌ هه‌رێمی كوردستانی داته‌نیوه‌،به‌تایبه‌ت له‌زه‌مه‌نی‌ به‌ناو دیموكراسی‌‌و هاوپه‌یمانی‌ سیاسی‌ هه‌مه‌جۆرو فره‌ره‌نگ‌و حكومه‌تی‌ به‌ناو بنكه‌ فراوان‌و راگه‌یاندنی‌ ده‌یان نه‌خشه‌و پلانی‌ ئابووری‌‌و فرۆشتنه‌وه‌ی‌ ئایدۆلۆژیاو ستراتیژی‌ بێكرداری‌‌و پڕۆگرامی‌ پان‌و پۆڕی‌ ئابووری‌، ده‌ركردنی‌ یاساو رێساو رێنماییه‌ بێبه‌رهه‌مه‌كانیان‌و كرداره‌كانی‌ مه‌سح‌و روپێوو ده‌رهێنانی‌ نه‌وت‌و دۆزینه‌وه‌ی‌ بیره‌ نه‌وتی‌ زیاترو هه‌بوونی‌ ده‌یان سه‌رچاوه‌ی‌ كانزایی‌‌و داهاتی‌ دیكه‌ی‌ به‌نرخ‌و پڕ خێرو به‌ره‌كه‌ت‌و له‌سه‌رو هه‌موشیانه‌وه‌ ئاشكرا كردنی‌ گه‌وره‌ترین بودجه‌ی‌ زه‌به‌لاحی‌ وڵات كه‌ له‌سه‌رو بودجه‌ی‌ ساڵانه‌ی‌ چوار وڵاتی‌ هه‌رێمی‌ ده‌وروبه‌ری‌ خۆیه‌وه‌ به‌ یه‌كجار ده‌بوایه‌ به‌پێی‌ ئه‌و هه‌موو نه‌خشه‌و پلان‌و پڕۆگرامه‌ ئابووریه‌ پان‌و درێژانه‌و به‌پێی‌ ئه‌و بودجه‌ زه‌به‌لاحه‌ ، ده‌بوایه‌ ئێسته‌ دانیشتوانی‌ كوردستان به‌ سه‌رجه‌م پێكهاته‌ نه‌ته‌وه‌یی‌‌و ره‌گه‌زی‌‌و ئایینی‌‌و مه‌زهه‌بی‌‌و هۆزو تیره‌كانی‌ دیكه‌یه‌وه‌ گه‌لێك زیاتر له‌ دانیشتوانی‌ وڵاتانی‌ ئه‌مریكاو ئه‌وروپاو چین‌و ژاپۆن و دانیشتوانی‌ كه‌نداوی‌ خوارووی‌ سنووری‌ عێراق زیاتر خۆشترو ئارامترو ئاسووده‌تر بژیانایه‌، ده‌بوایه‌ هه‌ندێك له‌ دانیشتوانی‌ ئه‌و وڵاتانه‌ له‌به‌ر بێكاری‌‌و ناجێگیری‌ باری‌ ئابووری‌‌و سیاسییان په‌نایان بۆ ئه‌م وڵاته‌ پڕ خێرو به‌ره‌كه‌ت‌و كاروباره‌ زۆرانه‌ بهێنایه‌و داوای‌ مافی‌ په‌نابه‌رێتی‌ مرۆیی‌، یان سیاسیان لێبكردینایه‌وه‌، له‌ هه‌مانكاتدا نه‌خۆشخانه‌ی‌ فره‌ پێشكه‌وتووی‌ وه‌هاشی‌ تیادابوایه‌، كه‌ نه‌ك هه‌ر هاوڵاتی‌‌و سه‌ركرده‌و لێپرسراوو سه‌ره‌ك وه‌زیرو سه‌ركۆماری‌ خۆمانی‌ تیادا چاره‌سه‌ر بكرایه‌، به‌ڵكو هاوڵاتیانی‌ وڵاته‌كانی‌ دیكه‌و سه‌ران‌و به‌رپرسانی‌ نه‌خۆشی‌ ئه‌و وڵاتانه‌شی‌ تیادا چاره‌سه‌ر بكرایه‌، نه‌ك ده‌یان ملیۆن دۆلار له‌ چاوتروكانێكدا بۆ چاره‌سه‌ری‌ پزیشكی‌ گه‌وره‌ترین كه‌سایه‌تی‌ وڵاتمان له‌وڵاتانی‌ دیكه‌ خه‌رج بكرایه‌و هاووڵاتی‌ ساده‌و ساكاری‌ تریش به‌ده‌ست دیارترین ده‌ردو نه‌خۆشی‌ خۆی‌‌و منداڵه‌كانیه‌وه‌ بناڵێنێت‌و كه‌چی‌ له‌ ساده‌ترین خزمه‌تگوزاری‌ ئاسایی‌ پزیشكی‌‌و چاره‌سه‌ره‌كان بێبه‌ش‌و مه‌حروم بێت.

به‌روار: 10/01/2016

بینین: 1305