Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

ساڵ به‌ساڵ خۆزگه‌ به‌ پار

عەلی حاجی زەڵمی

بۆنه‌ ئایینی‌ ‌و بۆنه‌ نه‌ته‌وه‌ییه‌كان داب ‌و نه‌ریتی‌ تایبه‌تی‌ خۆیان هه‌یه‌ و له‌ هه‌ر ووڵات ‌و ناوچه‌یه‌ك دا شێوازی‌ به‌ڕێوه‌بردنی‌ جیاوازه‌، لای‌ خۆمان جه‌ژنه‌ ئایینیه‌كان ته‌نها دوو جه‌ژنه‌ و له‌وه‌ تێناپه‌ڕێ‌، بێگومان خه‌ڵكی‌ موسوڵمانی‌ ئه‌م ووڵاته‌ به‌ شه‌وق ‌و زه‌وقێكی‌ تایبه‌تی‌ ‌و به‌ جۆش ‌و خرۆشێكی‌ ئیمانیانه‌وه‌ خۆیان ئاماده‌ی‌ جه‌ژنه‌كان ئه‌كه‌ن ‌و بازاڕه‌كان له‌ ڕۆژه‌كانی‌ عارفه‌ و بگره‌ پێشتریش دا جمه‌یان دێ‌، چونكه‌ باوه‌ڕ سه‌رچاوه‌ی‌ خۆشه‌ویستی‌ ‌و خۆشی‌ جه‌ژنه‌ ئاینیه‌كانه‌ هه‌ڵبه‌ت ئاینه‌كانی‌ تریش بۆنه‌ی‌ تایبه‌تی‌ خۆیان هه‌یه‌ یه‌كێك له‌و بۆنه‌ ئایینیانه‌ بۆنه‌ی (سه‌ری‌ ساڵی‌ زایینی‌)یه‌ كه‌ بۆنه‌یه‌كی مه‌سیحی‌ دێرینه‌، هه‌ڵبه‌ت له‌گه‌ڵ‌ گۆڕانی‌ ساڵه‌كانی‌ زایینیدا ئێمه‌ واته‌ نه‌وه‌ی‌ (كورد) تا ڕاده‌یه‌ك پێی‌ ئاشنا بووین به‌ڵام له‌گه‌ڵ‌ كرانه‌وه‌مان به‌ ڕووی‌ جیهاندا و هاتنی‌ شه‌پۆلی‌ عه‌وله‌مه‌ به‌سه‌ر هه‌موو ووڵاتاندا، گۆڕانكاری‌ له‌ چۆنیه‌تی‌ ئاشنابوونی‌ نه‌وه‌ی‌ نوێ‌ به‌ جه‌ژنه‌كانی‌ تر هاته‌ ئارا كه‌ ته‌ئسیراتی‌ سلبی‌ تا ڕاده‌یه‌ك دروست كردووه‌ له‌سه‌ر باوه‌ڕی‌ گه‌نج، چونكه‌ ده‌پرسیت كام جه‌ژنت به‌لاوه‌ خۆشه‌ و گرنگه‌، ده‌ڵێت جه‌ژنی‌ سه‌ری‌ ساڵ‌ به‌ڵام له‌ ڕووی‌ جه‌وهه‌ره‌وه‌ ئه‌و جۆره‌ له‌ گرنگی‌ پێدان نابینرێت، كاتێك ده‌ڵێیت بۆچی‌؟، له‌ وه‌ڵام دا ئه‌ڵێت: چونكه‌ گۆڕانكاری‌ ڕوو ئه‌دات ‌و ساڵی‌ كۆن خواحافیزی‌ ئه‌كات ‌و نوێ‌ دێته‌ جێگه‌یی‌ ‌و ساڵێكی‌ نوێ‌ له‌ ته‌مه‌نمان زیاد ئه‌كات، كه‌ هه‌رچه‌نده‌ له‌ واقیع دا وانییه‌، واقیع ئه‌وه‌یه‌ كه‌ ئه‌بینرێ‌.. ساڵ‌ له‌ دوای‌ ساڵ‌ ووڵات به‌ره‌و نه‌هامه‌تی‌ ‌و كه‌موكوڕی‌ ‌و ته‌نگژه‌ی‌ سیاسی‌ زیاتر ئه‌ڕوات، هه‌موو ساڵێك ئه‌ڵێین خۆزگه‌مان به‌ پار، ئیتر كامه‌ گۆڕانكاری‌؟، ڕه‌نگه‌ گۆڕانكاری‌ ئه‌وه‌ بێت له‌ جیاتی‌ ساڵی‌ (2015) له‌سه‌ر ته‌خته‌ ڕه‌شی‌ قوتابخانه‌كان ئه‌نوسرێت (2016)‌و... هتد. یان پاپا نوئێله‌كانی‌ كورد له‌ بری‌ جه‌ژنانه‌ گیرفانی‌ بچووكی‌ مناڵان به‌ شتی‌ پڕ‌وپووچ خاڵی‌ ئه‌كه‌نه‌وه‌ و ده‌سته‌ خنجیلانه‌كانیان له‌ بازاڕی‌ ڕه‌ش ‌و بۆگه‌نی‌ كارتۆنی‌ دا ئه‌بڕنه‌وه‌، بێ‌ مانایی‌ ئه‌م جه‌ژنه‌ و هاوشێوه‌كانی‌ بۆ نه‌وه‌ی‌ كوردی‌ موسوڵمان ئه‌كاته‌ ئه‌وه‌ی‌ كه‌ دواجار كاڵتر و كاڵتر ببێته‌وه‌ و ڕووی‌ ڕاسته‌قینه‌ی‌ جه‌ژنه‌ ئایینیه‌كانی‌ خۆمان له‌ واقیعی‌ ڕوون دا ببینرێ‌، گه‌ر هۆشیاری‌ ئایینی‌ له‌ زمانی‌ زانا ئایینی‌یه‌كانی‌ ئیسلامه‌وه‌ زیاتر ببیسترێ‌ ‌و گه‌نجی‌ ئێمه‌ش ئه‌وه‌نده‌ ساویلكه‌ و ڕوكه‌ش بین نه‌بێ‌! ئه‌گین گۆڕانكاری‌ له‌ پێشكه‌وتنی‌ ووڵاتدا نه‌ك نابینرێ‌ به‌ڵكو پاشكه‌وتن له‌ عه‌قڵی‌ به‌ ناو مۆدێرنه‌ش دا ئه‌بینرێ‌ ‌و له‌ بری‌ گڵۆپ ‌و سوره‌ییا چراو لۆكس له‌ ژووری‌ نان خواردنمانا ئه‌بینرێ‌، كه‌واته‌ بابالۆره‌كانی‌ خۆمان و پاپانوئێله‌كانی‌ بۆنه‌ی سه‌ری‌ ساڵ هه‌ر ئاسنی‌ سارد بكوتن، پێشینانی خۆشمان جوانیان فه‌رمووه‌ (ساڵ به‌ساڵ خۆزگه‌ به‌ پار).

به‌روار: 01/01/2016

بینین: 1338