Bzavpress ||

نوسه‌ران

پێشبین و راپرسیه‌كانی كورد و ئه‌نجامه‌كانی هه‌ڵبژاردنی توركیا

عەلی حاجی زەڵمی

ده‌بێت وڵاتان ئه‌زمون له‌ لێكدانه‌وه‌كانی كورد وه‌ربگرن....

دوای ئه‌وه‌ی لایه‌نه‌ براوه‌كانی توركیا و نه‌گه‌شتنه‌ هیچ رێك كه‌وتنێك له‌گه‌ڵ پارتی داد و گه‌شه‌ پێدان بۆ پێكهێنانی حكومه‌تێكی هاوبه‌ش بۆیه‌ بریاری هه‌ڵبژاردنی پێش وه‌خته‌یان داو حكومه‌تێكی كار به‌رێكه‌ریان دروست كرد" و بریاریاندا له‌ 2-11-201 دا هه‌ڵبژاردنی پێشوه‌خته‌ به‌رێوه‌ بچێت ئه‌وه‌ی جێی ئاماژه‌ پێكردنه‌ ئه‌وه‌یه‌ كه‌ هه‌ندێ لایه‌نی عه‌لمانی كوردی و سایت و رۆژنامه‌ و كه‌ناڵه‌ فه‌رمی و سێبه‌ره‌كانیان كه‌وتنه‌ راپرسی و پێشبینی جۆراو جۆر و سه‌یر سه‌یریان بڵاو ئه‌كرده‌وه‌ ئه‌گه‌ر به‌راوردێك بكه‌ین له‌نێوان ئه‌و ئه‌نجامی راپرسیه‌ و قسه‌ی ئه‌و به‌ناو لێكۆڵه‌ره‌وانه‌ ده‌بینین 100% پێچه‌وانه‌ن ئه‌وه‌ی ئه‌وان پێش بینیان كردبوو هیچی راست نه‌بوو ده‌ركه‌وت ئه‌وه‌ته‌نها خۆخواردنه‌وه‌یه‌كی ناخی خۆیان و حقدێكی ناوه‌كی و ئاكرایان بوو به‌رامبه‌ر به‌ ئیسلام به‌ڵام به‌ بیانوی دژایه‌تی كردنی پارتی داد و گه‌شه‌ پێدان هه‌ڵیان ده‌رشت..
به‌بۆچونی من له‌گرنگترین ئه‌و هۆكارانه‌ی كه‌ له‌پشت سه‌ركه‌وتنی پارتی داد و گه‌شه‌پێدان و گۆرانی ئه‌نجامه‌كان به‌و شێوه‌یه‌ی كه‌ئێستا هه‌یه‌ بۆ چه‌ند خاڵێك ده‌گه‌رێته‌وه‌:
1- پێداچونه‌وه‌ی پارتی داد و گه‌شه‌ پێدان به‌ سیاسه‌تی خۆیداویه‌ك گوتاری و خۆرێكخستنه‌وه‌ی و ئه‌نجامدانی كۆنگره‌یه‌ی حزب و ئه‌نجامدانی كۆمه‌ڵێك گۆرانكاری گرنگ له‌ جومگه‌ سه‌ره‌كیه‌كانی حزبه‌كه‌یدا
2- به‌شداریكردنی توركیا له‌شه‌ری دژی داعش هۆكارێكی تری سه‌ركه‌وتنه‌كه‌ی پارتی دادوگه‌شه‌ پێدانه‌ چونكه‌ له‌ناوخۆی توركیا و له‌ده‌ره‌وه‌ش كۆمه‌ڵێك گومان لای خه‌ڵكی ئه‌و وڵاته‌ درووست بووبوو به‌ڵام دوای راگه‌یاندنی ئه‌وشه‌ره‌ دژی داعش بۆچونی ئه‌و كه‌س و لایه‌نانه‌ گۆرا به‌رامبه‌ر به‌م حزبه‌
3- به‌شداری نه‌كردنی هه‌ندی لایه‌نی كوردی و توركی و پاشه‌كشه‌یان له‌ هه‌ڵبژاردنه‌كاندا بوه‌ هۆی ئه‌وه‌ی كه‌ ده‌نگی ئه‌و لایه‌نانه‌ بگه‌رێته‌وه‌ بۆ پارتی داد و گه‌شه‌ پێدان
4- هه‌وڵدانی حكومه‌تی توركیا به‌سه‌رۆكایه‌تی ئاكپارتی بۆ بوونی توركیا به‌ ئه‌ندام له‌ یه‌كیتی ئه‌وروپا له‌وپێناوه‌شدا چه‌ندین هه‌وڵی داوه‌
5- به‌رزكردنه‌وه‌ی ژێرخانی ئابوری توركیا و گرتنه‌به‌ری سیاسه‌تێكی ئابوری گرنگ له‌لایه‌ن ئه‌م حزبه‌وه‌ بۆ به‌هێزكردنی ژێرخانی ئابوری ئه‌و وڵاته‌
6- غروری هه‌ده‌په‌ و به‌شداری نه‌كردنی له‌حكومه‌ت و راگه‌یاندنی دژایه‌تی خۆی بۆ حكومه‌تی هاوبه‌ش له‌گه‌ڵ ئاكپارتی هۆكارێكی تری به‌رزبونه‌وه‌ی ده‌نگی ئه‌وحزبه‌ و دابه‌زینی ده‌نگه‌كانی كورده‌"ه‌سه‌رو به‌ندی راگه‌یاندنی ئه‌نجامه‌كانی پێشوی هه‌ڵبژاردنه‌كه‌، صلاح الدین ده‌میرتاش هاته‌ سه‌ر شاشه‌ی ته‌له‌ڤزیۆن و گۆتی به‌شداری پێكهێنانی حكومه‌ت ناكه‌ین له‌گه‌ڵ ئاكپارتی، نازانم له‌دنیای سیاسه‌ت به‌تایبه‌تی له‌بارودۆخی وه‌ك توركیا ئه‌و لێدوانه‌ له‌ سودو به‌ڕژه‌وه‌ندی كێ بوو ؟ یان به‌ فه‌رمانی ج لایه‌ن و وڵاتێك ئه‌و قسه‌یه‌ی كرد ؟
ده‌بوایه‌ عاقلمه‌ندانی داڕێژه‌رانی سیاسه‌تی كورد له‌ توركیا بیانزانیبوا كه‌ توركه‌كانی توركیا سه‌زای ئاك پارتیان دا له‌ هه‌ڵبژاردنی پێشوتر به‌هۆكاری بانگه‌شه‌ی دروشمی گه‌یشتن به‌ئاشتی و ڕێككه‌وتن له‌گه‌ڵ كوردو په‌كه‌كه‌دا ، یه‌كه‌مین وه‌ڵامدانه‌وه‌ی هه‌ده‌په‌ش ڕاگه‌یاندنی ڕق و قین بوو به‌ ڕاگه‌یاندنی ده‌میرتاش كه‌به‌شدار نابن له‌گه‌ڵ هیج حكومه‌تێك له‌گه‌ڵ ئاكه‌په‌.
له‌وه‌ش سه‌یرتر ئه‌وه‌بوو له‌م هه‌ریمه‌ی خۆمانه‌وه‌ وا خۆیان تیكدابوو پێیان وا بوو هه‌لبژاردنی پیشوو كۆتایی دونیایه‌ و گلۆله‌ی ئاك پارتی كه‌وتوه‌ته‌ لیژی و به‌ دل و به‌نوسینیش ده‌یانخواست كه‌ هه‌ده‌په‌ له‌گه‌ل ئه‌كه‌په‌ دا حكومه‌ت پیك نه‌هینیت ! ئه‌وه‌ ده‌رئه‌نجامه‌كه‌ی بوو ! جا توخوا هه‌لبژاردنی پیشو فرسه‌ت نه‌بوو بۆ كورد هاتبوه‌ پیشه‌وه‌ ! به‌لام نه‌زانه‌كان نه‌یانهیشت !!!
به‌ڵام وه‌ك ئه‌یبینین هه‌موو ئه‌و پێشبینیانه‌ كه‌له‌كوردستانه‌وه‌و له‌لایه‌ن لایه‌نه‌كان وراگه‌یاندنه‌كانیانه‌وه‌ كرابوو هه‌موویان پێچه‌وانه‌بوون...

به‌روار: 02/11/2015

بینین: 1320