Bzavpress ||

زەنگێک بۆ بێداربوونەوە لە غەفڵەت
تـــــــەرزە فائق

مەملەکەتی شەیتان, کتێبێ سێیەم, زنجیرەی ٧٣
ماکوان کەریم

مەلەکەتی شەیتان، کتێبی سێییەم، زنجیرەی ٦٩
ماکوان کەریم

نوسه‌ران

هۆكاری بێ متمانه‌یی نێوان خه‌ڵك و حكومه‌ت....

عەلی حاجی زەڵمی

له‌وانه‌یه‌ ئه‌و پرسیاره‌ لای زۆربه‌مان دروست بوبێت بۆچی متمانه‌ له‌نێوان حكومه‌ت و میلله‌تدا نه‌ماوه‌ ،به‌ شێوه‌یه‌كی‌ گشتی‌ خه‌ڵك كوَمه‌ڵێ‌ داواكاری‌ هه‌یه‌ له‌ ده‌سه‌لاَت، ده‌سه‌لاَتیش نه‌یتوانییوه‌ ئه‌و داواكارییانه‌ جێ‌ به‌جێ‌ بكات،
له‌رووی سیاسیه‌وه‌:
ئه‌گه‌ر له‌ ڕووی‌ سیاسییه‌وه‌ باس بكه‌یت كێشه‌ی‌ كورد له‌ هه‌رێمی‌ كوردستانی‌ عێراقدا كێشه‌ی‌ سنووری‌ هه‌رێمی‌ كوردستان بووه‌، گه‌ڕِانه‌وه‌ی‌ كه‌ركووك و ناوچه‌ دابڕاوه‌كانی‌ تره‌، سه‌یر ئه‌كه‌ی‌ له‌دوای‌ ڕاپه‌ڕینه‌وه‌ هیچ شتێك نه‌كراوه‌، له‌دوای‌ ڕووخانی‌ ڕژێمی‌ سه‌دامیشه‌وه‌ خه‌ڵك به‌ ته‌ما بوو گه‌لی‌ كورد هه‌م مافه‌كانی‌ خوَی‌ ده‌ستكه‌وێ‌، به‌لاَم سه‌یر ئه‌كه‌ی‌ ناوچه‌ دابڕاوه‌كان نه‌گه‌ڕاونه‌ته‌وه‌ شوێنی‌ خوَیان، بۆیه‌ خه‌ڵك له‌و لایه‌نه‌وه‌ زوَر بڕوای‌ به‌وه‌ نییه‌ كه‌ حیزبه‌ ده‌سه‌لاَتداره‌كانی كوردستان بتوانن مافه‌ نه‌ته‌وه‌ییه‌كان، یان ئه‌ندێشه‌ نه‌ته‌وه‌ییه‌كانی‌ گه‌لی‌ كورد جێ‌ به‌جێ‌ بكه‌ن،
له‌رووی دیموكراتیه‌ته‌وه‌:
مه‌سه‌له‌ی‌ تر ئه‌وه‌یه‌ دیموكراتییه‌ت نییه‌ له‌ هه‌رێمی‌ كوردستاندا، دیموكراتییه‌ت كوَمه‌ڵێك بنه‌مای‌ هه‌یه‌ یه‌كێك له‌وانه‌ ده‌ستووره‌، یانی‌ له‌م سه‌رده‌مه‌دا سه‌یر ئه‌كه‌ی‌ هیچ ولاَتێك نییه‌، هیچ هه‌رێمێكی‌ فیدڕاڵ نییه‌، هیچ هه‌رێمێكی‌ ئوَتوَنوَمیش نییه‌ به‌بێ‌ ده‌ستوور، له‌دوای‌ ڕاپه‌ڕێنه‌وه‌ تا ئێستا ئێمه‌ ده‌ستوورمان نییه‌، ئیجتیهادو حه‌زو ئاواتی‌ سه‌ركرده‌یه‌ك ئه‌بێته‌ یاساو ئه‌بێته‌ بڕیارو جێ‌ به‌جێ‌ ئه‌كرێ‌، بڕیاره‌كانیش كه‌ جێ‌ به‌جێ‌ ئه‌كرێن، له‌ قازانجی‌ میلله‌تدا نییه‌، له‌ به‌رژه‌وه‌ندی‌ گشتی‌ دا نییه‌، پێگه‌كانی‌ تری‌ دیموكراسییه‌ت یاسایه‌، فره‌ حزبییه‌، سه‌یر ئه‌كه‌ی‌ لێره‌ زوَر زوَر لاوازه‌،
له‌رووی خزمه‌تگوزاریه‌وه‌:
خاڵێكی‌ تر مه‌سه‌له‌ی‌ خزمه‌تگوزارییه‌، مه‌سه‌له‌ی‌ ته‌ندرووستیه‌، ئاوه‌، كاره‌بایه‌، نرخی‌ بازاڕه‌، سه‌یر ئه‌كه‌ی‌ ئه‌مانه‌ هیچیان باش نین، پێشكه‌وتنێكی‌ وای‌ پێوه‌ نابینرێت،
له‌رووی گه‌نده‌ڵی ئابوری و ناشه‌فافیه‌وه‌:
ئه‌و گه‌نده‌ڵییه‌یه‌ كه‌ هه‌یه‌، به‌رده‌وام تا ئێستاش ئه‌و خه‌ڵكه‌ی‌ كه‌ سه‌ر به‌ حیزبی‌ ده‌سه‌لاَتدار نه‌بێت، مافی‌ نییه‌ له‌ دام و ده‌زگاكانی‌ حوكمه‌تدا دابمه‌زرێ‌، تا ئێسته‌ش نه‌ك ته‌نها خه‌ڵك به‌ڵكو ئه‌ندام په‌رله‌مان و وه‌زیره‌كانیش و هه‌ندێ له‌ حزبه‌كانیش نازانن داهاتی نه‌وت چی لێ ئه‌كرێت و چی لێ دێت و چۆن سه‌رف ئه‌كرێت وخۆیانیان لێ بێ ده‌نگ كردووه‌، چونكه‌ له‌ ولاَتی‌ ئێمه‌دا ئابووری‌ له‌م ولاَته‌ی‌ ئێمه‌دا ڕوَژ به‌ڕوَژ به‌ره‌و خراپی‌ ئه‌چێت، گونده‌كانی‌ ئێمه‌ چوَڵن، گه‌لی‌ كورد خاوه‌نی‌ سامانێكی‌ ژێر زه‌مینیه‌، ئه‌و سامانه‌ ژێر زه‌مینیه‌ پێویست ناكات به‌و شێوه‌یه‌ هه‌ڵسوكه‌وتی‌ له‌گه‌ڵ بكرێت ئێمه‌ میزانییه‌ی‌ خوَمان، مووچه‌ی‌ خوَمان له‌ به‌غداوه‌ وه‌رئه‌گرت دواتر ئه‌و په‌یوه‌ندیانه‌مان پچراند و سه‌ربه‌خۆ نه‌وتمان هه‌نارده‌كردووه‌، هه‌روه‌ها وه‌ ناعه‌داله‌تییه‌ك كه‌ له‌ هه‌موو مه‌جاله‌كاندا هه‌یه‌، له‌ بواری‌ ئابووریدا، له‌ بوواری‌ ده‌سه‌لاَتدا هه‌روه‌ها ل، له‌ مه‌جالی‌ سیاسیدا، له‌ مه‌جالی‌ ئابووریدا، له‌ مه‌جالی‌ به‌ڕێوه‌بردندا ناعه‌داله‌تی‌ هه‌یه‌، ئه‌وه‌ش هوَكارێكی‌ تره‌ كه‌ ئه‌و په‌یوه‌ندییه‌ی‌ نێوان خه‌ڵك و ده‌سه‌لاَت به‌و شێوه‌یه‌ هه‌ر خراپه‌، وه‌ مه‌فهوومی‌ حیزبه‌ ده‌سه‌لاَتداره‌كانی‌ ئه‌مڕوَ ئه‌وه‌یه‌ كه‌ میلله‌تی‌ خوَیان خوَش ناوێت، وه‌ بوَ به‌رژه‌وه‌ندی‌ گشتی‌ ئیش ناكه‌ن، كه‌ هه‌ر هێزێكی‌ ده‌سه‌لاَتداریش هێزی‌ خوَی‌ خوَش نه‌وێت، وه‌ سوَزو عه‌تفی‌ نه‌بوو به‌رامبه‌ر به‌ میلله‌ته‌كه‌ی‌، ئه‌وكاته‌ ڕوَژ به‌ ڕوَژ ئه‌و میلله‌ته‌ به‌ پێكهاته‌یه‌كی‌ نوقسانی‌ ئه‌زانێ‌، له‌به‌ر ئه‌وه‌ مافی‌ نادرێتێ‌، كه‌ میلله‌تیش مافی‌ نه‌درایه‌، ته‌نها هه‌ر داوای‌ ئه‌ركی‌ لێ‌ كرا، ئه‌و كاته‌ هه‌ست به‌وه‌ ئه‌كات كه‌ ده‌سه‌لاَت مافی‌ ناداتێ‌، ئه‌و كاته‌ تووشی‌ به‌ره‌نگاربوونه‌وه‌و سارد بوونه‌وه‌و تێكچوونی‌ په‌یوه‌ندی‌ نێوان خه‌ڵك و ده‌سه‌لاَت په‌یدا ئه‌بێت. به‌كورتی ، ئه‌مانه‌ كوَمه‌ڵێك هوَكارن كه‌ خه‌ڵكی‌ وا لێ‌ كردووه‌ متمانه‌ی‌ به‌ ده‌سه‌لاَت نه‌بێ‌،

به‌روار: 26/10/2015

بینین: 1303