زۆرێك دەبیستین و دەبینین لە رابوونی ئیسلامی کوردیدا ئەم ووشەیە
بەکاردێنن، گوایە ئیسلامێکی میانەڕەو پێشکەش بەخەڵکی دەکرێت لە رووی
بانگەواز و فیکرو باوەڕ سیاسەت و..تاد.
کە ئەمە لەڕاستیدا لە رووی شەرعی و پاشان لە رووی فیکری و لەڕووی ئەخلاقیشەوە .. لە ئاینی ئیسلامدا بوونی نیە ..
چۆن ؟
لە رووی شەرعەوە.. یاخود- زارەوەی شەرعیەوە یاخود زمانەوانیەوە ئەگەر
ووشەی الوسطیة ، لە کوردیدا مورادیف یان لەبەرانبەر وەسطیەتدا دابنین هیچ
مانایەکی میانەڕەوی نیە ، چونکە ووشەی وەسطیەت لە شەرع و تەفسیرو
زمانەوانی و زاراوەدا واتا دادپەروەری ..!
لە رووی فیکریەوە :
میانەڕەوی ووشەیەکی زۆر نەنگیە و وەك کورد دەڵێت : عەیبەیە میانەڕەوی بۆ
ئیسلام بەکاربێت ، چونکە ئیسلام خاوەنی هەڵوێستە و هەرگیز لە میانەوە یاخود
لە نێوەندگیردا خۆی ناهێڵیتەوە، بەڵکو - خاوەن هەڵوێستی تایبەتی خۆیەتی
خاوەنی قسە لە سەرهەمووکایەکانی ژیاندا، لە هەموو فەرهەنگەکاندا ، لە
هەموو ڕەهەندەکاندا سیستەمی ژیان و، هتد، تایبەتمەندی خۆی هەیە و هەڵووێستی
جیاوازە ، ئیسلام هەرگیز میانەڕەو نیە..
لە رووی ئەخلاقیەوە
یەکانگیر نابێتەوە لەگەڵ ئاکارەکانی مرۆڤی موسڵمان ، چونکە کاتێك قسە بە
خوای گەورە دەوتریت لە کۆڕو مەجلیسێکدا ، تۆی موسڵمان میانەڕەو نیت ،
بەڵکو لە رووی ئەخلاقیەوە کە توخمێکی باوەڕە ئەو جێگاو مەجلیسە جێدێڵی،
ناتوانیت میانەڕەو بیت ، یاخود ئەگەر قسە بە خواوپێغەمبەر ووترا هەرگیز
ناتوانیت میانەڕەو بیت دەبێت لە رووی ئەخلاقی وە خاوەنی ئاگاری بەرزی
ئیسلامی بیت کە لەباوەڕەوە سەرچاوە دەگرێت..