چیرۆک
  مەملەکەتی شەیتان ـــ کتێبی سێیەم : زنجیرەی ٨٥
ماکوان کەریم

شەو ئەوەندە ماندوو بووم ، نەمزانی میوانەکانم ڕۆشتن یان نا ، من خەولێکەوت ، هەستم کرد ئەو خەوە خۆشەشم لەو دەرمانەوە سەرچاوەی گرتبوو کە حەزقیل دایمێ ، بەدەنگی ئاگادارکردنەوەی کەشتیەکە خەبەرەم بوویەوە ، ووتی پاش کەمێکی تر کەشتێکە لەنگەر دەگرێ و ئەوانەی سەیارەیان هەیە هەموو لە ناو سەیارەکاندا ئامادە بن بۆ دەرچوون ، منیش بە پەلە هەڵسام و فریای نان خواردن نەکووتم لە کەشتیەکەو بەرەو مالمۆ کەوتمە ڕێ ..
لەدەرچوونم کاکە حەزەو سەسیل لە ئاوینەکەی دواوە بینیم دانیشتوون ، هەرئەوەندە ووتم ئەی کوا جەنابی شێخ؟
تەماشام کرد لە تەنیشتمەوەیە ..
ماکوان : یاخوا بەخێر بێن ، خوای پەروەردگار چ نیعمەتێکی داوە بە من ئەم هەموو جنۆکە لێم کۆبوونەتەوە ..
حەزقیل : ماڵت ئاوابێت ، ئەم شەو نەتهێشت کەس بخەوێت ئەوە چی بوو هەموو بەدیارتەوە دانیشتبووین ، ئەو مرخ مرخەت لەچی بوو ؟
ماکوان : بە پێکەنینەوە ، ئی ماندوو بووم دەنا من بێدەنگم وەکو کاتم وام ..
شێخ برقان : ماکوان ، داوات لێدەکەم زۆر جار گوێم لێتە کە دەپارێتەوە بە ناوی اللە داوای لە خوای پەروەردگار مەکە ..!
ماکوان: ئەی بەچی داواکەم یاشێخ؟
شێخ بەرقان : بەسیفاتەکانی تری .
ماکوان : تێناگەم مەبەستەکەت روون نیە ..
شێخ برقان : هەرگیز بە ناوی اللە داوا لە خوای پەروەردگار مەکەن.. تۆ بڵێ بۆ؟
ماکوان : بۆ ؟
شێخ برقان: لەبەر ئەوەی ..ئەگەر خوای گەورە بەناوی خۆی ئەم گەردونەی ببردایە بەڕێوە وەك عەرەب دەڵێت: "یدیر الکون" ئەوا هەموو ئەم کەونە بەشی چەند دەقیقەیەکی ئێمەی نەدەکرد؛ هەموو ئەم سیستەمە تێكدەچوو خوای گەورە گەردوونی بۆ کەس رانەدەگرت و تێكوپێکی ئەدا بەسەریەکدا، چونکە ئەوەندە خراپەکارو بێ فەرمانی (اللە) دەکرێت..
ئەوەی کە جێگای خۆشحاڵیە ، خوای بەرزو پیرۆز بە ( اللە) وەك ناوی بەرزی مامەڵە لەگەڵ ئەم گەردون و جنۆکەو مرۆڤە ناکات، بەڵکو بە یەك سیفاتی بەرزی دەیبات بەرێوە ئەویش سیفاتی (الرحمن)ە..
ئەوەی کە گرنگە مرۆڤی موسڵمان و جنۆکەی دیندار تێبگات ئەوەی کە هەمیشە ناوی (اللە) بە بەرز ڕابگرێت، هەوڵ و خەبات و کۆششی دەبێت بۆ ئەو کارەبێت پەروەردگار دەفەرموێت: (کلمە اللە هی العلیا) .. چونکە لە بنەڕەتدا ئەمە بەندایەتییە..

ماکوان : جوانە ، بەس زیاتر روونی بکەرەوە با فیکرەک ەبزانم چیە ؟

شێخ برقان : زۆر بەسادەی بۆ ئەوەی تیبگەیت ؛ سیفاتی پیرۆزی (الرحمن) زۆر گرنگە موسڵمان بەوە داوا بکات لە خوای گەورە خوای گەورە بۆی دیاری کردوە کە بە سیفاتی ڕەحمان داوای لێبکرێت، یاخود بە ناوی (اللە) دەفەرمویت لە قورئاندا.. (قُلِ ادْعُوا اللَّهَ أَوِ ادْعُوا الرَّحْمَنَ)..
لە قورئاندا هەمیشە کە ناوی( اللە) بە سیفاتی ڕەحمان هاتبێت رەحیمش بە دوایدا هاتووە..
وەك هەموو (بسم اللە الرحمن الرحیم).. یاخود هەموو لە زۆربەی زۆری ئاتەکاندا کە رەحمان هاتبێت رەحیم لەگەڵیدا هەبووە، لە سورەتی فاتحادا خوای گەورە دەفەرموێت(الرحمن الرحیم).. لە سەرەتای سورەتی فوصلەتدا دەفەرموێت:( تَنزِیلٌ مِّنَ الرَّحْمَنِ الرَّحِیمِ).. لە کۆتای سورەتی حەشردا خوای گەورە دەفەرموێت: (هو الله الذي لا إله إلا هو عالم الغيب والشهادة هو الرحمن الرحيم).. کەواتە ئەمە گرنگی خۆی هەیە بەو شێوە خوای گەورە ..بە بەزەیی خۆی ئەم گەردونە دەبات بەرێوە و لەسەر عەرشی خۆی کە ئەم بوونە دەبات بەڕێوە خۆی ئیدارەی دەکات، بێجگە خوای پەروەردگار کەسی تر نیە لەم بوونەدا وەك خۆی دەفەرموێت: (الرحمن على العرش استوى).. بەم شێوەیە خوای گەورە لە قورئاندا بۆی ووێناکردوین..
ماکوان: ئەی کە رەحمان سیفاتی خوای گەورەیە بۆ ئازاری کافران و سەرپێچی کاران ئەدات خوای پەروەردگار، خوای گەورە بەبەزەییە بۆ موسڵمانان ، لە هەمان کاتدا بە بەزەیشە بۆ بێباوەڕان و سەرپێچی کاران.

شێخ برقان: کافران بڕوایان بە ووشەی رەحمان نیە .. بۆیە خوای گەورە بەزەیەکەیان لێوەردەگرێتەوە ئەوان بە چاوی رەقەوە تەماشای خوای گەورە دەکەن و بڕوایان بە بەزەیی پەروەردگارنیە .

کێشەی کافرەکانیش لەگەڵ پێغەمبەری خوادا صلی اللە علیە وسلم لە ناوی (اللە)دا نەبوو ئەوان بڕوایان بە خوا هەبوو دەیانزانی خوای گەورە دروستکاری ئەم گەردونەیە ئەم بوونە بەڕێوەدەبات خوای گەورە دەفەرموێت(ولئن سألتهم من خلق السماوات والأرض ليقولن الله)، بەڵکو- لەسەر سیفاتی الرحمن کێشەیان بوو..!
خوای گەورە خۆی بۆمان باس دەکات لە سورەتی فورقاندا دەفەرموێت: (وَإِذَا قِيلَ لَهُمُ اسْجُدُوا لِلرَّحْمَنِ قَالُوا وَمَا الرَّحْمَنُ أَنَسْجُدُ لِمَا تَأْمُرُنَا وَزَادَهُمْ نُفُورًا ﴿60﴾)..ئه‌گه‌ر (به‌ خوانه‌ناسان) بوترێت سوژده‌ و (کڕنوش) ببه‌ن بۆ خوای میهره‌بان و بە بەزەیی، (ئه‌و نه‌فامانه‌، به‌سه‌رکه‌شییه‌وه‌) ده‌ڵێن: ڕه‌حمان کێیه‌، خوای میهره‌بان کامه‌یه کوا بەزەیی‌؟ سوژده‌ به‌رین بۆ که‌سێک که‌ فه‌رمانمان پێ ده‌دا؟! تا ببێت زیاتر ته‌ره‌ ده‌بن و وێڵ ده‌بن.

خوای گەورە سورەتێکی بەناوی ڕەحمانەوناوە سەروەرمان(صلی اللە علیە وسلم) ناوی ناوە بە بوکی قورئان.. سەرەتاکەی بە سیفاتی بەرزی الرحمن دەست پێدەکات کۆتایەکەی باسی ئەو سیفاتە دەکات بە تەنها دەفەرموێت: ئەوە ناوێکی پیرۆزە جەخت لەسەر پیرۆزی رەحمان دەکاتەوە بە کۆ نەیهێناوە، بەڵکو بە تاك باسی ناوی کردوە زانایان دەفەرموون واتا مەبەست پێی رەحمانە ئایتەکە لە کۆتای سوڕەتی رەحمان دەفەرموێت:( تَبَارَكَ اسْمُ رَبِّكَ ذِي الْجَلَالِ وَالْإِكْرَامِ ﴿78﴾)..
کەواتە سیفاتی ڕەحمان بەزەیی خوای گەورەیە ڕشتنی نیعمەتەکانیەتی بەسەر مرۆڤایەتی و تایبەت تریش بەسەر موسڵمانان بۆیە خوای گەورە لەسورەتی رەحمان تەنها باسی نیعمەتەکانی خۆیمان بۆ دەکات پاشان چەند جار دەفەرموێت و چەند بارەی دەکاتەوە بۆمان : فَبِأَيِّ آلاء رَبِّكُمَا تُكَذِّبَانِ ﴿13﴾جا ئیتر ئه‌ی گرۆی ئاده‌میزادو په‌ری به‌ کام له‌ نازو نیعمه‌ته‌کانی په‌روه‌ردگار بروا ناکه‌ن، کامی په‌سه‌ند ناکه‌ن. تەنها لە ناو قورئانو ئاینی ئیسلامیشە خوای گەورە سیافاتی رەحمانی بەکار هێناوە لەهیچکام لە ئاینەکانی تردا ووشەی ڕەحمان نەهاتووە.
ماکوان : سوێند بەخوا راست دەکەیت ئیتر بەسیفاتی رەحمان بانگی دەکەم
شێخ برقان : ئێمە دەڕۆین ، سەیارەیەك شوێنت کەتووە ، بزانە چیدەوێت ؟
کەتەماشای دواوەم کرد لەدوامەوە سەیارەیەکی ڤاڵڤۆ فولم بۆ لێئەدات ، منیش هیواشم کردوە هاتە تەنیشتمەوە ، ئومێدو سارا و تارا بوون .. وامزانی یارمەتیان پێویستە.. شوێنیان کەووتم چووینە جێگایەك وەستاین و دابەزیم ئومێدیش دابەزی ..
ئومێد: برا ماڵی ئێمە لە شارێکە لەم نزیکانە هەموو چارەکە سەعاتێکمان ماوە بگەینە ماڵەوە ، ماڵمان لەم شارەیە لە سەر ڕێگاکەماندایە، پێمان خۆشە میوانداریت بکەین و لەگەڵ دایکمو باوکم قسەم کردوە ووتیان: با نیوەڕۆ دەعەوت بێت و بیهێننەوە بۆ ئێرەو دوای نانخواردن بڕوات ؟
ماکوان : زۆرم برسی بوو ، بەڵام تۆزێك خۆم باداو ووتم بەخوا ئیشم هەیە و دەبێت بڕۆم و چاوەڕێمن و هەندێك لەم قسانە ، بەڵام پێشم خۆش بوو، ئیتر قوبوڵم کردو ووتم بڕۆن بەدواتاندا دێم ، بەس خێرا بڕۆ ، من هێواش لێخوڕم خەوم دێت لەناو سەیارەولە ڕێگای دوور بەتایبەت..
چووینە ماڵی ئەوان لەشاری لوندی ، لەسەرو مالمۆوەیە لە ووڵاتی سوید ..بەخێرهاتنێکی گەرم ، باوکی پیاوێکی مەعقول و سەرسپی هاتە دەرەوە و ئومێد ووتی ئەوە باوکمەو ناوی بورهانە و دایکیشی بەدوایدا هات چۆنی و چاکیم لەگەڵ ئەویش کردو خۆی ناساند ، ناوی توبا خان بوو ..
دانیشتین و کات ژمێر ١١ و نیوی نیوەڕۆ بوو .. دەنگی کاك بورهانم لا نامۆ نەبوو ، ئاشانابوو بە گوێم ..
ماکوان: کاك بورهان ئەم دەنگەی جەنابت نامۆ نیە ، پێشتر بەیکەوە قسەمان کردوە ؟
بورهان : بەڵێ کاك ماکوان ، من هەمیشە لە ژووری ئۆپۆزسیۆن بووم لای ئارام ئەحمەد..
ماکوان : خۆ هەموو کورد لە ئەوروپا دەچوونە پاڵتۆك ئەوە دەزانم ، بەڵام من و جەنابت قسەمان کردوە بیکەوە ؟
بورهان : بەڵێ شەوێکیان کۆرێکت هەبوو لە ژووری کاك دەرون کوردو نەتەوەی ..من و هاوریکانمان بەشداریمان کرد ئەو شەوە منت شۆرد ..
توباخان : بە پێکەنینەوە ، دەستت خۆش بێت کاکە ماکوان گیان ئەو شەوش هەر پشتگیری تۆم دەکرد ..!
ماکوان : جا شەڕمان کردوە منیش هاتومەتە ماڵەکەتەوەو نانی ماڵەکەت دەخۆم ، ناکرێت عەفومان بکەیت بەو سەرو ریشە سییەی خۆت کاك بورهان بمانبەخشیت ، خۆت دەزانی لەپاڵتۆك خەڵکەکان یەکتر نابینن هەمو دیاردەی دەنگە ، جا ئەگەر قسەیەکی بەرزو نزمم کردوە لە قصورمان عەفووبە؟
بورهان : کاکە گیان ئەوە دەڵێ چی ، بەخوا بەقدەر ئومێد خۆشەویستیت هەیە لام ، راستە نوێژ ناکەم ، بەڵام بڕوام بەقسەی کەس نیە تۆ نەبێت..
ماکوان : ماڵت ئاوابێت، ئەی دەکرێت بپرسم پرسیارەکەی بەڕێزت چی بوو، وا تێك گیراین ؟
بورهان : راستی دەوێت وەڵامت دامەوە ، خەتای من بوو حەزم کرد هەر قسەی خۆم سەرکەوێت، لێم پرسیت ، بۆ ئەوەندە خزمەتی ئیسلام دەکەیت بۆ ئەوەندە خزمەت بە کوردو کوردستان ناکەن ، تۆش وەڵامت دامەوە ، زۆر خۆش بوو ، وەڵامەکەت ووتت: خۆ بە ئینگلیزی قسە ناکەم ، ئەی ئەم کۆڕو سمینارانە و نوسینو بەکوردی، .. هتد ..مانای ئەوە نیە خزمەت بێت بە کورد؟
ماکوان : بیرمە ؛بیرم کەوتەوە ، ئەش زانم ناوت چی بوو، ناوت شەبابە شێت بوو ، وایە ؟
بورهان : وەڵاهی راست دەکەیت ، ووتیشت ناوکەت پڕ بەپێستی خۆتە ، ئەوە توڕەی کردم ، ناوی شەبابە شێتی سلێمانیم لە خۆم نابوو . خۆ دەیناسی ؟
ماکوان : ئەی چۆن نایناسم خۆشەویستم بوو ، بۆ زانیاریت کە زۆر رەق تر دەنابەزیم لەسەرت ، لەبەرخاتری ناوەکەت بوو ..(بە پێکەنینەوە)واتا لە بەر خاتری شەباب بوو، خۆی لە ڕاستیدا من کێشەم لەگەڵ ئێوە و ئیسلامیەکان هەبوو ، هەندێك لەو برا ئیسلامیانە دەیانگووت ، ماکوان هەمیشە باسی کوردایەتی دەکات، ئێوەش پێچەوانە بوون دەتانوت بۆ باسی کوردایەتی ناکەیت !!
بورهان: وابوو راستە ، هەر ئەو شەوە ئەو پرسیارەیان لێ کردیت ..!
ماکوان : وەڵامەکەت بیر ماوە چیم ووت بەوان ؟
بورهان : لەبیرمە بەس زۆر جوان وەڵامت دانەوە ، لەو شەوەوە منیش فێری کوردایەتی بووم ، نەمدەزانی ئەوە واتای کوردایەتیە ..
ئومێد : کاك ماکوان وەڵامەکە چی بوو ، منیش حەزدەکەم بزانم ...
ماکوان : لەوێ لەخۆشەویستیم بۆ ئەوگەنجە موسڵمانەنە عەرزم کردن .. برایانی خۆم کە کەسێك باسی کوردایەتی کردو نیشتیمان و خەڵکەکەی خۆشویست؛ مانای وانیە لە ئیسلامدا شتی وانیە و کارێکی خراپی کردوە، پاشان ئەگەر رێزو حورمەت لە هێزە نیشتیمانیەکانی ووڵاتی خۆی بگرێت کوفر نیە ، چونکە هاوکارو هاوخەباتی تۆیە لە خەباتی ڕزگاری خوازی گەلی تۆدا کە بەشێکی زۆری موسڵمانە، پێغەمبەری خوا (صلی اللە علیە وسلم) دەفەرموێت: {من أخذ من الآرض شیئا بغیر حقه‌ خسف به‌ یوم القیامه‌ الی سبع أرضین} رواه‌ البخاری..
هەرکەس خاکی کەسێك داگیر بکات و زووتی بکاتو مافی بخوات خوای گەورە دیکات بەناخی حەوت چینی زەویدا لە رۆژی قیامەتدا
پاشان ده‌فرموێت{العن لله‌ من غیر منار الآرض} رواه‌ مسلم..، لەعنەت لەوکەسەی کە خاکی خەڵکی داگیر دەکات
مه‌به‌ستی پێغه‌مبه‌ری ئازیز (علیه‌ سلام )که‌ هیچ که‌س بۆی نیه‌ خاکی که‌سێکی تر داگیر بکات چۆن ئه‌گه‌ر مافمان داگیر بکرێت موسڵمان خه‌بات ناکات له‌ پێناو خاکو خۆڵی وڵاته‌که‌ی خۆیدا که‌ واته‌ ئێمه‌ به‌ ئه‌رکی سه‌ر شانی خۆمانی ده‌زانین و هه‌راجی پێوه‌ناکه‌ین کوردایه‌تی به‌ سه‌ر که‌س دا نافرۆشینه‌وە، چونکه‌ ئه‌و که‌سانەی که‌ زۆر باس له‌ بیری نه‌ته‌وه‌ی ده‌کات دیاره‌ ئه‌و جاش بووه‌ ده‌یه‌وێت به‌وه‌ قسه‌ زلانه‌ داپۆشن که‌ سه‌دان نمونه‌ی له‌ جۆره‌ له‌ بار ده‌ست دایه ..
ئەگەر کەسێك بەرگری لە خاکی خۆی کرد مانای وانیە رقی لە خەڵکانی ترە، ئەگەر کەسێك ووتی من ناسیۆنالیزم .. مانای وانیە ئیتر ئەوە پڕاو پڕی ووشەکە بەکاری بنێت، ڕاستە ئەم ووشەیە لە دنیادا بە جنێو بە کار دێت ، بەڵام لە ناوکوردا بەو شێوە لۆژیکە نیە..چونکە کورد تینوی نیشتیمان و ئاڵاو سەروەری خۆیەتی بە مانایەکی جوان دایانتاشیوە، پاشان بۆ زانیاری هەموو لایەك کوردایەتی ئایدۆلۆژیەت نیە، تا تەنها کۆمەڵك خەڵك خاوەنی بێت، کافرو موسڵمان و عەلمانی و کۆمەنیست و مەسیحی و یەزیدی خاوەنی کوردستانن، هیچ کەس لەم چینو توێژانە بە تەنها خاوەنی ئەو نیشتیمانە نین دەبێت مافیان دیاری بکرێت.
کەواتە ئازیزانی من سۆزی کورادیەتی واتایی بریتییە لە..
- سۆزی نه‌ته‌وایه‌تی : واته‌ خۆشه‌وستی بۆ نیشتمان خاكو خۆڵه‌که‌ی و کێشه‌که‌ی له‌ ڕووی سیاسی و ئابوریه‌وه‌.

- هه‌وڵدان بۆ ڕزگار کردنی کوردستان وپشتگیری مافی ڕه‌وای گه‌له‌که‌مان .

- به‌رز کردنه‌وه‌ی ئاستی ڕۆشنبیری خه‌ڵکه‌که‌ی له‌ هه‌موو بوه‌ره‌کاندا .

- به‌کار هێنانی بیرێك(هەرکۆمەڵە بە دیدو بۆچونی خۆی) بۆ بشتگیری له‌ مافی نه‌ته‌وه‌یه‌تی .

- پاراستنی ژینگه‌ی کوردستان له‌ هه‌موو ڕووه‌کانه‌وه‌.

- پاراستنی مۆڕاڵی ڕەسەنی کوردەواری(ئاداب، ڕەوشت، ئاکار)

برای موسڵمان چاکە و باشە لەگەڵ هەموو کەسێك داوای خوای پەروەردگار و پێغەمبەرەکەیەتی (صلی اللە علیە وسلم)چجای لەگەڵ خەڵکی ووڵاتی خۆتدا، ئەمە پوختەی کۆرو قسەکانم بوو..

بورهان : راستەکەی وابوو، ئیمە ئەکات قسەکانت ئەوندە جوان بوو خەریك بوو دڵمان ئەتەقی ، کەسمان نەبوو وەکو تۆ قسە بکات ، ئیتر بەخیل بووین ..
ماکوان : جا بەس نیە راستگۆیتو دان بەراستیدا دەنێیت کاك بورهان گیان ..!
ئومێد: توخوا یەك پرسیار ؟
ماکوان : فەرموو؟
ئومێد : ئیسلام بۆ ئەنفالمان دەکات ؟
ماکوان: کێ ئەنفالتان دەکات، تۆ بۆ خۆت دەزانی ئەنفال هەر واتای چییە، خەریك بوو توڕە بم ، بەس لەماڵەکەیاندابوو ؟
ئومێد: ئەی ئەوەنیە ١٨٢ هەزار ئەنفال کراوین ؟
ماکوان : لەبەر حورمەتی باوکت و ماڵەکەتان نەبوایە ، وەڵامێکی زۆر رقم ئەدەیتەوە ..جوان گوێ بگرە ئەنفالی ئیسلام و سەدام لەیەك جیابکەرەوە .. ئەنفال لە دیدی ئیسلام دەستکەوتە، دەستکەوتیش لە ئیسلامدا زەمکراوە واتا خراپە شتیکی زۆر باس نیە واتا ئەنفال شتیکی باش نیە ، سەرکەوتن لە ئیسلامدا جێگای شانازیە، واتا لە پێناسەی ئەنفال یاسایەکی جەنگە لە ئیسلام بۆ ئەو کەرەستەو شتو مەکانەیە کە لەدوای سوپای دۆڕاو جێدەمێنێت، من پێم وابێت هیچ پەیوەندی بە ئەسیرو گیراوەکانی جەنگەوە نیە، بۆیە خوای گەورە کە باسی ئەنفال دەکات هیچ کەس بۆی نیە قسەی تێدا بکات بێجگە خواو پێغەمبەرەکەی (صلی اللە علیە وسلم) واتا مرۆڤ هیچ ناتوانێت لەو یاسایەدا بە ئارەزووی خۆی دارێژەری بێت، هیچ تێگەیشتی؟
ئومێد : نا..!
ماکوان: پێتەوە دیارە دەموچاو دیارەو هاوار دەکات دەڵێت هیچ تێنەگیشتم ، تایبەتمەندی ئەنفال وەك ووشە و زارەوەیەکی ئیسلامیە وەك بە کارهێنان یاسایەکی ئیسلامیە، ئەمە تایبەتمەندیەتیەکەیەتی کەبۆ حاڵەتی جەنگ بەکار دێت، بەڵام پێویستە رەوشی جەنگەکە وەك موسڵمانان بن لە بەدردا، ئینجا ئەو یاسایە دەتوانرێت بەسەر واقعێکی تردا بسەپێنرێت.
ئەنفالی سەدام بۆ ناشرین کردنی ئیسلامە، ئەو حیزب و دەسەڵاتیکی عەلمانی بوو بۆ ئەوە کە ئازاری رۆحی موسڵمانان بدات بەگشتی بە شیعەو سوننەوە ناوی موشەکی دەنا عەباس و حوسێن وە کوردی پێ جینۆساید دەکرد بەناوی ئەنفال، بەڵام خەستەخانەی بەناوی سەدام و شتە باشەکانی وەك ئامێری خزمەتگوزاری بەناوی شارستانیەتی سۆمەری و بابلی ناو دەنا وەك قیسارەو عشتار .. تاد.
ئەنفال لە ئیسلامدا کە روویدا.. ئەو کۆمەڵە رەشوڕوتە بوون کە لە ووڵاتی خۆیان مەککە دەرکرابوون ماڵ و سەروەت و سامانیان داگیر کرابوو لە زێدو مەڵەبەندی خۆیان ئاوارە کرابوون بۆ ئەوەی بەشێك لە مافیان بگەڕێننەوە لەگەڵ کافرەکاندا جەنگیان کرد و دەستکەوتیان دەستکەوت، لە کاتێکدا دەستکەوتەکە مەبەست نەبوو سەرکەوتنەکە لای موسڵمانان جێگای بایەخ بوو کەواتە وەك ئاماژەم پێداوە دەستەکەوتەکە بایەخی نیە لای ئیسلام کە ئەنفالە، تۆ دوو شتت تێکەڵ کردوە یان بە نەزانی ،،یان چەواشەکاری ، ئەنفال وەکو یاسا ، لەگەڵ ئەنفالی سەدام ..
ئومێد : بێدەنگە .. لەپڕ پرسیاریکی کردو ووتی: ئایا ئاینی ئیسلام دژبوو به‌و جینۆسایده‌ی كه‌ دژی كورد كرا؟؟چۆن؟

ماكوان: بەڵێ، بە دڵنیایەوە چونكه‌ لە یاسای ئیسلامیدا هاتووە ئەو کەسەی پشیلەیەك بە ناحەق دەکوژێت و ئازاری دەدات خوای گەورە دەیخاتە دۆزەخ، کەسێك سەگێك تێر ئاو دەکات دەچێتە بەهەشت، ئیسلام بۆ ئەوە هاتوە کە کوشتن و فەوزاو میلشیا و شەڕخوازی نەهێڵێت وخەڵکی بکاتە برا، ئەمە دروشم نیە، بەڵکو بە درێژایی مێژووی ئیسلام خزمەتی بە خەڵک و مرۆڤایەتی کردوە بە گشتی، تەماشای نەیارانی ئیسلام بکە، بۆنمونە تەتار لەماوەی ٤٠ رۆژدا یەك ملیۆن کەسی لە شاری بەغداد کوشت، ئەمەریکا لە ماوەیەکی زۆر کەمدا ٨٠ ملیۆن هیندە سوری کوشت، لە جەنگی جیهانی یەکەم ٦٣ ملیۆن کەس کوژرا، لە جەنگی جیهانی دووەمدا٦٠ ملیۆن کەس کوژرا، بەدرێژای هەموو مێژووی ئیسلام ئەوەندەی کەس نەکوژاوە تا ئەم قسەی لەگەڵ تۆ دەیکەم کە عەلمانیەکان و بێباوەڕان و خاچ پەرستان کردویانە، مێژوویکی وای نیە کە ناوی ببرێت بە کوشتارو جینوساید بە پێوەر لەگەڵ بەرنامەکان و ئایدۆلۆژیاکانی تردا.
ئومێد: ئایا ئه‌كرێت بڵێین ئه‌وه‌ی صه‌دام كردی به‌هۆی پاشخانی موسوڵمان بوون و ئاینداری بوونه‌وه‌ بووه‌؟
ماکوان : نا وانیە، ئاینداری لەوکوێدایە.. بەعس موسڵمان نە بوون، بەڵکو حیزبێکی عەلمانی نەتەوە پەرست بوون لەبەر ئەوەی حیزبی بەعسی عەلمانی حیزبێکی کافری بێباوەڕ بوون ..
شەفیق کەمال یەکێکە لە بیرمەندەکانی حیزبی بەعس بزانە چۆن لە شیعرێکدا بیروباوەڕی خۆیان بۆ ئەندامانی بەعسی دەخاتە روو..
دەڵێت: امنت ببعثا ربا لا شریك لە، وبعروبة دین لا مثل لە
واتا " ئیمانم هێناوە بە حیزبی بەعس کەبێجگە حیزبی بەعس هیچ خوایەکی تر نیە، بڕوام بە ئەوەی هەیە هیچ ئاینێك نیە بێجگە ئاینی عەرەبچێتی هاوشێوەشی نیە".
هیچکام لە بەعسیەکان بڕوایان بە خوا و بە زیندووبونەوە نیە، هەڵەبەت ئەوانەی کە دامەزرێنەرو بیرمەندو کادێری ناوەندی ئەو حیزبە بوون، چونکە لە بەرنامەو پەیروپرۆگرامەکەیاندا وایە و لەسەر ئەوە پەروەردە کراون.
توباخان : نان ئامادەیە بفەرموون ؟

دانیشتنەکەمان تەواو نەبووە ...چاوەڕێمان بن
به‌روار: 19/12/2019
بینین: 2159