نوسه‌ران
  سیاسه‌تی فاشلی حزبی كۆیلایه‌تی له‌ هه‌رێمی كوردستان
هێدی هەولێری

زۆرجار ئه‌گه‌ر باس له‌كاره‌ساتێك بكه‌ین كۆمه‌ڵێك ده‌ره‌نجام ڕووبه‌ڕوومان ده‌بێته‌وه‌ له‌میانی ئه‌و كێشه‌و ئاڵۆزیانه‌ی هه‌ر له‌ ده‌وروبه‌رمان ڕووده‌دات، به‌ڵام له‌ ئه‌زموونی سیاسی هه‌ر وڵاتێك ئه‌وه‌ زیاتر تۆخ ده‌بێته‌وه‌ زیاتر له‌ كاره‌ساتێك ده‌رده‌كه‌وئ ئه‌ویش حزبه‌ سیاسیه‌كانی هه‌رێمی كوردستانن وه‌ك به‌شێك له‌و مۆدێله‌ دووباره‌ییه‌ی به‌رده‌وام یه‌خه‌ی ئێمه‌ی گرتووه‌، چونكه‌ نه‌ حزب به‌ حزب ده‌چێت ، وه‌ نه‌ حكومه‌ت و ده‌سه‌ڵاتیش وه‌ك كایه‌یه‌كی سیاسی وه‌ك خۆی به‌ڕێوه‌ ده‌چێت، بۆیه‌ هه‌موو ئه‌وانه‌ سیمایه‌كی ناشیرین به‌ڕووی كۆی حزبه‌ سیاسیه‌كان پیشان ده‌دات.
ئه‌زموونی سیاسیی له‌ هه‌رێمی كوردستان وه‌ك به‌شێك له‌ كایه‌ی به‌ڕێوه‌بردنی ژیانی ئاسایی تێكه‌ڵاو بووه‌ به‌كۆمه‌ڵێك دیارده‌ی ناشیرین و قێزه‌ ون و ڕق ئه‌ستوور له‌گه‌ڵ ئه‌و هه‌سته‌ مرۆڤایه‌تیانه‌ی هه‌مانه‌ ناگونجێن، بۆیه‌ زۆرجار یاخیبوون له‌ حزب وا ده‌كات مرۆڤی كورد بێزار بێت و له‌ مرۆڤبوونی سیاسیه‌ بوغزاوییه‌كانی ئه‌و هه‌رێمه‌ گله‌یی و ناڕه‌زایی و توڕه‌یی ده‌رببڕێت و دووچاری چاوسووركردنه‌وه‌ی حزبیه‌ ناشیرینه‌كان بێت، چونكه‌ ناشیرین ترین كه‌س ئه‌و كه‌سه‌یه‌ كاتێك بۆ حزبێك كار ده‌كات هیچی لێ‌ نازانێت و به‌ سه‌قه‌تی هه‌موو شتێكی وه‌رگرتووه‌ و هه‌روا به‌ نه‌زانی و گه‌مژه‌ییه‌وه‌ سه‌ركرده‌كانی حزب لێ‌ ی ده‌خوڕن.
هه‌رێمی كوردستان شێوه‌ كاره‌كانی ته‌قلیدی سه‌ده‌كانی ڕابردووه‌ ئه‌وكاته‌ی مرۆڤایه‌تی كه‌وتبووه‌ لوتكه‌ی مرۆڤپه‌رستی و حزب په‌رستی تا ئه‌وكاته‌ی وای لێهات شۆڕش دژیان به‌رپابوو له‌ به‌رژه‌وه‌ندییه‌كانی حزب درا و خه‌ڵكیش ئازادبوو ، له‌ كۆت و زنجیری حزبایه‌تی خۆی ده‌رهێنا.
ئه‌وه‌شی ئێستا حزبییه‌ گه‌مژه‌ییه‌كان وه‌ك نه‌خۆشی ده‌روونی تووشی بوون له‌سه‌ر ئه‌و شێوازه‌ حزبایه‌تیه‌ی كاری له‌سه‌ر ده‌كه‌ن ، بۆته‌ بتێك به‌رده‌وام ده‌یپه‌رستێت به‌بئ ئه‌وه‌ی بزانێت چی ده‌كات، چونكه‌ وا له‌ مێشكی چه‌قیووه‌ وا ده‌زانێت هه‌موو شتێكه‌ له‌كاتێكدا دۆڕاوترین كه‌سه‌.
بۆیه‌ پێویسته‌ حزبایه‌تیه‌كی ته‌ندروست پیاده‌ بكرێت له‌گه‌ڵ هه‌ستی مرۆڤایه‌تی یه‌كبگرێته‌وه‌ ، نه‌وه‌ك ئادەمیزاد چه‌ندین كڕین و فرۆشتنی پئ بكرێت و ئاگاداری نه‌بێ‌، وه‌ خاڵی كۆتایی قسه‌كانیش ئه‌وه‌یه‌ نابێت حزب ببێته‌ په‌رستگا و خواوه‌نده‌ درۆزنه‌كانی لئ بپه‌رسترێت، چونكه‌ به‌لای مرۆڤی موسلمان به‌ هه‌موو شێوه‌یه‌ك ئه‌وه‌ ڕه‌تكراوه‌ته‌وه‌، وه‌ كه‌سانی خاوه‌ن بیردۆزه‌كانی تریش به‌سه‌ بۆیان كه‌ نه‌بنه‌ كۆیله‌، چونكه‌ بوون به‌ كۆیله‌ هه‌موو به‌هایه‌كی مرۆڤایه‌تیان داده‌ڕنێت و هیچ ئه‌رزشێكیان له‌ ڕوانگه‌ی بوونبانه‌وه‌ نامێنێ‌ ، وه‌ك ئاژه‌ڵ مامه‌ڵه‌ی له‌گه‌ڵدا ده‌كرێت ، ئه‌مه‌ش تاوانی كه‌س تێدانیه‌ ، جگه‌ له‌ خودی ئه‌و كه‌سه‌ی خۆی كردۆته‌ به‌نده‌ی به‌نده‌كان!
به‌روار: 19/11/2014
بینین: 1222
   زیاتر ...