نوسه‌ران
  كورد دوای 91 ساڵ له‌ توركیا
هێدی هەولێری


ئه‌مڕۆ 91 ساڵ تێپه‌ڕ ده‌بێت به‌سه‌ر ڕووخانی خه‌لافه‌تی ئیسلامی به‌ خه‌نجه‌ره‌كه‌ی موسته‌فا كه‌مال ئه‌تاتۆرك، كه‌ ناوبراو به‌ هه‌موو شێوه‌یه‌ك ده‌یویست توركیا مۆركی ئیسلامی فڕی بدات و ببێته‌ ده‌وڵه‌تێكی عه‌لمانی و هاوشێوه‌ی خۆرئاوای لێ‌ بێت، كه‌ هه‌ر له‌سه‌ره‌تاوه‌ عه‌لمانیه‌كان غه‌درێكی زۆریان له‌ كورد كردووه‌ و له‌و كاته‌وه‌ به‌شێكی زۆری كوردستان كه‌وته‌ ژێر نه‌خشه‌ی توركیای ئه‌تاتۆركی.
ته‌نانه‌ت شۆڕشێكی زۆری ئیسلامی و نیشتمانی هاوشێوه‌ی شۆڕشه‌كه‌ی سه‌عدی پیران و پارتی كرێكارانی كوردستان له‌به‌رامبه‌ر ئه‌و ده‌وڵه‌ته‌ دیكتاتۆره‌ی ئه‌تاتۆرك به‌رپابوو، هاوكات ماوه‌ی 12 ساڵیش ده‌بێت ڕۆڵی كورد له‌ توركیا له‌سایه‌ی حزبێكی ئیسلامی پاشخان وه‌ك پارتی دادو گه‌شه‌پێدان، كه‌ دامه‌زرێنه‌ره‌كه‌ی نه‌جمه‌دین ئه‌ربه‌كان بوو، ئێستا عه‌بدولڵا گویل و ڕه‌جه‌ب ته‌یب ئۆردوغان و ئه‌حمه‌د داود ئۆغلۆ به‌ڕێوه‌ی ده‌به‌ن گرینگی زۆری پێدراوه‌ و به‌رده‌وامیش له‌ هه‌وڵی چاره‌سه‌ر كردندان، به‌ڵام له‌به‌رامبه‌ریشدا چه‌پڕه‌وه‌كانی ئه‌و ولاته‌، كه‌ ته‌نیا به‌شێكی سوپا (عسكر)یان به‌ده‌سته‌ ناهێلن ئه‌و پڕۆسه‌یه‌ سه‌ر بگرێت و به‌رده‌وام كێشه‌ و ململانێیه‌كه‌ به‌رده‌وامی هه‌یه‌و هه‌ر جارێك به‌بیانوویه‌ك ئه‌و پڕۆسه‌یه‌ له‌بار ده‌بردرێت، به‌ڵام سه‌ركرده‌كانی ئه‌و ڵاته‌ به‌ پاشخانێكی ئیسلامیه‌وه‌ توانیویانه‌ بۆماوه‌ی 12 ساڵ له‌سه‌ر یه‌ك ده‌سه‌ڵات له‌ڕێگه‌ی هه‌ڵبژاردنه‌وه‌ بگرنه‌ ده‌ست، له‌به‌رامبه‌ریشدا سوپای توركیا، كه‌ عه‌لمانیه‌كانن له‌ هه‌وڵی كۆده‌تای سه‌ربازین دژ به‌ حكومه‌ته‌كه‌ی داد و گه‌شه‌ پێدان.
له‌ ئێستاشدا توركیا تاكه‌ وڵاته‌ وه‌ك خۆی ماوه‌ته‌وه‌ و كاریگه‌ری هیچ وڵاتێكی به‌سه‌ره‌وه‌ نیه‌ وێرای چه‌ندبن ڕه‌خنه‌ و تێبینی له‌سه‌ر توركیا، به‌ڵام له‌ هه‌موو ڕووداوێكدا وه‌ك كێشه‌ی فه‌ڵه‌ستین و سوریا و بۆرما و ....هتد هه‌ڵوێستی خۆی به‌ر بوێرانه‌ ده‌ڕبریووه‌ و به‌رپه‌رچی هه‌موو وڵاتانی ڕۆژئاوای داوه‌ته‌وه‌ له‌سه‌رووی هه‌مووشیانه‌وه‌ ئه‌مریكا، بۆیه‌ ئه‌مریكا به‌ ناچاری مامه‌ڵه‌ی له‌گه‌ڵ ده‌كات.
وه‌ زۆرجاریش توركیا به‌وه‌ ده‌ناسرێت به‌هۆی نه‌بوونی كێشه‌ی له‌گه‌ڵ وڵاتانی ده‌ره‌وه‌ به‌ عیملاق و سه‌ر مه‌شقی وڵاتانی ئیسلامی داده‌نرێت و توانیویه‌تی هه‌رچۆنێك بێت هه‌ردوو نه‌ته‌وه‌ی كورد و تورك به‌بئ جیاوازی له‌ وڵاته‌كه‌یدا بژین هه‌رچه‌نده‌ ئه‌وه‌ی پارتی كرێكارانی كوردستانیش باسێكی درێژ هه‌ڵده‌گرێت، به‌ڵام له‌ ئێستادا ئه‌و ئاڵۆزییانه‌ش تاڕاده‌یه‌ك كاڵ بۆته‌وه.
ئێستا توركیا دانیشتوانه‌كه‌ی وه‌ك كورد و تورك و ....هتد زیاتر له‌ 77 ملیۆن هاوڵاتی ده‌بێت و پڕۆژه‌یه‌كی گه‌وره‌ی ئابووریشی له‌ژێر ده‌سته‌ و وڵاته‌كه‌ش وا هه‌ڵكه‌وتووه‌ به‌ ڕێره‌وێكی بازرگانی ده‌ناسرێت بۆ زۆربه‌ی وڵاتانی ده‌وروبه‌ری له‌گه‌ل چه‌ندین تایبه‌تمه‌ندی دیكه‌.
به‌روار: 31/10/2014
بینین: 1287
   زیاتر ...