Bzavpress ||

نوسه‌ران

کاک نەوشیروان وئاین

مسعود عبدالخالق

دواى ئەوەى ریکخەرى گشتى گۆڕان ڕاشکاوانە تر داواى لە فراکسیۆنى پەرلەمان ولایەنگرانى کرد کە پشتگیرى یاسایەک نەکەن دژ بە ئاینى ئیسلام بێت،له‌ جیاتی ده‌ست خۆشی عه‌لمانیه‌ تونده‌کان دژی وه‌ستان ،لە ڕاستیدا ئەوە هەنگاوێکە بۆ ئاشت کردنەوەى ئاین ونیشتمان کە ڕیبازى سەرکردە تاریخیەکانى وەک شیخ عبیداللە وشیخ سلام وشیخ سعیدو وقازى ..ئەو ڕێبازەشە زیاترین جەماوەرى دەبێت کە بۆ ئیستاى کوردستان زۆر پێویستە ،بۆیەش گۆڕان بێ هێز وپارەو پۆست و تەزویردێت ئاوا سەرکەوتو دەبێ ،ئەو دیوارە وەهمیەى شکاند لە نێوان ڕەوشەنبیرومەلاى ئاینى، ڕاستە نەوشیرەوان مستەفا سکرتیرى کۆمەلەیەکى مارکسى بوە بەلام ئەو کاتیش پێى وابوو مارکسیەت (گەڕ) بوەو بەکەلکى تەتبیق نەماوە، بە تایبەتى لە سەردەمى بوهارى کریکارانى ئەوروپى رۆژهەلاتى بەسەرۆکایەتى (لیخ ڤاونسا) دژ بە مارکسیەت لە 1982،لەسەر ئەو قەناعەتە بە فەرمانى نەوشیرەوان مستەفا ڕێنمایى هات بۆ هەمو دام ودەزگاکانى (ی ن ک) کە کارێک نەکەن دژ بە سەوابتى ئاین مناقشەش دژ بە ئاین نەکەن ،ئەو کاتى من (کارگیڕى لقى یەکى ی ن ک) بووم یەکەم نوسینم دژ بە مارکسیەت لە (ژ:1 ى گۆڤارى کوردایەتى )بلاو کردەوە ویستیان قەدەغەى بکەن ونەیەلن بلاو بکریتەوە مام جلال وکاک نوشیرەوان هانى ئازادى ئەو جۆرە بیرو ڕایەیان داو بلاو بوویەوە ،زۆر نمونەى تر هەیە ،دواى دروست بوونى گۆڕان کۆمەلێک لە مامۆستاى ئاینى پێکهاتو لە مامۆستایانى پایەبەرزى کوردستان بەسەرۆکایەتى شیخ عبدالرحمنى ئازادى سەردانى هەمولایەنەکانیان کرد (منیش لەگەل بووم) داوایان لێکردن کە رینمایى بدەن دژ بە ئاین نەبن ،هەموو لایەنەکان بە ئیجابى وەلامیان دایەوە بەلام دەرکەوت ریکخەرى گشتى گۆڕان زیاتر ئیستجابەى هەبوو تا ئیستاش پابەندە بەو ئامۆژگاریانەو قازانجیشیان لێکردوە .

مسعود عبدالخالق 2013

ئەوانە ڕاستین و گۆڕانکارى بەسەر مرۆڤ دێت ئەوە نیە (رۆجی غارودى)گەورەترین مونەزیرى مارکسى بە موسولمانى مرد ، لەدوا کتیبى نەوشیرەوان مستەفا (بەدەم ڕێگاوە گول چنین) ئەو وەرچەرخانەى پێوە دیارە .. هەمو ئەوانەش مایەى دلخۆشیەو هەقە پیشوازى گەرمى لیبکرى .

به‌روار: 02/11/2013

بینین: 1694