Bzavpress ||

نوسه‌ران

ململانێی وڵاتانی زلهێز و دروست بونی جەنگی جيهانى سێيه‌م

به‌لێن ناسح شه‌مێرانى

گەورەبون و فراوان بونی ململانێ كانی وڵاتانی زلهێز لەم چەند ساڵەی كۆتای دا و بەتایبەت دوای ئازاد كردنی عێراق و بەهاری عەرەبی لە ڕۆژهەڵاتی ناوەڕاست دا دەرگای چەندین جەنگی فراوان و درێژخایەنی كردەوە لە وڵاتانی سوریاو لیبیاو یەمەن و لوبنان و عێراق ، كە كێشە چارەسەر نەكراوەكانی ئە ناوچانە بوە هۆی دروست بونی جەند گروپێكی تیرۆرستی بەتیابەت داعش ، كە زۆرێك لە وڵاتانی جیهان دژی جەنگان وە وڵاتە زلهیزەكانیش دیسان دەیانەوێ جیهان بەسەر خۆیان دا دابەش بكەن ، كە بۆ ئەم دابەش كردنە چەندین جار لەجەنگێكی جیهانی نوێ نزیك دەبونەوە ، وەك ململانێكانی ڕوسیاو ئەمریكا لەسەر سوریا و لیبیاو وەهەروەها وڵاتانی توركیا و ڕوسیا دوای كەوتنە خوارەوەی فڕۆكە ڕوسیەكە لەئاسمای توركیا وە هەروەها دوای ڕێكەوتن نامەی ئێران و ٥+١ ناڕازی بونی سعودیە و وڵاتانی سونە بەتایبەت لە ڕوداوەكانی یەمەن و لەم دوایانەش سوریا، بەڵام وردە وردە ناوچەكە ئارام تر دەبێتەوە بەڵام مانای ئەوە نیە كە كێشەو شەڕ نیە ، ئەویش دوای دابەش كردنی ناوچەكە بەسەر ئەمریكاو ڕوسیاو ئێران و سعودیە كە لەنێوان ئۆباماو پۆتین ئەنجام دراوە ، كە سوریا بۆ ڕوسیا بێت و یەمەن بۆ سعودیەو لوبنانیش بۆ ئێران و عێراقیش بۆ ئەمریكا ، كە هەر ئەمڕۆ جۆن كیری وەزیری دەرەوەی ئەمریكا لەبەغدا كۆبونەوەی بەهەموو لایەنەكان كردوە بە كوردیشەوە بۆ چارەسەركرنی كیشەكان و مانەوەی عێراق بە یەكگرتوو .
سەبارەت بە دروست بونی جەنگی جیهانی سێ یەم ، من پێم وایە ئەم جەنگە بۆم ئەم ساتە دورە ئەویش لەبەر ئەم هۆكارانە :
١- لەساڵی ٢٠٢٤ كۆتای بە دوو ڕێكەوتن نامەی ئابوری و سەربازی لەنێوان چین و ڕوسیا تەواو دەبێت كە نەخشەی سیاسی و سەربازی و ئابوری جیهان دەگۆڕێت .
٢- وە هەروەها ئیسرائیل و ئێران وەك دوو دوژمن زیاتر كیشەكانیان قوڵتر دەبێتەوە بەتایبەت دوای نزیك بونەوەی ئێران بۆ بەدەست هێنانی چەكی ئەتۆمی لەنزیك ساڵانی ٢٠٢٥ و زلهیزەكانی ڕۆژهەڵاتی ناوەڕاست ئەمە قبوڵ ناكەن .
٣- وە هەروەها سعودیەو ئێران كە دوو هیزی ناكۆكی ناوچەكەن كە هەریەكەیان هەوڵی فراوان كردن و ڕاگرتنی هەژمون و باڵادەستی لەڕوی مەزهەبی و هیزەوە لە ناوچەكەدا دەكەن كە سعودیە لەم چوند ساڵەی كۆتایدا زیاتر لە سێ هاوپەیمانی سونەی دژ بەگروپە شیعیەكان و تیرۆری ناوچەكە پێكهێناوە كە مەبەستی سەرەكی ڕێگریە دژ بە ئێران .
٤- تا مەترسی جدی لەسەر ئەمریكا یاخود ڕوسیا یاخود هاوپەیمانە سەرەكیەكانیان دروست نەبێت مەحاڵە جەنگ دروست ببێ چونكە ئیستا هەم ئەمریكا هەم ڕوسیا ئامادەنین بۆ وا جەنگێكی مەترسی داری گەورە چونكە دەزانن بە سودی كەسیان كۆتای نایەت
*- تەواوی ئەم ڕوداوانە ئەوەمان پێدەڵێن كە جەنگی جیهانی مەحاڵە تا نزیك لە ساڵانی ٢٠٢٣ وە دروست ببێت .

به‌روار: 09/04/2016

بینین: 2069