Bzavpress ||

نوسه‌ران

له‌ پێشه‌وا عومه‌ر (ڕ.خ) فێرببن چراكه‌ بكوژێننه‌وه‌

محمد حاجی

له‌ پێشه‌وا عومه‌ر (ڕ.خ) فێرببن چراكه‌ بكوژێنه‌وه‌

ئێمه‌ بۆ كه‌سانێك ئه‌نوسین نه‌ ئه‌بینن نه‌ ئه‌خوێنه‌وه‌ نه‌ هه‌ست ئه‌كه‌ن نه‌ ویژدانیان ئه‌جوڵێت به‌شكوم خوا بكات ماندوو شه‌كه‌ت ببن خه‌وێكی قوڵی بیان باته‌وه‌ و ئه‌م به‌سه‌رهاته‌ پڕ حیكه‌مه‌ته‌ و هیدایه‌ته‌ له‌خه‌وی بئ ئاگای ڕایانجڵه‌كێنێت و كه‌مێك هه‌ست و نه‌ست و شعور بكه‌ن بۆ خۆشیان بۆ ئه‌م میلله‌ته‌ نوقمكراوه‌.

پێشه‌وا چراكه‌ ده‌كوژێنێته‌وه‌ سه‌یری دادپه‌روه‌ری پێشه‌وا ئیمامی عومه‌ر (ڕ.خ) بكه‌ن وه‌كو خه‌ڵك به‌ساده‌ی ده‌ژیا وه‌ك خه‌ڵك چرای داده‌گیرساند به‌شه‌و كه‌كاری وڵاتی له‌به‌ر ڕاده‌په‌ڕاند‘ به‌ڵام كاتئ ئه‌وكه‌سه‌ی ده‌هاته‌ لای كه‌ باسی له‌ ئیش و كاری وڵات ده‌كرد چرای داده‌گیرساند به‌ڵام كه‌ كابرا ئیش و كاری خۆی باس ده‌كرد یه‌كسه‌ر پێشه‌وا عومه‌ر (ڕ.خ) چراكه‌ی ده‌كوژانده‌وه‌ ده‌یفه‌رموو ئه‌م چرایه‌ ماڵی وڵاته‌ به‌زه‌یتی ده‌وڵه‌ت داده‌گیرسئ نابئ بۆ كاری تایبه‌ت به‌كاربێت‘ په‌ندو وانه‌ باشی تیایه‌ بۆ ئه‌و كاربه‌ده‌سته‌ی ئالوده‌ی و گیرۆده‌ه‌ی دۆشینی میلله‌ت بووه‌ ئه‌مه‌ چرایه‌ كه‌ نابێت دابگیرسێت بۆ كاری تایبه‌ت ئه‌ی نه‌هامه‌تی دنیا به‌سه‌ر ئه‌و ده‌سه‌ڵاتدارانه‌ی كه‌له‌سه‌ر حسابی قوتی خه‌ڵكی ئه‌مپێری دنیای ڕاكێشاوه‌ بۆ رۆشنكردنه‌وه‌ی حه‌وت پشتی‘ ئه‌بێت بڵیێن خۆزگه‌مان به‌و خه‌ڵكه‌ی له‌سایه‌ی پێشه‌وادا دادپه‌روه‌ریان نۆشیوه‌ كه‌چی ئێمه‌ش خاك هی خۆت بێت مافی خۆت بێت تیا ژیانی ئه‌بینین ده‌سه‌ڵات هه‌مووی كردووه‌ به‌ میراتی له‌ بازنه‌ی چه‌ند ده‌م و چاوێكدا مشه‌خۆریش سنوری هه‌یه‌ بای توڕه‌ی میلله‌ت نه‌تانبات هاڵاوی دۆزه‌خ ده‌تانكات به‌ خۆڵه‌مێش.

به‌روار: 30/01/2016

بینین: 1096