17/07/2013
•
نوسەر: bzavpress
•
نەتەوەیەکگرتوەکان :هۆشداری دهداته عێراق
مارتن کۆپلەری نوێنەری نەتەوەیەکگرتوەکان لە عێراق ئاشکرایکرد، کە بەهۆی توندوتیژی و تەقینەوەی کارە تیرۆریستییەکانی عێراق، تەنها لەماوەی چوار مانگی رابردودا زیاتر لە (10) هەزار کەس کوژراون و برینداربون.
وههۆشداریش دەدات لەوەی عێراق بخزێتە نێو رێگەیەکی زۆر مەترسیدار بەهۆی ناکۆکیە سیاسییەکان و جەنگی سوریاوە.
بەپێی ئامارەکە، لەنێو ئەو کوژراوانەدا زیاتر لە (300) منداڵ و ژن هەیە و جگە لەوەش (7000) کەس برینداربون.
ئەوەشخراوەتەڕو، کە زۆربەی قوربانییەکان بەهۆی هێرشە خوێناوییەکانی مانگی تەمموزەوە بوە و داواش لە سەرکردە عێراقییەکان دەکات کە بڕیاری یەکلاکەرەوە بدەن بۆ چارەسەرکردنی ناکۆکییە نێوخۆییەکان.
ناوبراو باسلەوەش دەکات، کێشە ناوخۆییەکان و جەنگی سوریا وایکردوە چوار مانگی رابردوی عێراق زۆر خوێناوی بێت و ئەوەش مەترسی ئەوە دروست دەکات کە عێراق بەرەو رێگەیەکی مەترسیدار هەنگاو بنێت.