ره‌زا ته‌ڵایی‌، جێگری‌ وه‌زیری‌ به‌رگری‌ ئێران ئاشكرای دەکات‌، هه‌ماهه‌نگی‌ سه‌ربازی‌ له‌ نێوان كۆماری‌ ئیسلامی‌ ئێران و عێراقدا كراوه‌ و، ئه‌گه‌ر شوێنه‌ پیرۆزه‌كان روبه‌روی‌ هێرش بونه‌وه،‌ ئەوا سوپای‌ ئێران ده‌توانێت بچێته‌ نێو خاكی‌ عێراقه‌وه‌ روبه‌ڕوی‌ ئه‌و هێرشانه‌ ببێته‌وه‌.
ته‌ڵایی،‌ له‌ چاوپێكه‌وتنێیكدا له‌گه‌ڵ كه‌ناڵی‌ (ئه‌لعاله‌م) ئه‌وه‌شی‌ وت: "ئه‌گه‌ر بڕوانینه‌ دۆخی‌ عێراق و سوریا ئه‌وه‌ ده‌بینین كه‌ داعش به‌ره‌و شكستهێنان ده‌ڕوات".
ئاماژه‌ی‌ به‌وه‌شكرد، شوێنه‌ پیرۆزه‌كان له‌عێراق بۆ ئێران هێڵی‌ سوره‌، ئه‌گه‌ر روبه‌ڕوی‌ هێرش ببێته‌وه‌ ئه‌وا سوپای‌ ئێران دێنه‌ نێو خاكی‌ عێراقەوە و روبه‌ڕوی ئه‌و هێرشانه‌ ده‌بێته‌وه.
جەختی لەوەشکردەوە،‌ بۆ هەمان مەبەست "هه‌ماهه‌نگی‌ له‌گه‌ڵ به‌رپرسانی‌ عێراقیدا كراوه‌و ئه‌وانیش گڵۆپی‌ سه‌زیان بۆ هه‌ڵكردوین".
(سبەی)