¨



ڕاگەیاندن ئاشکرایە کە پەیامە؛ بەڵام پەیامەکەبۆ خۆی دەبێت چی بێت، تا رۆشەن بێت لای خەڵکی کە وەریدەگرێت..
بنەمای کاری ئێمە لە سەر بونیادی پێغەمبەری ئیسلام دامەزراوە(صلی اللە علیە وسلم)، چونکە ئیسلام بۆ خۆی بانگەوازە- بانگەواز بەشێکە لە راگەیاندن، کەواتە نێرەرو- ئامرازو -  وەرگر و- ئامانج- هەروەك  پێغەمبەر (صلی اللە علیە وسلم) – قورئان و- هەوەڵان- خەڵك و - دەسەڵات-  هەموو لە کاری ئێمەدا بوونی هەیە بۆیە بێ دوودڵێ  ئێمە  ڕاگەیاندکاری ئیسلامین لەم مینبەرەوە.
لەسەر چوار تەوەر کاردەکەین..
 - دینداری و  ناساندنی ئیسلامەکە وەك خۆی
- کۆمەڵایەتی کێشەی ناو گۆمەڵگاکەمان
- سیاسەت و  کاری حوکومڕانی
- فیکر و فیکری سیاسی و گوتاری سیاسی
ئەم چوار تەوەرە پێداویستی سەرەکی کۆمەڵگایی ئێمەن بە هەند وەرمانگرتوە هەموو ئەو نوسەرو رۆژنامەنوسانەی لەگەڵماندا کاردەکەن دەتوانن لەسەر ئەم بنەمایە هەنگاو بنێن.

هەر نوسەرێك بیرورای خۆی دەردەبرێت لەم پێگەیەدا  ئازادە بۆ نوسینی هەر بابەتێك بێت لەسەر  ئەو باس و خواستانەی کە لەم بزاڤەدا بوونیان هەیەو بەشیان بۆ کراوەتەوە، لای ئێمە هیچ پارەیەك یاخود خەڵاتیك بۆ نوسەری بابەت نیە.
پێگەی بزاڤ- تەنها پارە بۆ ئەو رۆژنامەنوسە تەرخان دەکات کە دەینرێت بۆ چاو پێکەوتنێك لەگەڵ کەسایەتیەکدا، یاخود داوای بابەتێکی هەنوکەی لە رۆژنامەنوسێك دەکات کە باسی رۆژەو لێدوانی لەسەر وەردەگرێت و هاتوچۆ دەکات بۆ وەرگرتنی  زانیاری لە دەزگا فەرمیەکان.
ڕێگا نادەین بە هیچ لایەك و کەسایەتیەك بیەوێت ئەم  جێگایە بکاتە گۆرەپانی ساغ کردنەوەی ناکۆکیەکانی خۆی  ئەگەر ئەندامانی بزاڤ سێ لەسەر چوار ناڕازی بوون دەست بەجێ نوسینەکانی و  هەڵوێستەکانی دەوستێنرێت، ئەگەر چی سەرپەرشتیاری گشتی پرۆژەکەش بێت، برایەتی مەرجی کارکردنە، پاشان کاری سەرەکی بۆ سازاندنی زەمینەی ئیسلامیە بێ ئەوەی ئینتیامایی حیزبی و رەوتی و لایەنی هەبێت بزاڤ، تەنها بۆ ئیسلامە لەڕێگای ئەم  ئاینەدا کار دەکات بە ئاشکراو بێشاردنەوەو بێشەرم کردنیش، دەیەوێت هەموو ئەدەبیاتی ئیسلام و زاراوە  ئیسلامیەکان سەرلەنوێ  رەوەندێکی رەسەنی لەسەر پەروەردە بکات، کاری بزاڤ تەنها رۆشنبیر کردن و ئاراستەی  فێرکاریە.

لە ئێستادا تەنها پێگەیەکە کار دەکات، بەڵام لە داهاتودا هەوڵ ئەدەین بۆ گۆڤارێکی سیاسی و فیکر و شیکاری کە دەشێت  هەموو مانگێك بێت لاپەرەکانی ٤٠ بۆ٥٠ لاپەرە لە خۆ بگرێت، مەرجیش نیە هەر ناوی بزاڤ بێت.. دەکرێت ئەم ستافە ناوێکی نوێ بۆ هەڵبژێرن بزاڤ وەك دەزگایەکی ڕاگەیاندن کار بکات، یاخود گۆڤارێکی وەرزی دەربکات١٠٠ لاپەرە لە خۆ  بگرێت- یان زیاتر، کە پێدەچێت ئەم پرۆژەیەش مژدەی دوای جەژنی رەمەزان بێت بە پشتیوانی خوای موتەعال و پاشان موسڵمانانی بەرێز بە گشتی.. دواکاری مادیمان لە هیچ کەس نیە.. تۆی موسڵمان خۆت بە بەخاوەنی کارەکە بزانەو بزاڤێكە بۆ دونیاو قیامەتت توێشو کەشکۆڵت پڕ بکە بۆ دوارۆژت.. بۆ ئەوەی موسڵمان خاوەنی پرۆژەکە بێت نەك تاکە کەس، پاشان رایگشتی لەسەر دروست بکەین ئەگەر زانیمان ستافەکەی بە لاڕێدا دەبەن دەنگی موسڵمان ئەو بڵاو کراوەیە دایبخات، بۆیە من پێم وایە هەر کەسایەتیەك هاوکارت بێت لە کاری ڕاگەیاندندا ئەوا وویستو ئارەزوەکانی خۆی زاڵ دەکات دوایش ماندوو بونی ئەوخەڵکە لای وەك سەرابە و کەی وویستی شەقێکی تێهەڵ ئەدات.

لە کۆتایدا هەموو پانێڵەکانی لە خزمەتی ئێوەی خوێنەردایە خەڵکانێکیش کە دەیانەوێت کار بکەن لە بزاڤدا و ئەزمونێکیان نیە دەتوانین لە ڕێگای تۆرە کۆمەڵەیەتیەکاندا خولی پێگەیاندنی رۆژنامەوانی  بکرێتەوە..
وەڵامدانەوەی پرسیاری شەرعی لە پێگەکەدا، پەیوەستە بە هەندێك کەسی تایبەتمەند لەو بوارەدا ئەگەر وەڵامەکان دواکەوت پەیوەندی بە ئێمەوە نیە دەبێت ئەو مامۆستاو زانا بەرێزانەی کە پەیمانی هاوکاریان داوە ئەوان هاوکاریامان بکەن.
ئوصولیانە کار دەکەین..
پێویستە بگەڕێینیەوە بۆ ئوصول، ئوصلیش واتا- قورئان- سوننەت- ئەقڵ- واقع- مێژوو، ئەگەر کەسێك لەسەر ئەم مەنهجە کار بکات بەمە دەوترێت موسڵمانە ئوصلیەکان،  کەواتە پێوستە پرۆژەی یەکخستن ئامانجمان بێت، چونکە ئەصل ئەوەیە  کە ئێمە هەموومان یەك بین نەك ئاوا پەرتەوازە بین، ئەم کارە پێویستی بە نوخبەیەکی باش هەیە بۆ کارکردن کە پێکهاتەی ناو گەنجەکان بن و بتوانن لەگەڵ ناخی گەنجەکاندا  بدوێن و توانای کۆکردنەوەی  تواناو ووزەکانی گەنجی ئەم سەردەمەیان هەبێت، پاشانیش بتوانن ووزەکان دابمەزرێنن لە جێگای شییاوی خۆیاندا، ئەمەش بە تێگەیشنی تەواو دەبێت لە ژیانی پێغەمەبەرمان و هاوەڵەکانی  و  ئینجا گرێدانی مێژوو بە واقعی ئێستامانەوە بە ژیرییەکی ووردبینانەو بە شوراو  بە هێمنی و هیچ کارێکی دەرەکی نەبێتە کاردانەوە بۆمان و ستراتیژێتی کارکردنمان بگۆڕێت، واتا لە کارکردنماندا ئیخوانیانە کار بکەین لە دینداریداو بیروباوەڕماندا سەلەفی بین  و لە رەوشتداو تەسکیەی دڵو دەروندا سۆفی بین و لە جیهادوکۆششدا مامۆستامەلاعوسمانانەو موجاهیدانە هەنگاو بنێین و لە ئەقڵ و واقعیدا  ئەو خەتەی ئیمامی شافعی و پاشان ئیمام ئەحمەد و دوای ئیبن و تەیمییەو  محمدی کوڕی عەبدولوەهاب و ڕەحمەتی خوا لە هەموویان بێت، لە نوێکانیشدا ئەبو عەلای مەودودی و حەسەن  بەناو سەید قوتب و  یوسف قەرزاوی رەحمەتی خواش لەمان بێت ڕێگایان وون نەکەین  و  لە رووی فیقهەو زانایان  نەجد پێشەنگمان بن  لەسەر بنەمای بەڵگە وەرگری شەریعەت بین وەك  شێخ عوسیمین و ئەلبانی و بن بازو شێخ جبرین  ..تاد ، ڕەحمەتی پەروەردگار بڕژێت بەسەر ئەمانیشدا، ئینجا پیاوانی  فیکر و رۆشنبیرانی ئێستا ئیسلام و داعی بانگەوازخوازانی ئەمڕۆ، وەك  ئەبوو محمدی مەقدیس و  ئیسحاق حوینی و ڕاغب سەرجانی ودکتۆر سەلابی و سەلمان عودە و راتب نابلسی و عایض قەرنی و عریفی..هتد،  ئینجا ئەگەر ئەمانە کرانە مەنهەجێکی تۆکمە لەهەموو بوارەکانی ژیان و ئاراستەی ئایدۆلۆژیا ئیسلامیەکەی کرد، ئەوا هەموو دەتوانین لەسەر رەوتێك هەنگاو بنێین  و  وەحدەتی موسڵمانانیش پارێزراو بێت توشی فەشەل نەبین. ئەمەیە بزاڤی ئێمە.



دوا لە خوای گەورە دەکەین سەرکەوتومان بکات، پێویستمان بە نزای ئێوەش زۆرە، پاشان هاوکاری ئێوە.
بزاڤ- بزاڤی نوێ خۆتانە و بۆ پێگایاندن و  بیناکردنی تاکی موسڵمانە.