ئه‌مڕۆ  له‌شارى ڕانييه‌، هاوڵاتييه‌ك ئاگرى له‌ جه‌سته‌ى خۆى به‌ردا و به‌هۆى  زۆرى ڕێژه‌ى سوتانيه‌وه‌ ڕه‌وانه‌ى سلێمانى كرا.

پێشنيوه‌ڕۆى ئه‌مڕۆ له‌ گه‌ڕه‌كى نه‌ورۆزى شارى ڕانييه‌ له‌ ڕووداوێكدا، ئافره‌تێك به‌هۆكارێكى ناديار ئاگرى له‌جه‌سته‌ى خۆى به‌ردا.

له‌و باره‌يه‌وه‌ پۆليسى فرياكه‌وتنى ڕانييه‌، ڕايگه‌ياندووه‌،"  ژنێک ئاگر لە جەستەى خۆى بەردەدات و دەگەیەنرێتە نەخۆشخانەى گشتى رانیە وتیشى بەهۆى زۆرى رێژەى سوتاویەکەیەوە بەمەبەستى چارەسەر کردن گەیەنراوەتە نەخۆشخانەکانى شارى سلێمانى".

جێگه‌ى ئاماژه‌يه‌، له‌ماوه‌ى هه‌فته‌ى ڕابردوودا له‌شارى ڕانييه‌،  شه‌ش كه‌س به‌ڕوداوى جۆراوجۆر كۆتاييان به‌ژيانى خۆيان هێناوه‌.