له‌په‌يوه‌ندييه‌كى ته‌له‌فۆنيدا، سه‌رۆك كۆمارى عێراق، به‌وه‌زيرى ده‌ره‌وه‌ى توركياى ڕاگه‌ياندووه‌، عێراق ڕوبه‌ڕوى هێرشى توندى تيرۆرستان بوه‌ته‌وه‌ و به‌ڤايرۆس، ناوى بردووه‌، وهۆشداريشى داوه‌ له‌باره‌ى مه‌ترسيه‌كانيه‌وه‌.

به‌پێى به‌ياننامه‌يه‌ك كه‌سه‌رۆكايه‌تى كۆمار بڵاوى كردوه‌ته‌وه‌، ڕۆژى سێشه‌ممه‌ فوئاد مه‌عصوم په‌یوه‌ندییه‌كی‌ ته‌له‌فۆنی‌ له‌ ئه‌حمه‌د داود ئۆغلۆ، وه‌زیری‌ ده‌ره‌وه‌ی‌ توركیاوه‌ پێگه‌یشتووه‌ و تێیدا ئۆغلۆ پیرۆزبایی لێكردووه‌ به‌بۆنه‌ی‌ هه‌ڵبژاردنی‌ به‌سه‌رۆك كۆماری‌ عێراق و هاوكات هاتنی‌ جه‌ژنی ڕه‌مه‌زانى پيرۆز.

به‌پێی به‌یاننامه‌كه‌، ئۆغلۆ دوپاتیكردووه‌ته‌وه‌ كه‌ وڵاته‌كه‌ی‌ ئاماده‌یه‌ هاریكاری‌ له‌گه‌ڵ عێراق بكات له‌سه‌رجه‌م بواره‌كاندا.

هاوكات فوئاد مه‌عسوم سوپاسی‌ ئۆغلۆی‌ كردووه‌و ڕايگه‌ياندووه‌،" توركیا وڵاتێكی‌ گرنگ و ستراتیژییه‌ به‌لای‌ عێراقه‌وه‌".

هه‌روه‌ها مه‌عسوم ئاماژه‌ی‌ به‌وه‌شكردووه‌ "عێراق روبه‌ڕووی‌ هێرشێكی‌ توند بووه‌ته‌وه‌ له‌لایه‌ن تیرۆریستانه‌وه‌، ئه‌گه‌ر ئه‌و ڤایرۆسه‌ به‌خێرایی چاره‌سه‌ر نه‌كرێت به‌خێرایی ده‌گوازرێته‌وه‌".