ئەمڕۆ وه‌فدێكی‌ بزوتنه‌وه‌ی‌ گۆڕان و وەفدێکی وەزارەتی دەرەوەی ئه‌مەریكا له‌شاری‌ هه‌ولێر كۆبونه‌وه ‌و تیایدا پرسی‌ هه‌ڵبژاردنه‌كان و ده‌ستور و دۆخی‌ سیاسی‌ هه‌رێم و په‌یوه‌ندییه‌كانی‌ نێوان هه‌ولێر و به‌غدا تاوتوێكرا.
وه‌فده‌كه‌ی‌ بزوتنه‌وه‌ی‌ گۆڕان كه‌ له‌ محه‌مه‌د تۆفیق ره‌حیم رێكخه‌ری‌ ژوری‌ په‌یوه‌ندییه‌ دیبلۆماسییه‌كانی‌ بزوتنه‌وه‌ی‌ گۆڕان و محه‌مه‌د كیانی‌ ئه‌ندامی‌ فراكسیۆنی‌ گۆڕان له‌ په‌رله‌مانی‌ عێراق پێكهاتبون، له‌شاری‌ هه‌ولێر له‌گه‌ڵ وه‌فده‌كه‌ی‌ ئه‌مەریكا كۆبونه‌وه‌ كه‌ له‌ برێت مه‌كگۆرگ یاریده‌ده‌ری‌ جێگری‌ وه‌زیری‌ ده‌ره‌وه‌ی‌ ئه‌مەریكا بۆ كاروباری‌ عێراق و كونسوڵ و جێگری‌ كونسوڵی‌ ئه‌مەریكا له‌شاری‌ هه‌ولێر پێكهاتبون و تیایدا گفتوگۆ كرا سه‌باره‌ت به‌ پرسی‌ هه‌ڵبژاردنه‌ چاوه‌ڕوانكراوه‌كان و مه‌سه‌له‌ی‌ ده‌ستور و بارودۆخی‌ سیاسی‌ ئێستای‌ هه‌رێم.
دواتریش گفتوگۆ كرا سه‌باره‌ت به‌ په‌یوه‌ندییه‌كانی‌ نێوان هه‌ولێر و حكومه‌تی‌ ناوه‌ندی‌، هاوكات بیروڕا ئاڵوگۆڕكرا سه‌باره‌ت به‌ پلان و به‌رنامه ‌و تێڕوانینه‌كانی‌ بزوتنه‌وه‌ی‌ گۆڕان سه‌باره‌ت به‌ په‌یوه‌ندییه‌كانی‌ نێوان هه‌ولێر و به‌غدا.