كۆڵۆمبيا بۆ قۆناغى هه‌شت وئۆرۆگواييش بۆ فڕۆكه‌ خانه‌. 

له‌ دووه‌م یاری‌ قۆناغی‌ 16ی‌ مۆندیالدا كه‌ له‌نێوان كۆڵۆمبیا و ئۆرۆگوای‌ ئه‌نجام درا.
كۆڵۆمبییه‌كان توانیان به‌ ئه‌نجامی‌ 2 گۆڵی‌ خاوێن یارییه‌كه‌ ببه‌نه‌وه‌ و ئۆڕگوای‌ وه‌لا بنێن و خۆیان بگه‌یه‌ننه‌ قۆناغی‌ 8ی‌ مۆندیال .

رۆدریگۆئێز یاریزانه‌ به‌تواناكه‌ی‌ كۆڵۆمبیا توانی‌ له‌م یارییه‌دا ئاستی‌ به‌رز پێشكه‌ش بكات وبه‌دو گۆڵ هه‌ڵبژارده‌كه‌ی‌ بگه‌یه‌نێته‌ قۆناغی‌ هه‌شت.

له‌ ئێستاشدا رۆدریگۆئێز به‌ تۆماركردنی‌ 5 گۆڵ له‌ یه‌كه‌می‌ ریزبه‌ندی‌ گۆڵكارانه‌ و پێش هه‌ر یه‌كه‌ له‌ نیمار و میسی‌ و موله‌ره‌ .

هه‌رچه‌نده‌ هه‌ڵبژارده‌ی‌ ئۆرۆگوای‌ به‌بێ‌ سوارێز یاری‌ كرد به‌لاَم نه‌یتوانی‌ یارییه‌كه‌ بباته‌وه‌و به‌یه‌كجاری‌ ماڵئاوایی‌ له‌ مۆندیالی‌ 2014ی‌ به‌ڕازیل كرد.