بِسْمِ اللَّهِ الرَّحْمَنِ الرَّحِيمِ
اللَّهُمَّ رَبَّ جِبْرِيلَ وَمِيكَائِيلَ وَإِسْرَافِيلَ فَاطِرَ السَّمَوَاتِ وَالْأَرْضِ عَالِمَ الْغَيْبِ وَالشَّهَادَةِ أَنْتَ تَحْكُمُ بَيْنَ عِبَادِكَ فِيمَا كَانُوا فِيهِ يَخْتَلِفُونَ اهْدِنِي لِمَا اخْتُلِفَ فِيهِ مِنْ الْحَقِّ بِإِذْنِكَ إِنَّكَ تَهْدِي مَنْ تَشَاءُ إِلَى صِرَاطٍ مُسْتَقِيمٍ.

پاش ئەوەی برای بەڕێزمان (باوكی حارس) دەربارەی هەوڵی گۆڕینی سەرۆكی هەرێم بابەتێكی نوسی كە تێیدا بە كارێكی حەرام باسیكرد‌و، مشت‌و مڕێكی زۆری بەدوای خۆیدا هێنا، لێرەدا من پشت بەخوای پەروەردگار هەندێ لەو ئەحكامانە دەخەمە پێشچاو تاوەكو هەموو لایەك لێی سوودمەند بین‌و كاتێك كە سەلەفیەكان باسی ئەحكامی شەرعی دەكەن سەبارەت بە سەرۆكی وڵات لەكوێوە سەرچاوەی گرتووە، وە تێگەیشتن لەو ئەحكامە شەرعیانەش وامان لێدەكات كە جیاوازی نێوان ئەهلی سوننەو ئەهلی بیدەع بزانین لە كوێدایە، هەڵەو پەڵە و ڕاست‌و دروستی مەنهەجی كەسەكانمان بۆ دەردەخات:
لێرەوە دەڵێم پێویستە هەموو لایەكمان ئەمە بزانین كە:
یەكەم: لە شەریعەتی خوای حەكیم‌و كاربەجێ دا بوونی سەرۆكی وڵات‌و وەلی ئەمر كارێكی پێویستە.. بۆیە واجبە لەسەر موسڵمانان كەسێك لە خۆیان كە موسڵمان بێت بیكەن بە سەركردەو وەلی ئەمری خۆیان بۆ ئەوەی كاروباری دونیایان بۆ ڕێك بخات.. خۆ ئەگەر ئەو سەركردەیە كەسێك بێت كە بە باشی پابەندی دین بێ و ڕوو لە خواو لە خواترس بێت ئەوە لە ژێر سێبەریدا دینداری و ڕوو لە خوایی دەگەشێتەوە.
دووەم:
ئەو كەسە موسڵمانەی كە دەبێتە سەركردەی وڵاتی موسڵمانان پێویستە لەسەر تێكڕای موسڵمانان پابەندی ئەو بەڵێنە بن كە پێیان داوە كە گوێڕایەڵی بكەن لە شتی چاكەداو دژایەتی نەكەن و خیانەتی لێ نەكەن و پیلان‌و فرت‌و فێڵ لێ نەگێرن بۆ ئەوەی دەسەڵاتەكەی لێ زەوت بكەن، چونكە ئەو بەڵێنەی كە پێان داوە، ئەمانەتێكە لە گەردنیاندا دەبێ بەجێی بگەیەنن..
وەكو خوای حەكیم‌و كاربەجێ فەرمانی پێ كردووین:
• (إِنَّ اللَّهَ يَأْمُرُكُمْ أَنْ تُؤَدُّوا الْأَمَانَاتِ إِلَى أَهْلِهَا وَإِذَا حَكَمْتُمْ بَيْنَ النَّاسِ أَنْ تَحْكُمُوا بِالْعَدْلِ إِنَّ اللَّهَ نِعِمَّا يَعِظُكُمْ بِهِ إِنَّ اللَّهَ كَانَ سَمِيعًا بَصِيرًا (58) يَا أَيُّهَا الَّذِينَ آَمَنُوا أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ فَإِنْ تَنَازَعْتُمْ فِي شَيْءٍ فَرُدُّوهُ إِلَى اللَّهِ وَالرَّسُولِ إِنْ كُنْتُمْ تُؤْمِنُونَ بِاللَّهِ وَالْيَوْمِ الْآَخِرِ ذَلِكَ خَيْرٌ وَأَحْسَنُ تَأْوِيلًا) (59) [النساء/58، 59].
• هةروةها ثيَغةمبةر دةفةرمويَ:
« مَنْ أَطَاعَ الْإِمَامَ فَقَدْ أَطَاعَنِي وَمَنْ عَصَى الْإِمَامَ فَقَدْ عَصَانِي»..
«اسْمَعُوا وَأَطِيعُوا وَإِنْ اسْتُعْمِلَ عَلَيْكُمْ عَبْدٌ حَبَشِيٌّ كَأَنَّ رَأْسَهُ زَبِيبَةٌ». صحيح البخاري - (ج 22 / ص 50)
«عَلَى الْمَرْءِ الْمُسْلِمِ السَّمْعُ وَالطَّاعَةُ فِيمَا أَحَبَّ وَكَرِهَ إِلَّا أَنْ يُؤْمَرَ بِمَعْصِيَةٍ فَإِنْ أُمِرَ بِمَعْصِيَةٍ فَلَا سَمْعَ وَلَا طَاعَةَ». صحيح مسلم - (ج 9 / ص 370)..
(عَلَيْكَ السَّمْعَ وَالطَّاعَةَ فِي عُسْرِكَ وَيُسْرِكَ وَمَنْشَطِكَ وَمَكْرَهِكَ وَأَثَرَةٍ عَلَيْكَ) صحيح مسلم - (ج 9 / ص 366).
سێیەم:
سەركردەی وڵاتی موسڵمانان ئەگەر هەڵەیەكی كرد یان بڕیاڕ‌و فەرمانێكی دەركرد پێچەوانەی شەریعەت بوو، ئەوە پێویستە ئەو سەركردەیە ئاگادار بكرێتەوەو ڕێنمایی بكرێت ‌و ئامۆژگاری بكرێت لەلایەن كەسانێكی شارەزاو لێهاتوو لەو بووارەدا، بۆ ئەوەی هەڵەكەی بۆ ڕاستبكرێتەوەو لایەنی ناشەرعیەتی كارەكەی و زەرەرو زیانی بڕیارەكەی پێ بوترێ، نەك دەهۆڵی لێ بكوترێ موزاهەرەی لێ بكرێ خروجی لێ بكرێ و هەوڵی ئەوە بدرێ كە بەزۆر لە دەسەڵات وەدەرنرێ و شاربەدەربكرێ..
ئەمەش وەصیەتی پێغەمبەرە كە بۆمانی كردووە‌و دەفەرمووێ:
(من أراد أن ينصح لذي سلطان فلا يبده علانية ولكن يأخذ بيده فيخلوا به فإن قبل منه فذاك وإلا كان قد أدى الذي عليه). حديث صحيح رواه أحمد وابن أبي عاصم والحاكم والبيهقي وصححه الألباني.
چوارەم:
خۆ ئەگەر ئەو سەركردە موسڵمانە لەسەر هەڵەو بریاری خۆی بەردەوام بوو، ئەو ڕەخنەو پێشنیارو ئامۆژگاری‌و ڕێنمایانەی كە پێی وتراو بۆی نێردرا بێ سوود بوو، گوێی بۆ نەگرت.. وەكو ئەوەی زوڵمی دەكرد، ماڵی خەڵكی بۆ خۆی بە ناحەق زەوت دەكرد‌و سەروەت و سامانی میللتەی بەهەدەردەدا، بەڵام بەمەرجێك هەڵەكانی كوفرێكی ئاشكراو زەق نەبێت ... ئەوە ئەو سەركردە موسڵمانە بە تاوانبارو ستەمكار دادەنرێ، بەڵام كافرو بێ باوەڕ ناكرێ.. لێردا مادام كێشەی خەڵكی لەگەڵ سەركردەكەیان كێشەی دونیاییە، نەك كوفری سەركردەكەیان، واتە كێشەیان ئەوەیە كە سەركردەكەیان بۆ كاروباری دونیاییان وەكو پێویست سەركردایەتی میللەت ناكات، نەك كێشەیان ئەوەبێ كە سەركردەكەیان كافرو بێ باوەڕە... لێردا شەریعەتی خوای حەكیم و كاربەجێ حەرامی كردووە كێشەو مونازەعەو دووبەرەكی و تەفرەقەو پەرتەوازیی‌و شەڕو ئاژاوەو پاشاگەردانی لە وڵاتدا دروست بكرێ، چونكە ئەوە سەردەكێشێ بۆ ڕشتنی خوێنی موسڵمانان لە پێناو دەستكەوتنی دونیادا، كە موسڵمانان پێویستە خوێنی خۆی لەسەر كوفرو ئیمان بڕێژێ نەك سەروەت‌و سامانی دونیا.. ئەمەش بە پێچەوانەی تەواوی فرقەو گورپە تازەلەدایك بووەكان كە موسڵمانانیان بە پێی سیاسەتی ناشەرعی كردووە بە چەندەها پارچەوە لە پێناو مونافەسەی دونیادا، لەگەڵ ئەوەی كە سەركردەی وڵاتیان پێ موسڵمانە، مونازەعەو مونافەسەی دەكەن‌و خەڵك لە دژی هاندەدەن، فوو بە خەڵكیدا دەكەن‌و پڕیان دەكەن لە حەماسەتی بەتاڵ‌و گەنج‌و منداڵی موسڵمانان بە كوشتن دەدەن‌و دەیانڕژێننە سەرجادەو شەڕو ئاژاوەو پاشا گەردانی لە وڵاتدا بەرپادەكەن، ئەمەش كە دەیكەن تەنها لە پێناو دەستكەوتنی پۆستی دوونیایی‌و كوشك‌و تەلاری بەرزە، كەسەرەنجام لەلای خەڵكی داماو خۆیان بە داكۆكی كاری مافی ئەوان دەزانن‌و لەلای دەسەڵاتدارانیش خۆیان دەكەن بە پیاوچاك كە ئێمە خەڵكمان بێ دەنگ كردووە.. كەواتە خەڵكی بەكاردێنن وەكو وەرەقەی فشار لەسەر دەسەڵات بۆ دەستكەوتنی دونیاو مەنصەب.
• عبادەی كوڕی صامت دەفەرموێ :
(دَعَانَا النَّبِيُّ صَلَّى اللَّهُ عَلَيْهِ وَسَلَّمَ فَبَايَعْنَاهُ فَقَالَ فِيمَا أَخَذَ عَلَيْنَا أَنْ بَايَعَنَا عَلَى السَّمْعِ وَالطَّاعَةِ فِي مَنْشَطِنَا وَمَكْرَهِنَا وَعُسْرِنَا وَيُسْرِنَا وَأَثَرَةً عَلَيْنَا وَأَنْ لَا نُنَازِعَ الْأَمْرَ أَهْلَهُ إِلَّا أَنْ تَرَوْا كُفْرًا بَوَاحًا عِنْدَكُمْ مِنْ اللَّهِ فِيهِ بُرْهَانٌ) .
واتە : ( پێغەمبەری خوا پەیمانی لێ وەرگرتین لە سەر گوێڕایەڵی سەركردەكانمان لە كاتی ئاسانی و خۆشی و ناخۆشیمان وە لە كاتێك ئەگەر مافمانیش بخوات و بۆ خۆی بەرێ، وە لەسەر ئەوەش پەیمانی لێ وەرگرتین كە دژایەتی سەركردەی موسلمان نەكەین مەگەر كوفرێكمان لێ بینی كە كوفرێكی ئاشكراو ڕوون و زەق بی و بەڵگەی لە سەر بێ لە لایەن خواوە كە ئەو كارە كوفرە ) صحیح البخاری - (ج 21 / ص 444).
• (إِنَّكُمْ سَتَرَوْنَ بَعْدِي أَثَرَةً وَأُمُورًا تُنْكِرُونَهَا قَالُوا فَمَا تَأْمُرُنَا يَا رَسُولَ اللَّهِ قَالَ أَدُّوا إِلَيْهِمْ حَقَّهُمْ وَسَلُوا اللَّهَ حَقَّكُمْ) صحيح البخاري - (ج 21 / ص 441).
• (مَنْ كَرِهَ مِنْ أَمِيرِهِ شَيْئًا فَلْيَصْبِرْ فَإِنَّهُ مَنْ خَرَجَ مِنْ السُّلْطَانِ شِبْرًا مَاتَ مِيتَةً جَاهِلِيَّةً). صحيح البخاري - (ج 21 / ص 442)
• (مَنْ رَأَى مِنْ أَمِيرِهِ شَيْئًا يَكْرَهُهُ فَلْيَصْبِرْ عَلَيْهِ فَإِنَّهُ مَنْ فَارَقَ الْجَمَاعَةَ شِبْرًا فَمَاتَ إِلَّا مَاتَ مِيتَةً جَاهِلِيَّةً). صحيح البخاري - (ج 21 / ص 443)
• (خِيَارُ أَئِمَّتِكُمْ الَّذِينَ تُحِبُّونَهُمْ وَيُحِبُّونَكُمْ وَيُصَلُّونَ عَلَيْكُمْ وَتُصَلُّونَ عَلَيْهِمْ وَشِرَارُ أَئِمَّتِكُمْ الَّذِينَ تُبْغِضُونَهُمْ وَيُبْغِضُونَكُمْ وَتَلْعَنُونَهُمْ وَيَلْعَنُونَكُمْ قِيلَ يَا رَسُولَ اللَّهِ أَفَلَا نُنَابِذُهُمْ بِالسَّيْفِ فَقَالَ لَا مَا أَقَامُوا فِيكُمْ الصَّلَاةَ وَإِذَا رَأَيْتُمْ مِنْ وُلَاتِكُمْ شَيْئًا تَكْرَهُونَهُ فَاكْرَهُوا عَمَلَهُ وَلَا تَنْزِعُوا يَدًا مِنْ طَاعَةٍ). صحيح مسلم - (ج 9 / ص 403).
ئەوەی لەم فەرموودانەوە وەردەگیرێ:
1- كەوابوو پێغەمبەری خوا ئەوەی فێركردین مادام كێشەكەی ئێوە لەگەڵ سەركردەكەتان ئەوە نییە كە سەكردەكە كافرە، ئەوە ئێوە لە پێناو دونیادا مەكەونە گیانی یەكترو شەڕو مونازەكەو دووبەرەكی و ئاژاوە مەنێنەوەو خوێن مەڕێژن... ئەهلی سوونەش گوێڕایەڵی ئەم وەصیەتەی پێغەمبەری خوان ، بۆیە مادام سەركردەی وڵات موسڵمان بێت مونافەسەی دەسەڵاتی لەگەڵ ناكەن‌و مونازەعەی ناكەن‌و شەڕو ئاژاوە لە وڵاتدا بەرپاناكەن..
2- جا لەوەوە ئەوە تێدەگەین كە پاراستنی دین لە پێش گیانی ئینسانەوەیە، واتە ئینسان بۆ پاراستنی دینەكەی كە ئیمانەو وەلانانی كوفرە، دەبێ ئامادەبێ گیان و نەفسی خۆی بكات بە قوربانی. بۆیە پێغەمبەری خوا ڕێگەی بە موسڵمانان داوە كە خروج بكەن لە سەركردەیەك كە كافر بێ ، بەڵام مادام خروجەكەو قوربانیدانی نەفسی ئینسان بۆ پاراستنی ئیمان و وەلانانی كوفرە ئەوە شەریعەت ڕێگەی پێداوە، ئەگەر موسڵمانان توانای ئەو كارەیان هەبێ‌و بە گوێرەی ئەو شەرت‌و مەرجانەی كە زانایان باسیان كردووە.. وەكو ئەوەی كە ئەو سەركردە كوفرێكی زەق‌و ئاشكرای كردبێ‌و بە ئەنقەست‌و بە مەبەست‌و بێ ئەوەی بە نەزانین بووبێ یان لە ژێر فشارو زەغتدا بووبێ،
3- وەكو وتمان پاراستنی نەفس و گیانی ئینسان لە پێش پاراستنی مال‌و سەروەت‌و سامانی دونیایە، واتە ئینسانی موسڵمان بۆ پاراستنی نەفسەكە دەبێ ئامادەبێ سەروەت و سامانی دونیا بكات بە قوربانی، نەك بە پێچەوانەوە... بۆیە پێغەمبەری خوا ڕێگەی نەداوە لە پێناو سەروەت‌و سامانانی دوونیادا موسڵمانان خروج بكەن لە سەركردەی وڵات‌و شەڕو خۆێن ڕێژی دروست بكەن.
(إتفق أهل الأديان السماوية و عقلاء بني آدم على أن أهم ما يصلح به حال البشر حفظهم لأمور كلية خمسة، هي ما يطلق عليه الكليات الخمس (الدين – النفس – العقل – النسل – المال ). و قد جاءت شريعة الإسلام بأحكام وافية لحفظ هذه الضروريات الخمس سواء من حيث الوجود إذ شرعت لها ما يحقق وجودها في المجتمع، أو من حيث البقاء و الاستمرار بإنمائها و حمايتها من أسباب الفساد و الزوال).
كەوابوو نەتیجەی ئەو باسە ئەوەیە:
كە حیكمەتی نادروستێتی خروجكردن لە سەركردەیەكی موسڵمانی وڵات، ئەوەیە كە خوێن ڕێژی‌و ئاژاوەو دوبەرەكی‌و تەفرەقەو براكوژی‌و پەرتەوازیی دروست دەكات لە وڵاتدا...
4- ئەگەر ئەو سەركردەیە بەویستی خوێ دەسەڵات بۆ كەسێكی تر جێ بهێڵێ، یان بە پێی وەعدو بەڵێنێك كە دابێتی دواتر دەسەڵات ڕادەستی كەسێكی تر بكرێ، بە بێ ئەوەی كە خوێن ڕێژی‌و ئاژاوەو دوبەرەكی‌و تەفرەقەو براكوژی‌و پەرتەوازیی لە وڵاتدا دروست ببێ‌، ئەمە پێی ناوترێ خروج و ئەو ئەحكامانەی كە بەسەر خەواریجدا دەسەپێ، بەسەر ئەمدا جێبەجێ نابێ، وەكو ئەوەی ئیمامی حەسەن تەنازولی كرد بۆ ئیمامی موعاویە.
پێنجەم: هەموو ئەو ئەحكامانەی كە باسمانكرد دەربارەی سەرۆكێكی موسڵمان لە وڵاتی موسڵماناندا، كاتێك جێ بەجێ دەكرێت‌و ئێمە لێی بەرپرسین بۆ ژین‌و دینمان، كە سیستەمی حوكمڕانی وڵات سیستەمێكی ئیسلامی بێت، بۆیە مادام سەرۆكی وڵات پابەندی ئەو سیستەمە ئیسلامیە بێت ، ئەوە ئێمەش هەر بەو سیتەمە ئیسلامیە دیفاعی لێ ئەكەین‌و لابردن‌و دژایەتی كردنی بە خروج دادەنێین‌و پێمان حەرامە... بەڵام ئایا ئەگەر سەركردەی وڵات بە سیستەمێكی ئیسلامی حوكمی نەكرد ئەوە چی دەبێ؟
شەشەم : ئەگەر سیستەمی حوكمڕانی وڵاتی موسڵمانان سیستەمێكی غەیرە ئیسلامی بوو، وەكو سیستەمی دیموكراسی كە ئەمڕۆ پەیڕەو دەكرێت، لەم سیستەمەدا سەڕۆكی وڵات بۆ ماوەیەكی دیاری كراو چوار ساڵ یان زیاتر بەپێی یاسایی سەرۆكایەتی، بۆی هەیە سەركردەی وڵات بێ، جا دوای ئەوەی كە ماوەكەی تەواو دەبێ بەپێی ئەو بەڵێن‌و وەعدەی كە لەگەڵی بەستراوە دەستبەرداری دەسەڵات دەبێ‌و وازدێنێ یان دووبارەو سێ بارە دیاری دەكرێتەوە بە پێی ئەو وەعدو بەڵێنەی كە خۆیان لە یاساكەدا كردوویانە بە سیستەمی حوكمڕانی، جا كە ماوەی حوكمڕانی تەواو بوو ، وە خۆشیشی دەسبەتباری دەسەلات ببێ‌، ئتر ئەمە پێی ناوترێ خروجكردن.. كاتێك پێی دەوترێ خروج كە خەڵكی لێی هەڵسن‌و بیانەوێ بە زور لە دەسەڵات لایی ببەن، بەڵام كە خۆی وازدێنێ ئەمە دۆڵێكەو ئەویش دۆلێكی تر.
برابەڕێزەكانم موسڵمانانی بەڕێز:
ئالێردە سەبارەت بەو بابەتەی كە برای بەڕێزم(باوكی حارس) نوسیبووی:
لەوەلامدا دەڵێم:
ناوەڕۆكی بابەتەكە لە ڕووی مەنهجەیەوە كتومەت مەنهەجی ئەهلی سوننەیە سەبارەت بە هەڵویست‌و هەڵس‌وكەوتی موسڵمانان لەگەڵ سەركردەیەكی موسڵماندا كە حاكمی وڵات بێ لە سیستەمێكی ئیسلامیدا.
بەڵام ڕەخنەمان لە نوسینەكەی لەوەدایە ئەوەی ئەو ئایا دەگونجێ لەگەڵ سیستەمێكی دیموكراسیدا، یان ئەوەی كە ئەو باسی كردووە بۆ ولات‌و حاكمێك دەبێت كە سیستەمەكەی سیستەمێكی ئیسلامی بێ، نەك سیستەمێكی غەیرە ئیسلامی؟ ئایا ئەو فەرموودانەی كە باسی كردوون دەربارەی مونازەعەكردنی سەركردەی وڵات ئایا لەگەڵ ئەم واقعەی ئەمڕۆی كوردستان‌و سیستەمی حوكمڕانی‌و یاسایی سەرۆكایەتی هەرێم دەگونجێن؟ كە سیستەمەكەی سیستەمێكی غەیرە ئیسلامیە.. سەرۆكی ولاتیش خۆی پابەندی ئەو سیستەمە دیموكراسیە، ئیتر چۆن بە سیستەمێكی ئیسلامی دیفاع لە سیستەمێكی نائیسلامی بكرێ؟
برا بەڕێزەكانم:
ئێمە هەموومان دەزانین ئەو سیستەمەی كە ئەمڕۆ لە كوردستان بۆتە ڕێڕەوی حوكمڕانی و یاسایی سەرۆكایەتی وڵات، سیستەمی دیموكراسیە، نەك سیستەمێكی ئیسلامی. كە هەر لەم سیستەمەی ئەمان پەیڕەوی دەكەن‌و لەسەری دەڕۆن‌و كراوە بە یاسایی سەرۆكایەتی هەرێم:
• سەرۆكی هەرێم بۆی هەیە بۆ دوو خول خۆی كاندید بكات، واتە تاوەكو هەشت ساڵ بۆی هەیە سەركردایەتی وڵات بكات.
• هەر كەسێكی تریش بۆی هەیە لە دوای ئەو خۆی بۆ ئەو پۆستە كاندید بكات‌و ئەو مافە بەدەست بهێنێ.
كەوابوو لاچوونی سەرۆكی هەڕێم لە دوای هەشت ساڵ بە پێی ئەو دەقە یاساییە كە خۆیان لەسەری ڕێكەوتوون‌و بەڵێنیان داوە كە دەبێ بۆ ماوەی هەشت ساڵ زیاتر خۆیان كاندید نەكەن، كارێكی یاسایی‌و قانونیە بەپێی ئەو دەستوورە دیموكراسیەی كە حوكمی پێ دەكەن‌و، خۆیان بە پێی بەڵێنی خۆیان وازدێنن.. كەوابوو پێویستە موسڵمان پابەندی ئەو شەرت‌و مەرجە بێت كە لەگەڵی دەكرێت چونكە: (الْمُسْلِمُونَ عَڵی شُرُوگِهِمْ).سنن أبی داود - (ج 9 / ص 491).
سەرۆكی هەر وڵاتێكیش كە لە سیستەمی دیموكراسیدا گەیشتبێت بە كورسی دەسەڵات، لاچوونی خۆی لە دوای تەوابوونی ماوەكەی بە یاسایی‌و قانوونی دەزانێت‌و پێی شتێكی سەیرو سەمەرە نییە، خۆی ئەوەی هەڵبژاردووەو ئەوەی پێ باشە، تەنانەت لە سیستەمی دیموكراسی دا دەستاودەست كردنی دەسەڵات بە گەورەترین نیشانەو دروشم دادەنرێت كە هەموو سەرۆكێك شانازی پێوە دەكەن، ئیتر چی مانایەك بۆ ئەو دیفاكردنە دەمێنێتەوە كە لاچوونی بە كارێكی حەرام بزانرێت، كە خۆیان بە یاسایی‌و قانوونی بزانن، خۆ بە سیستەمێكی ئیسلامی كاریان نەكردووە، تاوەكو بە ئەحكامی ئیسلامی دیفاع لە مانەوەیان بكرێت.. ڕونتر بلێم لە سیتەمی دیموكراسیدا نەلەكاتی هەڵبژاردنی سەرۆكی وڵاتداو، نە لەكاتی حوكمڕانی ئەو سەرۆكەدا، پرس بە ئیسلام‌و ئەحكامی ئیسلامی ناكرێ، وەلەكاتی لاچونەكەیشیدا گوێ بۆ ئەحكامەكانی ئیسلام ناگیرێت، ئیتر چ مانایەك بۆ ئەو قسانە دەمێنێتەوە كە ئێمە خۆمانی پێوە خەریك بكەین‌و دیفاع بكەین لە كاتێكدا خۆیان بە زمانی حاڵ دەڵێن ئێمە بە پێی سیستەمی دیموكراسی هاتوینەتە سەر حوكم‌و هەر بەو سیستەمە حوكم دەكەین‌و هەر بەپێی ئەو سیستمەش دەست بەرداری حوكم دەبین، كەوابوو پەنابردنی ئێمە بۆ ئەحكامە شەرعیەكان بۆ وەها سیستەمێك جگە لە خەوو خەیاڵ هیچی تر نییە.
كەوابوو مادام ئەكامەكانی شەریعەت لەكاتی دەست لەكاركێشانەوەدا پرسی پێنەكرێت‌و گوێی بۆ نەگیرێت، بۆیە شەریعەتیش ئامادەنییە تەداخول بكات‌و قسەی تێدابكات، هەربۆیە پێویستە ئێمەش دین‌و شەریعەت بەكارنەهێنین‌و بەناوی دینەوە قسە لەو باس‌و خواسە نەكەین. هەربۆیە نابێ ئێمەش بە ناوی دینەوە قسە لەسەر مانەوەو نەمانەوە بكەین.
كەوابوو سەرۆكی وڵات بۆ خۆی ڕازی بووە بە سیستەمی دیموكراسی‌و بە سیستەمەش حوكمدار‌و قەڵەم ڕەوی كردووە، بۆیە بەهەمان یاساو ڕێسای ئەو سیستەمە مامەڵەی لەگەڵ دەكرێت، نەوەكو بە پێوەرو یاسای شەریعەت... ئیتر تاوانی موسڵمانان لە چی دایە؟!!
پاشان خۆ كەس دەستی نەداوەتە چەك‌و شۆڕش گێڕان‌و ئاژەوە‌و یەكتر كوژی، ئیتر ئەمە مونازەعەو خروج لە كوێی دا جێگای دەبێتەوە... وەكو پێشتر باسمان كرد حیكمەتی نادروستێتی خروجكردن لە سەركردەیەكی موسڵمانی وڵات، ئەوەیە كە خوێن ڕێژی‌و ئاژاوەو دوبەرەكی‌و تەفرەقەو براكوژی‌و پەرتەوازیی دروست دەكات لە وڵاتدا... ئەحكامە شەرعیەكانیش پەیوەستن بە حیكمەت‌و هۆكارەكانیانەوە، جامادام سەرۆكێك خۆی وازدەهێنێ ‌و ئەو مەفسەدەیە دروست نابێ، كەوابوو ئیتر بۆچی خەڵكی داماو بە خەواریج دابنرێت.
هەڵۆیستی ئێمە ئەوەیە:
مادام خۆیان بەو سیستەمە دیموكراسییە ڕازین‌و كاری پێدەكەن‌و لەسەری دەڕۆن، ئەوە ئێمە هەروەكو چۆن لەكاتی هەڵژاردندا بەشداری ناكەین، بەهەمان شێوە لە كاتی لاچونیشیدا قسەی تێداناكەین ... كێش لەسەر ئەو سیستەمە دەبێ بەسەرۆك، مادام موسڵمانە نەبەكافری دادەنێین، نەهەوڵی لابردنیشی دەدەین.. بەڵام چۆن لا ئەچێت‌و دەستبەرداری دەسەڵات دەبێ، ئەوە خۆی ئەوە ئەو سیستەمەی كە پەیڕەوی دەكات...