ئه‌مڕۆ زنجیره‌یه‌ك ته‌قینه‌وه‌ پارێزگاكانی عێراقی گرته‌وه‌ و به‌هۆیه‌وه‌ (56) كه‌س كوژران و (128) كه‌سیش برینداربون.
سه‌رچاوه‌ ئه‌منی و پزیشكیه‌كانی عێراق بڵاویانكرده‌وه‌، له‌ ئه‌نجامی زنجیره‌یه‌ك ته‌قینه‌وه‌ كه‌ له‌رێی ئۆتۆمۆبێلی بۆمبڕێژكرا و بۆمبی چێنرا و بۆمبی لاستیكی و ته‌قینه‌وه‌ی خۆكوژییه‌وه‌ ئه‌نجامدران (184) قوربانی له‌ شاره‌كانی به‌سره‌ و به‌غدا و موسڵ و نه‌جه‌ف و واست و بابل و كوت و ئه‌بو غرێب لێكه‌وتوه‌ته‌وه‌.
هاوكات ئاژانسی هه‌واڵی فرانس پرێس بڵاویكرده‌وه‌، ئه‌و شه‌پۆله‌ ته‌قینه‌وه‌یه‌ درێژكراوه‌ی ئه‌و ته‌قینه‌وانه‌یه‌ كه‌ مانگی ئایاری رابردو عێراقی گرته‌وه‌ و به‌هۆیه‌وه‌ (1045) كه‌س كوژراون و (2400) كه‌سیش برینداربون.