له‌ لێدوانێكیدا بۆ خه‌ندان سه‌باره‌ت به‌ كوژرانی پاسه‌وانه‌كه‌ی باره‌گای كۆمه‌ڵی ئیسلامی له‌ شاری هه‌ولێر،، ئاری هه‌رسین، په‌رله‌مانتاره‌كه‌ی فراكسیۆنی زه‌رد وتی: هه‌ولێر ساحێبی هه‌یه‌ و ئه‌وه‌تا سێ كه‌س ده‌ستگیركراون به‌ تۆمه‌تی كوژرانی پاسه‌وانه‌كه‌ی باره‌گای كۆمه‌ڵی ئیسلامی، ئه‌مه‌ش جیاوازه‌ له‌وه‌ی له‌ سلێمانی سێ ئۆتۆمبیل بێن و ته‌قه‌ له‌ لقی چواری پارتی دیموكراتی كوردستان بكه‌ن و تائێستاش كه‌سی له‌سه‌ر ده‌ستگیر نه‌كرابێت.

وتیشی: سوورم له‌سه‌ر وته‌كه‌ی پێشووم سه‌باره‌ت به‌ سلێمانی.

داوی ته‌قه‌كردن له‌ باره‌گای لقی چواری پارتی له‌كاتی به‌ڕێوه‌چوونی بانگه‌شه‌ هه‌ڵبژاردنه‌كان، ئاری هه‌رسین وتبووی: "سلێمانی شارێكی بێ ساحێبه‌.