باڵیۆزی ئێران له‌ مالیزیا رایگه‌یاند که‌ (86) ده‌ستگیر کراوی ئێران له‌لایه‌ن حکومه‌تی مالیزیاوه‌، به‌ تۆمه‌تی بازرگانی به‌ ماده‌ هۆشبه‌ره‌کانه‌وه‌ سزای له‌سێداره‌دانیان بۆ ده‌رکراوه‌ .

''مورته‌زا جاویدان'' باڵیۆزی ئێران له‌ مالیزیا رایگه‌یاندکه‌ زۆربه‌ی ئه‌و هاوڵاتیه‌ ئێرانیانه‌ی له‌ مالیزیان، بازرگان و خوێندکاری زانکۆ و که‌سایه‌تی رۆشنبیرن و ووتی :''زۆربه‌ی ئه‌وانه‌ی ناوبانگی ئێرانیان زراندوه‌ له‌ مالیزیا به‌ داخه‌وه‌ ئه‌و چینه‌ خوێنده‌وار و رۆشنبیرانه‌ن '' .

جاویدان ئاشکراشیکرد :" ئێستاکه‌ نزیکه‌ی (221) ده‌ستگیرکراوی ئێرانی له‌ مالیزیا بوونیان هه‌یه‌ و له‌ ناویاندا (31) ژنیش هه‌یه‌ و زۆربه‌ی تاوانباران به‌ که‌یسه‌کانی په‌یوه‌ندیدار به‌ ماده‌ هۆشبه‌ره‌کانه‌وه‌ ده‌ستگیر کراون'' .