عبدالرحمن محمد عارف مامۆستای‌ زانكۆ له‌ تۆری‌ كۆمه‌لایه‌تی‌ فه‌یسبووك له‌  یادی‌ ئه‌نفال پێیشنیارێك ده‌كات بۆ په‌رله‌مانتاره‌ ئیسلامیه‌كان ده‌نوسێت،

بۆ ئیسلامیه‌كان به‌ گشتی و په‌رله‌مانتاره‌كانیان به‌ تایبه‌تی .

( پێویسته‌ زاراوه‌ی (ئه‌نفاله‌ به‌دناوه‌كان) به‌ یاسا یاساغ بكرێت )

به‌كارهێنانی زاراوه‌ی ئه‌نفال و ئه‌نفاله‌ به‌دناوه‌كان و هاووێنه‌كانیان كاره‌ساتی فیكری بۆ دروست كردووین له‌وانه‌ : 1- لكاندنی ئه‌و كاره‌ساته‌ به‌ ئیسلامه‌وه‌ 2- شه‌رعیه‌تدان و به‌ ئیسلامیی حه‌ساوكردنی به‌عسیه‌كان 3- به‌ ناراسته‌وخۆ ئیسپاتكردنی نیازی به‌عسیه‌كان و هاوبیره‌كانیان كه‌ گوایه‌ كورد په‌یوه‌ندییان به‌ ئیسلامه‌وه‌ نیه‌. له‌به‌ر ئه‌م خاڵه‌ زۆر ترسناكانه‌ پێویسته‌ به‌ یاسا ئه‌و زاراوانه‌ یاساغ بكرێت و سزا دابنرێت بۆ ئه‌وانه‌ی به‌كاری دێنن و بۆ جێكردنه‌وه‌(به‌دیل)ی ئه‌و زاراوه‌یه‌ش چه‌ندین زاراوه‌ هه‌یه‌ و رێكیش ته‌عبیر له‌و رووداوه‌ گه‌وره‌یه‌ ده‌كات و له‌و سێ گرفته‌ش به‌ دوورمان ده‌گرێت، با ئه‌مه‌ پێشنیار بێت بۆ په‌رله‌مانتاره‌كان به‌ تایبه‌تی ئیسلامیه‌كان هه‌تا بیكه‌نه‌ یاساو كۆتایی به‌و چه‌واشه‌كارییانه‌ بێنن ئه‌گه‌ر بیانه‌وێت!!.