موراد قه‌ره‌یلان، ئه‌ندامی كۆنسه‌ی سه‌رۆكایه‌تیی‌ كه‌جه‌كه‌، له‌ چاوپێكه‌وتنێكدا له‌گه‌ڵ ته‌له‌فزیۆنی (ستێرك تیڤی) رایگه‌یاند: پێویسته‌ حكومه‌تی ئاكاپه‌، دوای هه‌ڵبژاردنه‌ هه‌رێمییه‌كانی توركیا، هه‌نگاو بنێت بۆ چاره‌سه‌ری پرسی كورد،  ئه‌گه‌ر تا هه‌فته‌یه‌ك دوای هه‌ڵبژاردن، هه‌نگاوی‌ جدیی‌ نه‌نرێت بۆ ئاشتی ، ئه‌وا پرۆسه‌ی ئاگربه‌ست كۆتایی پێدێت. 

له‌باره‌ی چه‌كدانانی گه‌ریلاكانی په‌كه‌كه‌شه‌وه‌، قه‌ره‌یلان رایگه‌یاند: تاكو رێبه‌ری په‌كه‌كه‌ عه‌بدوڵا ئۆجه‌لان و هه‌موو گیراوانی سیاسی كورد، ئازاد نه‌كرێن، گه‌ریلا چه‌ك دانانێت. 

سه‌باره‌ت به‌ خۆرئاوای كوردستانیش ئاماژه‌ی بۆ ئه‌وه‌ كرد: شۆڕشی خۆرئاوای كوردستان له‌سه‌ر هێڵێكی ڕاسته‌و پرسی سوریا به‌شه‌ڕ چاره‌سه‌ر ناكرێت، به‌ڵكو له‌رێگه‌ی گفتۆگۆوه‌ چاره‌سه‌ر ده‌بێت.