دوێنێ لەسەرای سلێمانی 
لەپاڵ دیوارێکی قوڕدا 
گەنجێکم دی دەستەونزای 
سەرکردەیەك بوو لەدۆخی بەردا
ئەمڕۆ دایکانی شارەکەم 
هەروەکو مۆم ئەتوێنەوە 
ئەمڕۆ هەموو زامەکانم 
بەئاسانی ئەکولێنەوە
هەموو ساڵێ لەم ڕۆژەدا 
جەرگ ئەسوتێ دڵێك ئەمرێ
بەرهەمی درەختی شارەکەم 
سەدان سورکێوی تر دەگرێ
هەموو ساڵێ لەم یادەدا
یانزە روحی پاك و بێ گەرد
بەیەکەوە هاوار ئەکەن
نەفرەت ئەکەن لە گولە و بەرد
هەموو ساڵێ لەم ڕۆژەدا 
یانزە ئەستێرەی پرشنگدار
ئەرۆن بەرەو گەرمیانەکەم 
لەگەڵ دایکی کاکە گەرمیان 
دەکەن شین و واویلاو زار
ئیتر بەسە سەرکردەکان 
لە کۆشکەکانتان دابەزن
سەری شکۆ دانەوێنن
تۆزێ بیری ئەم خاکە کەن
تابزانن چی ئەڕوێنن
بەڵێ بەڵێ کاربەدەستان 
خونچەی سیس هەرگیز ناپشکوێ
هەروەکو پێشینان دەڵێن 
جامیش کەپڕ بوو لێ ی دەڕژێ
سەد مەخابن ئەمرۆ هەواری شارەکەم
تکەی شەرمی لێ ئەچۆڕێ
لەئێستاوە ئەبێ مێژوو ئەبێ یاسا ئەبێ قانوون
دەنگ و رەنگی خۆی بگؤڕێ

نەرویج 14.02.2014