بە ئامادەبوونى ئارام ئەحمەد وەزیری شەهیدان و كاروباری ئەنفالكراوان و بە هاوكاری بەرێوەبەرایەتی زیندانیە سیاسیەكانی كوردستان و بە ئامادەبوونی هەریەكە لە عبدالحمید عبدلله سەرپەرشتیاری ئیدارەی راپەرین و قائیمقامی رانیە و ژمارەیەكی زۆر لە زیندانیانی سیاسی سنوری ئیدارەی راپەرین زەوی بەسەر ژمارەیەك لە زیندانیانی سیاسی سنوری ئیدارەی راپەرین دابەشكرا, 

ئارام ئەحمەد وەزیری شەهیدانی ئەنفالكراوان رایگەیاند: خەبات و ماند وبوونی زیندانیانی سیاسی رۆڵیان لەبەرەو پێش بردنی كوردستان زۆر بووە لە سەرجەم بوارەكان, 

ئاماژەی بەوەش كرد وەك حكومەت بەئەركی سەرشانی خۆیان دەزانن خزمەت بە سەرجەم كەس و كاری ئەنفالكراوان و زیندانیانی سیاسی بكەن, 

ووتیشی" زیندانیانی سیاسی سنوری ئیدارەی راپەرین رۆڵی بەرچاویان هەبووە لە گەیاندنی ناوچەكەو كوردستان بەم رۆژگارە, هاوکات بەڵێنشی دا وەك وەزارەتی شەهیدان و ئەنفالكراوان هەڵ بدەن خزمەت زیاتر بگەیەنن بە زنیدانیان و كەس و كاری شەهیدان و ئەنفالكراوەكان.