به‌پێی‌ راپۆرتێكی باڵوێزخانه‌ی‌ ئه‌مریكا له‌عێراق، قوباد تاڵه‌بانی‌ ئاشكرایكردوه‌ كه‌ نه‌وشیروان مسته‌فا‌ و كۆسره‌ت ره‌سوڵ قه‌د حه‌زیان له‌وه‌ نه‌بوه‌ پارتی ‌‌و یه‌كێتی و هه‌ردو ئیداره‌ی‌ هه‌ولێر‌و سلێمانی‌ یه‌كبگرێته‌وه‌.
 
 سایتی‌ ویكیلیكس، باسی‌ ناوه‌ڕۆكی‌ كۆبونه‌وه‌یه‌كی‌ قوباد تاڵه‌بانی‌ ده‌كات كه‌ ئه‌وكات نوێنه‌ری‌ حكومه‌تی‌ هه‌رێم بوه‌ له‌واشنتن له‌گه‌ڵ رابرت فۆرد، راوێژكاری سیاسی باڵوێزخانه‌ی ئه‌وكاتی‌ ئه‌مریكا له‌به‌غدا‌و باڵوێزی‌ ئێستای‌ ئه‌و وڵاته‌ له‌سوریا ده‌رباره‌ی‌ یه‌كگرتنه‌وه‌ی هه‌ردوو ئیداره‌ی سلێمانی‌و هه‌ولێرو چه‌ند پرسێكی تر.

 ده‌ڵێت: "به‌رپرسانی باڵا وه‌ك نه‌وشیروان مسته‌فا‌و كۆسره‌ت ره‌سوڵ به‌ته‌واوه‌تی‌ پێیانخۆش نه‌بوه‌ ئه‌و دو حزبه‌ (یه‌كێتی‌‌و پارتی‌)‌و ئه‌و دو ئیداره‌یه‌ یه‌كبگرنه‌وه‌".