دوای ده‌ستگیركردنی سێ كه‌س له‌لایه‌ن هێزه‌كانی ئاسایشی سلێمانی، به‌هاوكاری هێزه‌كانی ئاسایشی رۆژئاوا، قائیمقامی شاره‌كه‌ رایده‌گه‌یه‌نێت كه‌ ئه‌و سێ كه‌سه‌ له‌سه‌ر كه‌یسی تیرۆر ده‌ستگیركراون.

ئامانج محه‌مه‌د قائیمقامی چه‌مچه‌ماڵ له‌وباره‌یه‌وه‌  رایگه‌یاند: سێ رۆژ پێشتر ئاگاداركرابووینه‌وه‌ له‌هاتنی هێزێك له‌شاری سلێمانیه‌وه‌ بۆ چه‌مچه‌ماڵ، به‌مه‌به‌ستی ده‌ستگیركردنی ژماره‌یه‌ك هاووڵاتی كه‌ تۆمه‌تبارن به‌ دۆسیه‌ی تیرۆر له‌لایه‌ن دادگاوه‌ داواكراون.

وتیشی: ئه‌و هێزه‌ توانیان سێ كه‌س ده‌ستگیربكه‌ن له‌سنوری شاره‌كه‌و دوای ته‌واوكردنی ئه‌ركه‌كانیان هێزه‌كه‌ گه‌رِانه‌وه‌ بۆ جێگه‌ی خۆیان.

راشیگه‌یاند: هێزه‌كانی ئاسایش بۆیان هه‌یه‌ له‌ ته‌واوی هه‌رێمی كوردستان چالاكییه‌كانی خۆیان ئه‌نجامبده‌ن به‌بێ ئه‌وه‌ی هیچ ره‌خنه‌یه‌كیان لێبگیرێت چه‌نكه‌ ئه‌و هێزه‌ كار ده‌كه‌ن له‌پێناو پاراستنی ئه‌منیه‌تی شاره‌كانی هه‌رێم و ده‌ستگیركردنی ئه‌و كه‌سانه‌ی كه‌مه‌ترسین بۆ سه‌ر ئارامی هه‌رێمی كوردستان.