ڕۆژنامەی  لی ١٠ی فەڕەنسی ئاشکرای کرد کە یانەی پاریس سان جێرمانی فەڕەنسی ئارەزو دەکات بۆند لەگەڵ ئیکەر کاسیاسی گۆڵپارێزی یانەی ڕیاڵ مەدرید لە کاتی گواستنەوەی ھاوینەی یاریزانان ئیمزا بکات . 

ڕۆژنامەکە ئاماژەی بەوەدا کە یانە پاریسیەکە ئەو بارودۆخەی کاسیاس بقۆزێتەوە کە لە ئێستادا بەھۆکاری ھونەری و سزادانەوە وەک زۆرێک لە ڕەخنەگرانی ناوەندی وەرزشی  باسی دەکەن  لەسەر کورسی یەدەگ دادەنیشێت .
سان جێرمان ئارەزو دەکات دەستبەرداری سالفاتۆری سییریگۆ  گۆڵپارێزە ئیتاڵیەکەی ببێت بەھۆی دابەزینی ئاستی و شوێنێکی گونجاو بۆ ئیکەر کاسیاس لە پێکھاتەی سەرەکی بکاتەوە . 

لەئاکامی بەردەوامی دانیشتنی کاسیاس لەسەر کورسی یەدەگ ئەوا ھاوینی داھاتوو ڕیزەکانی یانەی شاھانە بەجێ دێڵێت , ئەمەش ئەوەیە کە یانە پاریسیەکە چاوەڕێ ی دەکات تا لەسەر کورسی گفتوگۆکانی ڕیاڵ مەدرید دابنیشێت و بەرەو پاریس پەلکێشی بکات .  

ئیکەر کاسیاس لەوکاتەی مۆرینۆ کردیە گۆڵپارێزی یەدەگ و دیگۆ لۆپێزی کردە سەرەکی نەگەڕاوەتەوە پێکھاتەی سەرەکی و ئەنشیلۆتی ڕاھێنەری ئیتاڵیش ھەرلەسەر ئەو کارەی مۆرینۆ بەردەوام بوو .