نوری مالیكی سه‌رۆك وه‌زیرانی‌ عیراق رایده‌گه‌یه‌نێت، قیبله‌ی‌ موسڵمانان له‌ شاری كه‌ربه‌لایه‌، ده‌بێت ئه‌و شوێنه‌ی‌ حسێنی لێیه‌، بكرێته‌ قیبله‌ی‌ موسڵمانان، ئه‌و وتانه‌ی‌ مالیكی‌ زانایانی‌ سعودیه‌ی‌ تووڕه‌ كردووه‌ و وه‌ڵامی سه‌رۆك وه‌زیرانی‌ عیراقیان داوه‌ته‌وه‌ به‌وه‌ی ناوبراو ده‌یه‌وێت فیتنه‌ دروست بكات.

نوری مالیكی سه‌رۆك وه‌زیرانی‌ عیراق له‌میانی‌ وته‌یه‌كیدا به‌بۆنه‌ی‌ مه‌راسیمی‌ چله‌ی‌ ئیمام حسێنه‌وه‌ وتی‌: "ئێمه‌ هیوامان وایه‌ كه‌ربه‌لا ببێته‌ قیبله‌ی‌ موسڵمانان، وتیشی: "پێویسته‌ رۆژانه‌ پێنج جار سه‌ردانی‌ كه‌ربه‌لا و حسێنییه‌ بكه‌ین و بكرێته‌ قیبله‌ی‌ هه‌موومان".

له‌وه‌ڵامی‌ ئه‌و قسانه‌ی‌ مالیكیدا مامۆستایانی‌ ئاینی‌ و زانایانی‌ موسڵمانی‌ سعودیه‌ی هێناوه‌ته‌ سه‌ر خه‌ت و پێیان وایه‌ مالیكی مه‌به‌ستێتی‌ فیتنه‌ و ئاژاوه‌گێڕی بخاته‌ نێو ریزی موسڵمانان و جیهانی‌ ئیسلامییه‌وه‌.

هه‌ر له‌سه‌ر ئه‌و لێدوانه‌ی‌ مالیكی د. خالید مساڵیح مامۆستای زانكۆی قه‌سیم و زانای‌ فیقهی ئیسلامی‌ وتی‌: " قسه‌یه‌كی‌ له‌و جۆره‌ بۆ كه‌سێكی‌ وه‌كو نوری مالیكی‌ مایه‌ی نه‌نگییه‌ و له‌پۆستێكی وادا نابێت كه‌سێكی‌ وا ئه‌و قسه‌یه‌ بكات.