به‌رپرسانی حكوومه‌تی ئێران له‌گرتووخانه‌ی ورمێ‌حوكمی له‌سێداره‌دانی هاووڵاتییه‌كی كوردیان به‌ڕێوه‌ برد. 

 لاوێكی كورد به‌ناوی "بهزاد خه‌لیلی ئیگدیر" ته‌مه‌ن ٢٤ ساڵ و كوڕی محه‌ممه‌دره‌زا سه‌رله‌ به‌یانیی رۆژی سێ‌شه‌ممه‌ له‌لایه‌ن لێپرسراوانی گرتووخانه‌ی ناوه‌ندی ورمێه‌وه‌ له‌سێداره‌ درا.

 ئه‌و هاووڵاتییه‌ خه‌ڵكی شاری شنۆ بووه‌ و ده‌وتریت كه‌ به‌ تاوانی "قه‌تل" له‌سێداره‌ دراوه‌. دوای ئه‌وه‌ی له‌تێكهه‌ڵچوونێكدا كه‌سێك كوژراوه‌، بهزاد وه‌كوو بكووژه‌كه‌ دادگای و حوكمی سێداره‌ی بۆ بڕابوویه‌وه‌،

 به‌ڵام بنه‌ماڵه‌ی كوژراوه‌كه‌ ده‌یانهه‌ویست ئه‌و لاوه‌ كورده‌ عه‌فوو بكه‌ن كه‌ به‌ داخه‌وه‌ ده‌زگا قه‌زایی و رێكخراوی زیندانه‌كان له‌و باره‌یه‌وه‌ كه‌مته‌ر خه‌مییان نواندووه‌.