هێزی دەریایی و پاسەوانی سنووری ئیتاڵیا، زیاتر لە 100 كۆچبەری سوریان لە خنكان رزگار كرد.
بەپێی سەرچاوەكانی هەواڵ، هێزی دەریایی و پاسەوانی سنووری ئیتاڵیا، دوێنێ شەممە، نزیكەی 115 كۆچبەری بەرەگەز سورییان لە خنكاندن رزگار كردووە، ئاماژە بەوەشدراوە كە بەلەمەكەیان لە باشووری دورگەی سەقەڵییە خەریك بووە نوقمی ئاو بێت.
بەپێی ئەو سەرچاوانە، لەناو بەلەمەكەدا شەش ئافرەت و 25 منداڵ بەدی كراون و دوابەدوای رووداوەكە، بەرەو ناوچەوی سیراكوزا لە باشووری خۆرهەڵاتی دورگەی سەقەڵییە، گوازراونەتەوە.