ره‌جه‌ب ته‌یب ئه‌ردۆغانی‌ سه‌رۆك وه‌زیری‌ توركیا، گه‌وره‌ مه‌رجه‌عی‌ شیعه‌كان له‌ عیراق رایگه‌یاندووه‌: كاتی‌ ئه‌وه‌ هاتووه‌ مالیكی ده‌ستبه‌رداری‌ ده‌سه‌ڵات بێت.

ئه‌ردۆغان له‌چاوپێكه‌وتنێكی‌ ته‌له‌فزیۆنیدا رایگه‌یاندووه‌: ئه‌نقه‌ره‌ له‌ ئێستادا سه‌رقاڵی‌ ئاماده‌كردنی‌ ره‌شنووسێكی‌ هاوكاری‌ و هه‌ماهه‌نگییه‌ له‌گه‌ڵ ئێران و عیراق به‌ ئامانجی‌ چاره‌سه‌ركردنی‌ قه‌یرانی‌ ناوخۆیی سوریا.

سه‌رۆك وه‌زیرانی‌ توركیا باسی‌ له‌وه‌شكرد: له‌میانی‌ سه‌ردانه‌كه‌ی‌ ئه‌حمه‌د داوود ئۆغڵۆ وه‌زیری‌ ده‌ره‌وه‌ی‌ وڵاته‌كه‌ی‌ بۆ عیراق، سه‌ردانی‌ عه‌لی‌ سیستانی‌ گه‌وره‌ مه‌رجه‌عی‌ شیعه‌كانی‌ كردووه‌و سیستانی‌ به‌ ئۆغڵۆی‌ راگه‌یاندووه‌: كاتی‌ ئه‌وه‌ هاتووه‌ هه‌ریه‌ك له‌ نوری‌ مالیكی و به‌شار ئه‌سه‌د ده‌ستبه‌رداری‌ ده‌سه‌ڵات بن.