چه‌ند سه‌رچاوه‌یه‌كی‌ ئه‌منی‌ میسری‌ نزیك له‌ محه‌مه‌د مورسی سه‌رۆكی‌ له‌كارخراوی‌ میسر له‌ زیندانی‌ بورجی‌ ئه‌سكه‌نده‌رییه‌ هه‌ندێ ورده‌كاریی ژیانی‌ مورسی‌ یان له‌زیندان خسته‌ڕوو. به‌پێی هه‌واڵێكی‌ رۆژنامه‌ی‌ "زه‌مان" ی‌ عێراقی‌.

به‌وته‌ی‌ سه‌رچاوه‌كان مورسی رۆژانه‌ بۆ ماوه‌ی‌ كاتژمێرێك وه‌رزشی‌ راكردن ده‌كات دوای‌ ئه‌وه‌ی‌ ئیداره‌ی‌ زیندانه‌كه‌ رێگه‌یان پێداوه‌.

راشیانگه‌یاند مورسی له‌هاوسه‌ره‌كه‌یه‌وه‌ هه‌ندێ كتێبی‌ سیاسی و ئاینی‌ و یاسایی به‌ده‌ستگه‌یشتووه‌ به‌تایبه‌تی‌ كتێبه‌كانی‌ سه‌ید قوتب.

سه‌رچاوه‌كان ئاماژه‌یان به‌وه‌شكرد مورسی ده‌یه‌وێت بیره‌وه‌رییه‌كانی‌ ساڵێكی‌ سه‌رۆكایه‌تی‌ و ژیانی‌ له‌زیندان بنوسێته‌وه‌.