لەیەكێك لە بابەتەکانی لڤین پرێس ، کەباسی سەرپۆشی ئافرەتان دەکات بەناوی (ئەزهەر ؛ سەرپۆشکردن نەریتە نەک فەریزەیەکی ئاینی ) و بە ووتەی نوسەرەکە کە ناوی بە ( م . هـ ) هاتوە ، بابەتێکی نوسیوتەوە بە ویستی خۆی و دەقە شەرعیەکانی بەتەواوی شێواندوە لەبەرچاوی خوێنەرانی، بەحیسابی خۆی کە بابەتێکی وەرگرتوەو لەوانەیە وەریشیگێڕابێت لە زمانی عەرەبیەوە بۆ کوردی ، بەڵام بەداخەوە کە نەلەبابەتەکە تێگەیشتوەو نە توانیویەتی بابەتەکە بەباشی بۆخوێنەر شی بکاتەوەو نە ئەمانەتی نوسین و سەرچاوەکانی پارستوە، تەنهاوتەنها ئەوەندەی کە ویستویەتی دژایەتی خۆی بۆ سەرپۆش دەربڕیوەو شەرع و بۆچونەکانی (شێخ مستەفا محەممەد ) ی کە دکتۆرای وەرگرتوە لەسەر ئەو بابەتە شەرعیە، ئەوەشی تێکداوەو بەئەمانەتەوە نەیگەیاندوە بەخوێنەر، هۆکارەکەشی دەگەڕێتەوە بۆ دوو هۆکار :

١_ نوسەری ئەوبابەتەی کە لەلڤین پرێس دایان بەزاندوە، یان نەزانێکی تەواوەو ( قل ) جیاناکاتەوە لە ووشەی ( فل ) و بە پێخاوسیەوە کەوتۆتە ناو دەشتی شەرع و چۆن وئارەزویکردوە بۆخۆی دایڕشتوە .

 ٢_ نوسەر ( م . هـ ) کە ئەوبابەتەی نوسیوە، خۆی باش تێگەیشتوە و تەنها خۆڵ دەکاتە چاوی خوێنەری سایتەکەیانەوەو بەئەمانەتەوە شتەکان وەکو خۆی ناگەیەنێت بە خوێنەرو خیانەتی گەورەیان لێدەکات . لەهەردوو حاڵەتەکەدا دەستەی کارگێڕان و بەتایبەتی سەرنوسەری سایتی لڤین پرێس تاوانبارن کە لەوجۆرە بابەتانە بڵاودەکەنەوەو بهێڵن نوسەری لەو جۆرانە بابەتی ئاینی بنوسێت و بڵاویبکەنەوە .

سەرەڕای ئەو هەموو هەڵەیەی کە لە نقڵ کردنی ئایەتەکاندا کردویانە و نەیانزانیوە فۆنتەکەی بگۆڕن و کاکڵی تێگەیشتنی بابەتەکەشی گۆڕیوەو بە پێچەوانەوە باسەکەی گەیاندوە ، کە بابەتەکە لە بنەڕەتدا باسی پۆشینی پەچەی سەر دەموچاو دەکات ( نقاب ) کە ئەوبابەتە زۆردەمێکە ڕاجیایی لەنێوان زانایاندا هەیەو چەند بۆچونێکی لەسەرە کە زانایانی سعودیە پێیانوایە کە پۆشینی دەموچاو فەرزەو ئافرەتان دەبێت دەموچاویان داپۆشن ، زانای بەناوبانگ شێخ ئەلبانی ( محمد ناصرالدین الالباني ) پێی وایە کە ئەو پۆشینەی زانایانی سعودیە باسیانکردوە تەنها عورف و عادەتێکە وەکو کولتور بۆیان ماوەتەوەو تێکەڵی دینیان کردوە و فەرزنیە ، ئەمەش لەکاتێکدا کە هەردوولا لە زانایان بەبەڵگەوە قسەیان کردوەو بەڵگەی خۆیان هێناوەتەوە ، لەدوایشدا کە بۆچونەکەی شێخ ئەلبانی بەهێزترەو زانای بەناوبانگ (الشيخ محمد اسماعيل المقدم في كتابه الشهير "عودة الحجاب" ) لە کیتابی بەناو گەڕانەوەی حیجاب بەواتا کوردیەکەی ووڵامی شێخ ئەلبانی داوەتەوەو ئەویش بەڵگەی بەهێزی هێناوەتەوەو بەفەرزی دەزانێت یاخود ( واجب ) .

 بەڵام ئەم بەناو نوسەرە باسەکەی تەواو گۆڕیوە و باسەکەی کردوە بە باسی سەرپۆش، کە وەکو پێشترووتم یان نازانێت جیاوازی نێوان ( حیجاب ) و ( نیقاب ) چیە ، یان باش دەزاةێت و خوێنەری خۆیان بەگێڵ دەزانێت و دەیەوێت خۆڵ بکاتە چاوی خەڵکیەوە . ئێمەش لێرەدا دەمانەوێت ئەوە بگەیەنین بە خەڵکی ، ئەگەر ئەو نوسەرە نەزانەو جیاوزیەکان نازانێت و بەهەڵە بابەتەکەی وەرگرتوە، داواکارین کە تۆبی لێبکات و داوای لێبوردن لە خوێنەری سایتەکەیان بکات کە زانیاری هەڵەی بۆ نوسیون ، وەئەگەر شارەزایەو زانیویەتی جیاوازیەکە چەندە گەورەیەو دوورن لەیەکەوە ، ئەوا داواکارم لەخوێنەری لڤین پرێس کە داوابکەن ڕونکردنەوەیەكبدات لەسەر بابەتەکەی و ڕونی بکاتەوە کە بۆچی بەوشێوەیە خۆڵ دەکاتە چاوی خوێنەری کوردیەوە و داوای لێبوردنی خۆی ڕابگەیەنێت لە لای خوا پاشان بۆ خوێنەرانی ئەو سایتە .

ئەگەر نوسەری بابەتەکە هەر هیچ لەم دوو ڕێگایەی قبوڵ نەبوو ئەوا داواکارین کە کیتابی ئەو زانا بەڕێزە بڵا وبکاتەوە و لینکەکەی دابگرێت بۆ خوێنەر و لەکوێوە وەریگرتوە بڵویبکاتەوە تاوەکو خوێنەر خۆی عوکمبدات کە ئەم کارەی کە کردویەتی بۆچیبوەو لە پێناو چیدا وایکردوە .

سەرچاوەکە لە  لڤین پرێسە..

http://www.lvinpress.com/newdesign/Dreje.aspx?jimare=21521#.UojjSpp1QPQ.facebook