ئه‌مرۆ پارتی دیموكراتی كوردستان كاندیدی خۆی بۆ پۆستی سه‌رۆكایه‌تی حكومه‌تی هه‌رێمی كوردستان دیاری ده‌كات.
جه‌عفه‌ر ئیمینكی وته‌بێژی مه‌كته‌بی سیاسی پارتی دیموكراتی كوردستان رایگه‌یاند كه‌ ئه‌مرۆ كۆبوونه‌وه‌ی مه‌كته‌بی سیاسی حزبه‌كه‌یان ئه‌نجامده‌درێت و تاوتوێی پێكهێنانی حكومه‌تی نوێ ده‌كرێت.
ناوبراو به‌كوردستانی نوێی راگه‌یاند كه‌ له‌كۆبوونه‌وه‌ی ئه‌مرۆدا كاندیدی پارتی بۆ پۆستی سه‌رۆكایه‌تی حكومه‌ت دیاری ده‌كرێت و گفتوگۆش له‌سه‌ر شێوازی دانوستان و رێكه‌وتن له‌گه‌ڵ لایه‌نه‌كانی تر ده‌كرێت له‌باره‌ی پێكهێنانی كابینه‌ی نوێی حكومه‌ت.
به‌پێی زانیارییه‌كانیش، ئه‌گه‌ر زۆره‌ كاندیده‌كه‌ نێچیرڤان بارزانی سه‌رۆكی ئێستای حكومه‌تی هه‌رێم بێت.
د.ع