ماڵپەری " ئیڤینینگ تایمز "ی ئینگلیزی ئاشكرای كرد " نیل لینیۆن "ی راهێنەری یانەی سێلتیك ئیسكوتلەندی هیوای شۆرشێكی لە هاندەرانی یانەكەی كردووە بۆ رووبەرووبوونەوەی یانەی بەرشلۆنە و داوای لەیاریزانانی یانەكەی كرد بەتۆماركردنی گۆڵێك لەیانەی بەرشلۆنە ناویان لەمێژوو تۆمار بكەن".

لینۆن رایگەیاند : " یارییەكی زەحمەت دەبێت بۆ هەردوو تیپ ، داوای لەیاریزانانی تیپەكەی كرد شۆرش بەرپا بكەن و بەهیچ جۆرێك خاڵی لاواز دەرنەخەن و رێگە بە یاریزانانی بەرشلۆنە نەدەن بە ئارەزووی خۆیان یاری بكەن".

لەكۆتاییدا راهێنەرەكەی سێلتیك هیوا خواست سیناریۆی ساڵی رابردوو دووبارە بكەنەوە و سەركەوتن بەسەر بەرشلۆنە تۆمار بكەن و داوای لەیاریزانانی یانەكەی كرد ناوی خۆیان لە مێژوو بنوسنەوە بە تۆماركردنی گۆڵی سەركەوتن لە یانەی بەرشلۆنە".