وتەبێژی لیژنەی باڵای هەڵبژاردنی یەكگرتووی ئیسلامی كوردستان سەرلەبەری هەوالێكی كەناڵی ڕوداوی نزیك لە پارتی بەدرۆ دەخاتەوە كە تیایدا ئاماژەی بەوە كردووە یەكگرتوو ئامادەسازی كردووە بۆ گفتوگۆكردن لەگەڵ یەكێتی و پارتی .
سەمیر سەلیم وتەبێژی لیژنەی باڵای هەڵبژاردنی یەكگرتووی ئیسلامی لە لێدوانێكی تایبەتدا بۆ كوردیو ووتی" هەواڵێكی كەناڵی ڕوداو لەسەر دیاری كردنی بەڕێز مامۆستا محمد ڕەوف بۆ گفتوگۆكردن لەگەڵ یەكێتی و پارتی سەر لەبەری دورە لە ڕاستیەوە".
ئەو ئاماژەی بەوەكرد" قسە كردن لە ئێستاوە لەسەر دەسەڵات و وردەكاریەكانی ناواقیعیە و هەڵبژاردن و دەنگدان و دەرهاویشتەكانی سروشتی پەرلەمانی داهاتووی هەرێمی كوردستان و كابینەی حكومەت دیاری دەكەن".

وتیشی " پێشمان وایە ئەم جۆرە هەواڵە بێ بنەمایانە میسداقیەتی ئەو جۆرە كەناڵانە دەخاتە ژێر پرسیارەوە".