عومه‌ری سه‌ید عه‌لی سه‌ركرده‌ی پێشووی یه‌كێتی رایگه‌یاند كه‌ سه‌ركرده‌كانی یه‌كێتی به‌قسه‌ی مام جه‌لالیان نه‌كرد.
له‌میانی دیدارێكیدا له‌گه‌ڵ به‌رنامه‌ی رووبه‌رووی كه‌ناڵی كه‌ی ئێن ئێن، عومه‌ری سه‌ید عه‌لی سه‌ركرده‌ی پێشووی یه‌كێتی و هه‌ڵسوراوی ئێستای بزووتنه‌وه‌ی گۆڕان وتی "له‌كۆبوونه‌وه‌ی ده‌باشانی نێوان ئێمه‌و یه‌كێتی مام جه‌لال بریاریدابوو به‌هاوكاری گۆران و یه‌كێتی و ئیسلامییه‌كان ده‌ستوور بگه‌ڕێنینه‌وه‌ په‌رله‌مان و سیستمی سه‌رۆكایه‌تی هه‌رێم بگۆڕین بۆ په‌رله‌مانی".
ناوبراو وتیشی "هه‌موومان له‌سه‌ر ئه‌وه‌ رێكه‌وتین و مام جه‌لالیش سه‌ركرده‌كانی یه‌كێتی بۆ ئه‌وه‌ راسپارد به‌ڵام به‌داخه‌وه‌ ئه‌وان به‌قسه‌ی جه‌نابی مام جه‌لالیان نه‌كرد".
د.ع