سه‌رۆكی لیستی گۆڕان رایگه‌یاند: سه‌رۆكی هه‌ردوو لیستی ده‌سه‌ڵات بۆ جاری چواره‌م خۆیان دزییه‌وه‌ له‌دیبه‌تێكی ڕۆژنامه‌وانی له‌گه‌ڵمان.

(یوسف محه‌مه‌د) سه‌رۆكی لیستی گۆڕان، رایگه‌یاند: بۆ جاری چواره‌م (ئه‌رسه‌لان بایز) و (جه‌مال مورتكه‌) سه‌رۆكی هه‌ردوو لیستی ده‌سه‌ڵات خۆیان دزییه‌وه‌ له‌دیبه‌تێكی ڕۆژنامه‌وانی له‌گه‌ڵمان، جاری یه‌كه‌م له‌كه‌ناڵی رووداو له‌به‌رنامه‌ی له‌گه‌ڵ ره‌نج ئاماده‌نه‌بوون بێنه‌ دیبه‌یته‌وه‌ و بۆ جاری دووه‌میش داوایه‌كی كه‌ناڵی ئێن ئاڕتییان ره‌تكرده‌وه‌ بۆ رووبه‌ڕووبنه‌وه‌یه‌كی راسته‌وخۆ له‌گه‌ڵمان.

وتیشی‌: له‌دواین هه‌وڵیاندا هه‌ردوو كه‌ناڵی سپێده‌و رووداو بۆ ڕووبه‌ڕووبوونه‌وه‌ی سه‌رۆك لیسته‌كان، هه‌یه‌كه‌ له‌سه‌رۆكی لیستی پارتی ‌و یه‌كێتی ئاماده‌ نه‌بوون بۆ ڕووبه‌ڕووبوونه‌وه‌مان.

یوسف محه‌مه‌د باسی‌ له‌وه‌شكرد: هۆكاری‌ ئاماده‌نه‌بوونیان بۆ دوو هۆكار ده‌گه‌ڕێته‌وه‌، یه‌كه‌میان لاوازی ئه‌دای خۆیان له‌وه‌ڵامی پرسیاره‌ جدییه‌كان، دووه‌میش لاوازی به‌رنامه‌ی كاری لیسته‌كانیان