وا خۆرئاوا بـوو شـه‌وێكی تـر هات
ده‌زانم دیسـان  تـه‌ڕ ده‌بێ گـۆنات   

به‌ سـه‌ریا ده‌ڕژێ تنۆكـی ئه‌سـرین
ئه‌سرینی خه‌مـی ته‌نیایی لـه‌ ژین  

زارۆی په‌پووله‌ی  بێكـه‌س و هه‌تیو
بێ نه‌وای  چـه‌شنی باڵنده‌ی ته‌ریو  

لـه‌ ئامێزی شـه‌و  هـاوده‌می  ژانـی
له‌ كاولاشی چۆڵ  ئاشنای  گریانـی  

گیانت پـڕ ئومێد ،  پـڕ له‌ هیوایه‌ 
به‌لاَم بـۆ سبـه‌ی  خـه‌م لـه‌ دڵتایه‌  

سه‌دانی وه‌ك تۆ  هه‌ن له‌م دونیایـه‌
بێ باوك ده‌ژیـن ،  بێ نـازی دایـه‌