زۆر دەمێکەیە من دەستەو ئێخە بوومەتەوە لەگەڵ دیموکراسی و هەموو مەبەدیئەکانی،  زۆرێك لە هاوڕێکانی خۆم  هەمیشە گلەیی و پاشان ڕەخنەی ئەوەم لێدەگرن کە گوایە دیموکراسی بەو شێوەیە نیە کە من بیری لێدەکەمەوە بەو جۆرە لێی تێگەیشتووم، هەموو جارێك  دەیانەوێت ئاشتم بکەنەوە لەگەڵ ئەم دیموکراسیەدا کەچی خوا شاهیدە  ئەم دیموکراسیە بە پێوەری ئەقڵ  و نەقڵ و دەق زۆر گەندەڵەو مشەخۆر دروست دەکات، سەرباری هەمووی هەرچی دەمەوێت لە گەڵ بیروباوەڕی  ئیسلامیدا بیگونجێنم بۆم ناگونجێت، ئیتر نازانم چۆن ئاشتی بکە  لەگەڵ ئەم رەزا قورسە.

 

پیدەچێت خوێنەر پێی سەیر بێت کە بەوەشێوە ناوی بابەتەکەم ناوە..!

پێش ئەوەی بچمە ناو بابەتەکە شیکاریەك لەسەر سەردێرەکەی دەکەم بۆ ئەوەی  پەیامەکەم باشتر بگات..

دیموکراسی لە بەرچاو مندا؛ وەك ئافرەتێكی سەماکار جوانی عەیاری شەدەلارە، لە زێدو مەڵەبەندی خۆی هەڵکەنراوە و ناردویانەتە جێگایەك کە خۆی پێی نامۆیە خەڵکەکەیشی هەر پێنامۆیە، قومارخانەکانیش ئەو سیاسیەنەن کە قومار لەسەر بیروباوەڕی خەڵك دەکەن یار بە بیرو هزری ئەو گەلە دەکەن.. بونەتە مشەخۆر بەسەر ئەم گەل و میللەتەی  خۆمانەوە ئەو سەماکارە عەیارەیان هێناوە بۆ ڕازاندنەوەی شەوانی قومارخانەی حیزبەکانیان.

هیواخوازم پەیامەکەم روون بێت..

دەستپێك:

گۆڕانکاری لە جیهانی ئیسلامیدا لە سەدەی یانزەی کۆچیەوە دەستی پێکرد/ شانزەی زاینی، هەیبەت و تواناو هێزی موسڵمانان ئیتر ووردە ووردە بەرباد بوو، ئەم  ئوممەتە ووردە وردە خاکی داگیر دەکرا لە لایەن کافرو بێباوەڕو مشریکەکانەوە هەندێك لە مەملەکەت و دەسەڵاتیان  لێزەوتکرا.

 

لەگەڵ ئەوەشدا بەردەوام بوو لە بەرگری کردن و جیهاد لە خاك و خەڵکی و بیروباوەڕی، هەندێك جار سەرکەتو دەبوون هەندێك جار روو لە دۆڕان بوو، بەڵام هەرگیز کەسێك ، یاخود دەسەڵاتدارێکی یان  زانایەکی ئامادە نەبووە تەنزول بکەن بۆ ئەوەی  کە ئیسلامەکە یەك ووشەی لێکەم بکرێتەوە، بیر لەوە نەکراوتەوە یەك رۆژ شەریعەتی خوای گەورە وازلێبهنرێت واز لە قورئان و سوننەتی پێغەمبەرکەی (صلی اللە علیە وسلم) بهێنرێت، تا وای لێهات نەوەی کوفر بە پیلانی باوباپیران و تێکەڵکردنی دەستیان لەگەڵ شەیتانی جنۆکەو مرۆڤدا بۆئەوەی لە نەوەی بەچکە موسڵمان دروست بکەن پێبگەیەنن، لەسەر ئەو بنەمایانە پەروەردەی بکەن کە خۆیان ئەیانەوێت، بەچکە شێخ و کوڕە مەلا ودروستکردنی دەیان کوڕی "سەلول"  بە دەبڵ مۆڕاڵی دروست بکەن بییانخەنە ناو پۆستەگرنگەکان و باڵاکان، بۆئەوەی لە کاتژمێری دیاریکراوی خۆیاندا بەکاریان بهێنەوە بۆ مەرامە گڵاوەکانیان..

ئیسلامیش بۆ خۆی قورسە؛ داوا دەکات لە خەڵکی کە راستگۆ بن درۆنەکەن نوێژ بکەن رۆژ و بگرن حەج بکەن..هتد، تەکلیفی زۆرە لەسەر مرۆڤە، تا – وا- لە مرۆڤ دەکات دەست دەگرێت بەسەر هەموو شەهەوەت و ئارەزوەکانیدا بۆی دەکاتە یاساو هەمووی بۆ ڕێكدەخات، بەڵام لە بیرو بۆچون ئایدۆلۆژیاکانی تر بەوشێوەی ئیسلام نیە خەڵکی ئازادە کەچی دەکات و چی ناکات، خەڵکیش بەسروشتی خۆی حەزی بە بەخۆشیەکانی  ژیان و شەهوەتەکەیەتی.

ئەوانەشی کە دووژمنی ئەم ئیسلامەن بۆ ماوەی ٨ سەدەیە باش توێژینەوە لێوردبوونەوە لەسەر ناخی موسڵمانان دەکەن، دۆزیویانەتەوە کە خاڵی لاوازو خاڵی بەهێزیان چیە، هەرکات دوونیا زاڵ بوو بەسەریاندا دەزانن بە هەموو پێوەرێك دۆڕاون، کە بۆ قیامەت کاریان کرد باش تێگەیشتون کە کەس ناتوانێت لەبردەمیاندا بوستێت شێر ئاسا ڕادەپەڕن، چونکە یەك ئامانجیان هەیە ئەوکاتە ئەویش گەیشتنە بە ڕەزامەندی خوای گەورە.

 

کاتێك کە داگیرکەری ماڵوێرانکەر وئیستبداد لە ووڵاتی موسڵمانان چووە دەرەوە لە دوای خۆی گەرای و بێچوی خۆی  لە حەشارگەکاندا داناو  لە خاكی موسڵماناندا هەمیشە دەگەڕان بە دوای گەندەڵی و خراپەکاریدا، چونکە رۆژئاوا مەبەستی بوو دوو- کار بکات لە ناو مەنزڵگای موسڵماناندا کە بریتی بوون لە:-

یەکەم: دەوڵەتی نەتەوەی دروست بکات: وەك ئەوەی تورك و عەرەب و کورد و فارس و ئەفغان جیابکاتەوە، سەرکەتوبوو لەوەیاندا و کردی ، ئینجا لەسەر بنەمای نەتەوەپەرستی ووڵاتەکان دابمەزرێنێت، میسر لە سەر بنەمای قیبتی، عێراق لەسەربنەمای ئاشوری و بابلیەکان، سوریا لەسەر بنەمایی سریانی، ئێران لەسەر بنەمای نەتەوەی ئاری، کورد لە نێوەندەدا بمێنێتەوە وەك فشارێك بۆ ناوچەکان.. وەهەروەها، لەمام پلانانە هەمووی سەرکەتوو بوو.

دووەم: گۆڕانکاری هەمیشەیی لە حوکومەتەکانی یەك لەدوای یەکی ناوچەکان، ڕۆژئاوا بەلایەوە گرنگ نیە کێ فەرمانداری دەکات، چونکە دەیەوێت خەڵکی هەمیشە لە شۆرشدا بن دژ بە دەسەڵاتەکانی خۆیان بۆ ئەوەی هەرگیزاو هەرگیز ئەودەسەڵاتانە بەهێز نەبن، بە هەموو جۆرە ئەفکارو دیدو ئایدۆلۆژیایەك سەرقاڵت دەکەن بۆ ئەوەی هەرگیز بەرانبەر بەیەکتر رازی نەبن، پارچە پارچەی لە نێوانیاندا هەبێت ، ئەوان هاوکاریت دەکەن بۆ ئەوەی کێ دێت کێ دەڕوات.. بۆ نمونە ناصری دێت ئاسایە دوای ئەو ئیخوان دێت هەر ئاسایە، دوای ئەوە بەدڵت نیە لە ناوی دەبات دەڵێت کێ تر بەدڵە هەڵیبژێرن ئەویشت نەویست بیروخێنە، ئیسلامییەکانت دەوێت هیچ کێشەی نیە هاوکارە دەبێت بۆ هاتنە سەر دەسەڵات.. بەڵام ئەوەندە بەچکە گەندەڵی هەیە وەك "سیسی" کودەتایەك بەسەر ئیخواندا دەکات  لە ناوی دەبات پێشت دەڵێت دیموکراسی عەیارە ٢٤مان پێشکەش کردوون ، ناوخنەکەشی هەمووی ئاشوب و پلانی چەپەڵی رۆژئاوایە بۆ سەرکوتکردنی ئەم گەلە موسڵمانە، بۆ ئەوەی هەرگیز سەردەرنەهێنێت.

لەدوای ئەوەی کە فەسادیان بڵاو کردوە، چونکە پیشەی ئەمانە هەمیشە فەساد بڵاو کردنەوەیە..

قَالَتْ إِنَّ الْمُلُوكَ إِذَا دَخَلُوا قَرْيَةً أَفْسَدُوهَا وَجَعَلُوا أَعِزَّةَ أَهْلِهَا أَذِلَّةً وَكَذَلِكَ يَفْعَلُونَ ﴿34﴾ النمل


(به‌لقیسا وتی): به‌ڕاستی (له‌شکری) پاشاکان هه‌رکاتێ چووبنه‌ شارو دێهاته‌کانه‌وه‌ وێران و کاولیان کردووه‌، وه‌ که‌سانی خاوه‌ن ده‌سه‌ڵات و پیاوی ناوداری ئه‌و شوێنه‌یان زه‌لیل و ڕیسوا کردووه‌، وه‌ هه‌میشه‌ ئه‌وه‌ پیشه‌یانه‌و به‌و جۆره‌ ده‌که‌ن..

 چونکە بەو فەسادە دەگەنە مەرامەکانی خۆیان، بۆیە ناچار ملی سەدان دەکەن بە پەتی پلانی خۆیانەوە  بۆ کارکردن، دەستدەگرن بەسەر هەموو دامەزراوەکانی دەسەڵاتدا گرنگ ئەوەیە موسڵمانان پێشرەوی نەکەن، جارێك بە ئیشتراکی ئیستبدای سەربازی و کودەتاکانی و  جارێکی تر بە شوعی  لینینی و ستالینی کە لە جەنگی جیهانی یەکەم ٦٣ ملیۆن کەسی دایە کوشت و لە جەنگی جیهانی دووەمدا ٦٢ ملیۆن و دوایی  ئەوە نەتەوەی و  بیری ناسیۆنالیزمی و.. ئەمەش وای کرد کە موسڵمانان "وەهن"  لە دەوای "وەهن"  توش ببن  و رکوع و سوجد بۆ دوژمنانیان بەرن، چونکە هەموو بەرنامەیەکیان تاقی کردوە نەگەیشتن  بە مەبەستی خۆیان هەر زەلیل بوون، پێشتر ئەزمونیان هەیە کە خاوەنی ئیسلام بوون قیادەو سەرکردایەتی هەموو جیهانیان دەکرد، ئەو ئەزمونەیان هەیە کەچی ناگەڕێنەوە بۆ سەرچاوەکەی خۆیان، لاوازی لە  دوای لاوازی توشی خۆیان دەکەن، ئازادی ئیسلامیەکان وای لێهاتووە کەوتوتە بچوکترین بەشەوە کە مافە سەرەتایەکانیشیان لێزەوت کراوە.. کەچی تازە هەر بە شان و باڵی دیموکراسیدا هەڵەئەدەن وادەزانن مەسیحی فریادڕازیانە هەر گۆرانی بۆ لەیلی عەلمانیەکان دەڵێن.

خوای موتەعال ڕابونێکی ئیسلامی نارد، زۆرێك لە بەشەکانی دوونیایی ئیسلامی هۆشێکیان هاتەوە بە بەر خۆیانداو خەڵكێکی زۆر هاتنەوە بۆ باوەش ئیسلامەکەی خۆیان، داوای  ئازادیان کرد و بنگەشەی شەریعەتی خوایان کرد، زیاتر فشاریان خستەسەر دەسەڵاتەکانیان بۆ  پیادەی شەرعی خوای گەورە، لەم سەروپێوەندەدا دەوڵەتی سوڤیەتی  بە تەواوەتی شکستی خواردو لە سەر شانۆی سیاسی  نەما، هەموو چەمك و تێزەکانی شوعی و ئیشتراکی چونە ناو مۆزەخانەوە، جەمسەری ڕۆژهەڵات بە تەواوەتی  کۆتایی هات، لەبەرانبەردا  هێز و جەمسەری  رۆژئاوایی سەرمایەداری بە هەموو چەمکەکانیەوە سەریهەڵدا،  زاراوەی  دیموکراسی خۆی سەپاند بەسەر هەموو  زارەوکانی ترداو ئەستێرەی رۆژ بەرۆژ بەرز دەبووە لە ناوچەکاندا.

 

ئیتر رۆژئاوا- لەسەرو هەموویانەوە ئەمریکا-  موژدەی دا بە لەدایك بوونی سەردەمێکی نوێ پەیامی نوێدا بە هەموو جیهان.. کە سەردەمی دیموکراسی دەستی پێکردوە، ئیتر وایلێهات رۆژئاوا دەیەویست ئەم سیستەمە بسەپێنێت بەسەر هەموو جیهاندا، یاخود بەسەر هەموو خەڵکیدا، ئەوەی  وەڵامی نەدایەوە ئەوە بە دووژمنی  هەژمارد دەکرد؛ دەبێت دیموکراسی بە زۆر بەسەریدا بسەپێنرێت ، کە ئەم زۆرکردنە لە ڕاستیدا دوورە لە تێگەیشتن و بیروباوەڕو مەبادئیی دیموکراسیەوە کە وەك بانگەشەی بۆ دەکرێت، بەڵام رووی دیکتاتۆری  سپی کردۆتەوە، لە زۆر جێگادا خۆزگە بە دیکتاتۆری دەخوازرێ، لە ڕاستیشدا هەروایە  دیموکراتی و دیکتاتۆری هەردوکیان دیوی یەك دراون، هەرچەندە خەڵکێك وا پەیدەبات کە پێچەوانەی یەك بن، بەڵام لە ڕاستیدا ئەوەی دیکتاتۆریەت بۆی ناکرێت دیموکراتی دەیکات، بە بەڵگەوە نمونەی زیندو لە جیهاندا هەیە.. باسێکی لێوە دەکەین، کە لەڕاستیشدا فەیلەسوفانی ئەم بوارە خۆیان ڕەخنەیان  لە دیموکراسی گرتوە هاوشێوەی دیکتاتۆریەت و مۆبۆ کراتی و ئۆلۆگراشی باسیان کردوە.. نمونەی ئەوانە  ئەرستۆ کە دەڵێت سی سیستەمی باش هەن، سیانی خراپیش هەن، لە خراپەکان دیکتاتۆریەت و دیموکراتی و ئۆلۆگراشی یە، لە باسی دیموکراتی دەڵێت: خەڵکی موشەخۆر دروست دەکات!..

ئەوەی کە  گرنگە بەلای منەوە بیزانین و باسی بکەین ئەوەیە:-  دیموکراسی  ئەوەی کە رۆژئاوا موژدەی هاتنی دابوو، سیستەمێکە فەرمانداری گەل- گەل دەیکات بەوەی کە گەلەکە خۆی دەیەوێت، گۆڕینەوەو دەست و دەست پێکردنی دەسەڵاتە لە نێوان پارتەکاندا، لێپرسینەوەی بەرپرسانی حوکومیە لە ڕێگای پەرلەمانە هەڵبژێراوەکەیەوە.. بەڵام ئایا لەڕاستیدا وایە؟

نەخێر-  لەڕاستیدا دیموکراتی زۆر لەوە دوور تر دەڕوانێت، زۆر لەوە ترسناکتر تێکەڵ دەبێت بە ژیانی خەڵکی، ترسناکییەکەی لەوەدایە کە بنەمای ئەم دیموکراتیە  لادینیە واتا(عەلمانیەت)ە ئەم بیرو دیدە بە ئارەزووی خۆی بڕیار ئەدات لەسەر ژیانی خەڵکی هەندێك لە خەڵکی دەیانەوێت ژیان بۆ زۆرینەکە دابرێژن، ئەمانەی هەڵبژێراون لە ناو گەلەوە کە چەند سەد کەسێکن ئەم سەدان کەسە دەتوانن حەڵاڵ  حەرام بکەن و پێچەوانەکەشی حەرام حەڵاڵ بکەن، بۆ نمونە  کەبۆی شی دەکەیتەوە دەیان ئەندام پەرلەمان  ڕێگەیان داوە بە  خواردنەوەی مەی و هیچ پەرلەمانتارێکی ئیسلامی بۆی نیە قسەی لەسەری بکات ، دەڵێن ئازادی خەڵکە، بە ئاشکرا بێ روودەربایسی دەڵێن ئێمە ناهێڵین شەریعەتی خوا حوکوم بکات، کەچی بەچکە موسڵمانیش پشتگیری دەکات لەوەش زیاتر.. مەلاو شێخی لەگەڵدایە بانگەشەی بۆ دەکەن بۆ هاتنە سەر دەسەڵاتی بە ئاشکرا باس لە بێدینی دەکات، هەروەك دیاردەکانی تری دوونیا کە لەسەرەتاوە هەموو ئەوانەی لای ئێمە نامۆن وەك پیاو لە پیاو مارە کردن و ژن لە ژن مارە کردن، لە کۆمەڵگاکانی تری دوونیادا نامۆ بوو، بەڵام دیموکراتی رەواجی پێداو ئێستا بە یاسا سەپێنراوە بوونی هەیە، لە ووڵاتی موسڵمانانیش زۆر دوور نیە ئەم دیاردانە رووبدات، ئەگەر پرسیار لە دیموکراسخوازەکان بکەیت  زۆر  بە ئاسای و شانازیەوە دەڵێت مافی خۆیەتی، بەڵام بۆ تۆی موسڵمان مافت نیە کەباس لە ئاینەکەت بەکەیت بە ڕاشکاوانە بەڵێت بەڵێ حوکمی خوا پیادە دەکەم ، دیموکراسی  ڕێگا بەوە نادات، وەك ئاماژەم پێدا چونکە ئەو پارێزەری لائیکی و لادینیە دیموکراسی رەواج ئەدا بە عەلمانیەت و بە ئارەزوی خەڵکی..  تێکهەڵکێشی سەرمایەداریە، ئیتر ئەم یاسایانەی کە بڕیاری لەسەر ئەدرێت لە پەرلەمانی دیموکراسیەوە، ئیتر بۆ دواجار پیرۆزە، هیچ گرنگی بە شەریعەتی خوا نادرێت لە  ووڵاتی موسڵمانان لە جیاتی فەرمانی خوا  فەرمانی خەڵکی بەسەر خەڵکەوە  باڵادەستە، ئەو خەڵکەش ئەوەندە کورت بیر دەکەنەوە خوا دەگۆڕنەوە بۆ کۆمەڵێك خەڵك، کەبەڕاستی ئەمە ئەوپەڕی سەرلێشاواوی و جەهالەتە، دیموکراتی تەنها سیستەمێکی سیاسی نیە، بەڵکو- تێکەڵ بووە بە هەموو سیستەمە کۆمەڵایەتی و ژیانی خەڵکی ئەتوانم بڵێم کە هاوشێوەی  نیە لە سیستەمەکان ئەمڕۆدا بەو شێوە تێکەڵ بووە.

 

موسڵمانان دیموکراسی بە گۆشە نیگای خۆیان تەماشای دەکەن هەر کۆمەڵەو لاینە  بە جۆرێك تەبەنی دەکات لە ئیسلامیەکان، یەکێك  بە شوارو ئەوی تر بە  دیوانی مبعوسان ، تەنانەت  لەو رۆشنبیرەو لێکۆڵەرەوە ئیسلامیانە هەیە کە بە  خۆشەویست و عیشق و تێکەڵکردنی بە ژیانی پێغەمبەرانەوە باسی دیموکراسی دەکەن.. هەیە دەیلکێنێتەوە بە دینەوە، هەیانە رۆمانسیانە مامەڵەی لەگەڵ دەکات، ئیتر هەر کەسەو بە دیدو تێڕوانی خۆی تەماشی دەکات، گەندەڵەکانیش  بە وویستو ئارەزوی خۆیان تەماشی دەکەن بەلای خۆیاندا رایدەکێشن، چونکە  هەموو ئاوات و ئارەزوەکانی ئەوانی پێدێتە دی، دەتوانن شەریعەتی ئیسلامی پێ دوور بخەنەوە، پیاو چاکانیش بە دیدو تێڕوانینی خۆیان  تەماشای دەکەن و دەڵێن ئاسانە بۆ گەیشت بە دەسەڵات ، گوایە وای پەی دەبەن کە  بواری ئازادیەکەی فراوانترە  دەتوانن زووتر بچنە ناو دڵ و کیانی خەڵکی بۆ بانگەشەی ئیسلامەتی، بەڵام  دەبێت  ئەو بزانرێت کە  دیموکراسی وەك مریشك وایە  ئەگەر  گریمان رۆژی یەك هێلکە بکات، بەڵام  دەبێت بزانرێت مریشك  ریقنەی زۆرترە لە هێلکە.. واتا ئەم دیموکراتیە وەك دیدو بۆچون ئایدۆلۆژیا بۆ خۆی بوونی هەیە، وەك ئالیەت و سیستەمی کاریش دیوێکی تری هەیە  کە دیموکراسیە، کاریگەری  بە هێزی  لەسەر مرۆڤەکان هەیە لە ناخ و روکەشیاندا، لەگەڵ ئەوەشدا  ئەزمونی دیموکراسی  دەتوانین بیکەینە چەند بەشێك لەووڵاتانی ئیسلامیدا  لەوانە :-

یەکەم :  ئەزموونی دیموکراسی لە ووڵاتانی ئیسلامی ئەزمونێکی تەماوییە لە هیچ ووڵاتێکی دا ئەزمونێکی نمونەی  نابینرێت کە ئەوەی باسی دەکەن بەو شێوەیەی کە خۆی هەیە  پایدە کرابێت. تەنانەت لە ووڵاتانی پێشکەتوی بە ناو دیموکراسیخوازاندا جیاوازی هەیە، ئەم ئەزمونە لە ژێر چەتری هەندێك لە یاسا دارێژراوە لە ووڵاتانی ئیسلامیدا کە هەمووی دژی دینی خوای گەورەیە، دەیانەوێت بە ناوی  زۆرینەی پەرلەمانیەوە بیسەپێنن بەسەر موسڵماناندا، لەڕاستیشدا ئەم ئەزموونە لەم ووڵاتەندا هیچی  بە تواناو هەڵبژاردنی راستی سەر سندوقەکان نەهاتوە، بەڵکو بە چەواشەکاری و تەزویرات هاتوون ، زۆرێك لە ووڵاتانی موسڵماندا کە باسی دیموکراسی دەکەن زۆربەیان بە کودەتای سەربازی هاتوون لە حیزبە ئیشتراکی و شوعیەکانەوە سەرچاوەیان گرتوە، هەرچەندە بەهاری ئیسلامی و عەرەبی  زۆرێکیان پاك کردوە..

دووەم: هێزە دەرکیەکان هەرگیز نایەناوێت ئەو ئەزمونەی خۆیان  ئێستا بە دەستیان هێناوە نایدەنە ووڵاتی ئیسلامی، چونکە هەرچی بەرژەوەندی ئەوانە دەکەوێتە  مەترسیەوە، رۆژئاوای و سەرمایەدارو دیموکراسیەکەی بە  ناکۆکی و شەڕو ئاشوبی ناو ووڵاتی موسڵمانان ئەوان سەرکەوتون، ئەگەر بێتو ئەو دیموکراسیەی کە ئەوان بانگەشەی بۆ دەکەن وەك  ئەزمونێك بیگوازنەوە بۆ ناو ووڵاتی موسڵمانان لە ماوەیەکی زۆر کەمدا بە دڵنیایەوە   پیاوچاکانی ئەم ئیسلامە بەتەواوەتی دەست دەگرن بەسەر هەموو  دامەزراوە دیموکراسی و پەرلەمانەکەشیدا، ئەزمونی تورکیاو  و جەزائیرو میسر لەبەردەمدان  کە دیموکراسی چۆن رووی ڕەش بوو لەبەردەم  هەموو جیهاندا..

سێیەم: ئەو ووڵاتانەی کە پێشەنگی دیموکراسین وەك ئەمریکاو ئەورپا، زۆرترین کوشتار ئەوان لە ناو خۆیاندا کردویانە وپاشان لەدەرەوەی خۆشیان کردویانە، بۆ نمونە ئەمریکا لەسەردەمی هیندە سورەکانەوە خەڵك دەکوژێت.. تا- چونی بۆ ئەفریقا و ئینجا فلیپین و یابان و هێرۆشیما و ناکازاکی و کۆریاو ئەفغان و عێراق ..هتد، ئەزمونی ووڵاتەکەی خۆشی دیموکراسی دیکتاتۆرەیە!..  بۆیە ئەم ناوەم لێناوە بۆ ماوەی ٧٥ ساڵە دوو حیزب دەسەڵاتدار لە نێوانی خۆیاندا دەسەڵاتیان دابەش کردوە بۆیە یەکێت و پارتێکەی ئێمەش چاولەوان دەکەن، ئەو هەموو دامەزراوەکانی و ڕێکخراوە مەدنیەکان و بازاڕەکانی بەدەستە کە ناسراون بە دیموکرتخوازەکان، پارێزگارەکانیش هەرچی کۆمپانیای زەبەلاحی چەك  کەرەستەکانی ترە لەبەر دەستیاندایە پەنجا بە پەنجا دابەشیان کردوە، ئەمە ئەزمونی ئەوانە..!

ئەزمونێکی تریشتان بۆ باس دەکەم بەریتانیایی گەورە  هەمان ئەزموونی هەیە بۆ ماوەی چەند ساڵ لە نێوانی  دوو حیزب دابەشکرابوو، ووڵاتی نەروجیش لە نێوانی حیزبی کارو  چەپرەوەکاندا دابەش کراو حیزبەکانی تریش  بزەی چاویان دێ ..

زۆرێکی تر لە ووڵاتانی تر کە دیموکراسی نین زیاتر خزمەتیان کردوە بە خەڵکی خۆشیان و بە مرۆڤایەتی بە گشتی، ئەزمونی چین دیارەترینیانە، هەڵەبەت  بە پێوەر بەرانبەر بە ئەمریکا، یاخود ئەندەنوسیا ووڵاتێکی شبهئشتراکیە و مالیزیا، ئەگەر زیادەرۆیم نەکردبێت باشترین ووڵاتی شیعەگەری کە ئێرانە خزمەتی بە شیعەی خۆی کردوە دادپەروەرترین دەوڵەتی شیعەنشین بووە بۆ خۆی زۆر لە ئەمریکاو زۆرێك لە  ووڵاتانی رۆژئاوا باشتر  بووە وەك سیستەم.

 

چوارەم: بانگخوازانی  ئیسلامی هەمیشە بە دوایی دیموکراسی و بەدەنگی بەرز هاوار دەکەن دیموکراسیمان دەوێت خەریکە وای لێ دێت دەبێتە داوای گشتی موسڵمانانیش ئەوانەی کە نوخبەی ئیسلامین هەر دەڵێن دیموکراسی، تەنانەت کۆمەڵگای ئیسلامی  هاوار دەکات کە دیموکراسی ڕزگارکەری ئەم گەلەموسڵمانەن هەموو کێشەکانیان بۆ چارەسەر دەکات؟! جا ئەگەر وایە ؟ ئەو هەموو کێشانە چارەسەر دەکات.. دیموکراتی کلیلی هەموو دەرگاکانە ، دەی ئیتر ئیسلامان بۆ چیە؟ بۆ بانگەشە بۆ ئیسلامەکەمان بکەین؟...

بەم شێوەیە ئەم کارە ترسناکە باڵی کێشاوە  بەسەر پیاوچاکانی ئەم ئیسلامەو بانگخوازەکانی و ئەوانەی کار بۆ ئەم ئیسلامە دەکەن وەك کادێری ئیسلامی، تەنانەت شێخەکان و ئەوانەی کە قوتابی و تەلەبەی عیلمن، دەڵێن: من  کەسێکی دیموکراتیم، یان کە دەکەونە گفتوگۆ دەڵێ برا دیموکراتی بە، یان لە دانیشتن و مەجلیسەکانیاندا دەڵێن برایان بە تۆزێك  دیموکراتی بین، ڕای یەکتر وەربگرین گوێ بۆیەك بگرین، هەروەك ئەم ئیسلامە  ئەدەبی حیوارو گفتوگۆی نەهێنابێت فێری خەڵکی نەکردبێت، ئا توخوا خۆتان بڵێن:  ئیسلام  نوقسانە لەم جۆرە کارانە، خوای گەورە دەمی فیرعەونی دانەخستوە ئازادی کردوە بڵێت  من خوای بەرزی ئێوەم، کام بیرو دیدو بۆچون ئەوەندە ئازادی ئەدا بە خەڵکی، خۆ لە ووڵاتی ئێمەدا مەلا بە ختیار بە ئاشکرا لەسەر شاشەی تەلەفزیۆن ووتی ئەوەی دیموکراسی قوبوڵ نەبێت حەقی ژیانی نیە..! ئیسلامی ئێمەش دەڵێت ئەوەی ئیسلامی قوبوڵ نەبێت دەبێت بکوژرێت یان دەڵێت:  ئازادی لە هەڵبژاردنی  بیروباوەڕو دیندا هەیە؟

بێگومان ئیسلام ئازادی تەواوی داوە بە مرۆڤ بۆ هەڵبژاردنی بیروباوەڕی خۆی.

بەڵی- من دەزانم کە ئیسلامیەکان بانگەشەی دیموکراتی دەکەن بە دووهۆکارە، هۆکارێکیان ئەو زمانەیە کە ئێستا جیهان قسەی پێدەکات، ئەوی تریان دژی دیکتاتۆری دەسەڵاتی زوڵم و زۆربەکاری دەهێننەوە، بەڵام ئایا ئاگاداری ئەوە نەبوون دەنگتان زۆربەرزکردوە بەم دیموکراسیە؟، بانگەشەکەی لە تام دەرچو خەڵکی وای لێهاتوە  خەریکن ڕێگای شەریعەت بە تەواوەتی جێدێڵن، دەی باشە لەمەودوا بۆ ناڵێن لە جیاتی دیموکراسی  ئێمە خەڵکێکی شورایین ووشەیەکی قورئانیەو ئەگەر مەبەستان بە دیموکراسی شواریە ئەو ووشە بەکار بێنن؟ یان بڵێن  وەرن ببینە شورایی، یان با شورایی بین..

هەندێك لە ئیسلامیەکان دەڵێن : شورا ملزمة ، هەندێکی تر دەڵێن: شورا معلمة ڕای جیاوازی لە سەرە، بەڵام خۆ دەتوانی  رای ئەو زاناو بیرمەندانە وەرگرین  بڵێن مولزەمەو پەیوەستبین  بە پەیوەستی شوراوە، بیکەینە سیستەمێك بۆ ژیانی خۆمان و فەرمانی خوای گەورەی پێبسەپێنین، ئایا ئەمە ئەرێنیە یان هەمیشە بانگەشەی دیموکراسی بکەین ، هەموو دەزانین نەرێنی دیموکراتی  چەندەیە و تەنگەژەو دژواری بۆ کومەڵگا و تاك و خێزانی موسڵمان  چەندە کوشندەیە.

 

ئەی گەل و هۆزە موسڵمانەکەم – ئەی ئیسلامیانی بەرێز- ئەی نازانن بەکارهێنانی ئەم زاراوانە بەتایبەت دیموکراسی بە بەردەوامی  چەندە ترسناکە؟، ئێوە هەست ناکەن شەو رۆژ بانگەشەی بۆ دەکەن رووتان نایە ئەوەندەی باسی دیموکراسی دەکەن نیو ئەوەندەش باسی ئیسلامەتی بکەن، چونکە رەوەند لە داوی رەوند وجیل لە دوای جیل  موشتاق دەبن بۆ ئەم  کارە ترسناکە کە ئێوە بانگەشەیی بۆ دەکەن، ئەوە دان پێدانانی تەواوتەیە بۆ دیموکراتی و لەبیر کردنی ئیسلامەکەی خۆمانە ، ئەی نازانن ئەوەندە باسکردنی وجوانکردنی ئەم سیستەمە بۆ نەوەکانی داهاتوو دەبێتە جێگای داواکاری ئەوان ئەو چەمکانە ئیتر بە درنگ راست دەکرێنەوە، ئەی نازان ئەوە بەرپرسیارێتی قیامەتی لەسەرە؟ چەندە ترسناکیشە؟..

بەڕاستی رۆژئاوا ئەوەی لە ئێوە دەوێت، کە ئیسلامیەکان بە دەنگی بەرز چەمكو تێزەکانی ئەوان  بانگەشە بۆ بکات، بەتایبەت سیستەمی دیموکراسی کە فۆکۆیاما بە ڕاشکاوانە باسی لێوەکرد کە کۆتایی مێژووە، هەموو شەرەکەش لەگەڵ شارستانیەتی ئیسلامیدایە، باش دەزانن کە شەری ئەمرۆش  هەموو جەنگی زاراوەن دەی  شورای خۆتان بەکاربێنن لە جیاتی دیموکراسی ئەوان، زاراوەکانی خۆتان کە زاراوەی خوای وپێغەمبەرەکەیەتی (صلی اللە علیە وسلم) رەواج پێبدەنەوە.

ئیتر بۆ دواجار واز لەم دیموکراسیە دەموچاو مکیاجاویە و سەماکەرە بهێنن کە ناردویانەتە ناو قومارخانەی سیاسیەکان، بۆ خومارکردنی  نەوەی موسڵمانەکان.