بڕیارە کاتژمێر چواری ئێوارەی ئەمڕۆ یەکێتی و گۆڕان و کۆمەڵ و یەکگرتوو لەسە ئاستی مەڵبەندەکان لەسەر دۆخی دارایی هەرێم کۆببنەوە

ئاسۆ مەحمود باژێڕوانی سلێمانی گۆڕان ڕایگەیاند:"ئێوارەی ئەمڕۆ لە مەڵبەندی سلێمانی یەکێتی، هەریەکە لە بزووتنەوەی گۆڕان و یەکێتی نیشتیمانی و یەکگرتووی ئیسلامی و کۆمەڵی ئیسلامی لەسەر ئاستی مەڵبەندەکان کۆدەبینەوە".

ناوبراو ئاماژەی بۆ ئەوەشکرد:"تەوەری سەرەکی کۆبوونەوەکە دۆخی دارایی هەرێم و قەیرانە سیاسییەکان و دواکەوتنی مووچە دەبێت".

ئەمەش لە کاتێکدا دێت کە مووچەی چوار مانگی فەرمانبەران دواکەوتووە و تا ئێستاش زۆرینەی وەزارەتەکانی هەرێم مووچەی مانگی ئەیلولی ساڵی ڕابردوویان وەرنەگرتووە.
‌
‌
‌ژ.ک