بڕیارە لە کۆبوونەوەى داهاتووى ئەنجومەنى پارێزگاى کەرکوک، عەمید خەتاب عومەر لە جێگەى لیوا جەمال تاهیر وەک بەڕێوەبەرى گشتى پۆلیسى کەرکوک دەستنیشان بکرێت.

بەپێی زانیارییەکان،گۆڕانکارییەکان لەسەر داواى وەزارەتى ناوخۆى عێراق بووە و بڕیارە عەمید سەرحەد قادریش بکرێتە بەڕێوەبەرى پۆلیسى ئامادە و عەمید شێرزاد مۆفەری بۆ شوێنى بەڕێوەبەرى پۆلیسى قەزا و ناحیەکان دیاریکراوە.

پێشتر وەزارەتى ناوخۆى عێراق بڕیاریدا بوو بە لابردنى بەڕێوەبەرى گشتى پۆلیسى کەرکوک، بەڵام لەلایەن ئیدارەى کەرکوکەوە ڕەتکرایەوە و بەوهۆیەوە مووچەى پۆلیسى کەرکوک لەلایەن حکومەتى ناوەندەوە ڕاگیرا.

جێی ئاماژەیە لەماوەى ڕابردوودا پارێزگارى کەرکوک سەردانى بەغداى کرد و لە کۆبوونەوەیەکدا ڕێککەوتوون لەسەر گۆڕینى پۆستە ئەمنییەکانى کەرکوک.

ژ.ک