پارێزگاری هەڵەبجە ڕایگەیاند هاووڵاتیانى پارێزگاى هه‌ڵه‌بجه‌ دڵنیا ده‌كه‌ینه‌وه‌ ئه‌و ڕووداوه‌ تیرۆرستى نه‌بووه‌ و هیچ مه‌ترسییه‌ك له‌سه‌ر بارودۆخى پارێزگاى هه‌ڵه‌بجه‌ نییه‌.

عەبدوڵا محەمەد پارێزگاری هەڵەبجە بە بزاڤ پرێسی ڕاگەیاند: له‌ لێكۆڵینه‌وه‌ سه‌ره‌تاییه‌كاندا ده‌ركه‌وت بۆمبێكى ده‌نگى بووه‌ و هیچ زیانێكى گیانى و ماددیى لێنه‌كه‌وتووه‌ته‌وه‌ و لێكۆڵینه‌وه‌ له‌ ڕووداوه‌كه‌ش درێژه‌ى هه‌یه‌.

ڕاشیگەیاند: لێره‌وه‌ هاووڵاتیانى پارێزگاى هه‌ڵه‌بجه‌ دڵنیا ده‌كه‌ینه‌وه‌ ئه‌و ڕووداوه‌ تیرۆرستى نه‌بووه‌و هیچ مه‌ترسییه‌ك له‌سه‌ر بارودۆخى پارێزگاى هه‌ڵه‌بجه‌ و هاوڵاتیانی نیه‌.

دواى ئه‌وه‌ى ئه‌مشه‌و  ۱۹-۱۲-۲۰۱٥ له‌به‌رده‌م هۆتێل هه‌ڵه‌بجه‌ بۆمبێك ته‌قییه‌وه‌ ده‌ست به‌جێ هێزه‌ ئه‌منییه‌كان گه‌شتنه‌ شوێنى ڕووداوه‌كه‌و ده‌ستیان به‌لێكۆڵینه‌وه‌ كرد.