دوای رووداوەکەی ١٢ ئۆکتۆبەر، زۆربەی خەڵکی کوردستان لەو دیموکراتیەتەی کە ھەبوو تەواو بێ ئومێد بوون بە بڕوای رێبین ھەردی نە دیموکراتی و نە ھەڵبژرادن دوای ئەو مێژووە مانای نەما.. رێبین ئەوەشی راگەیاند:ئەوەی لە ١٢ ئۆکتبەردا رویدا کارێکی ئاسایی و تەنھا پێشێلکاریەکی سادە نیە، تەنھاش بەشێک نیە لە دەرئەنجامی گرژی و ئاڵۆزیەک کە لەنێوان ھێزە سیاسیەکاندا ھەیە، بەرکەوتەی تەنگژەیەکی کاتی و راگوزەریش نیە کە بتوانرێت بە تێپەڕینی کات چارەسەر بکرێت. ئەوەی رویدا پێویستی بە گۆڕینی بیرکردنەوە و شێوازی روانینمان ھەیە. ھەڵەیە و راست نیە بتوانین بەھەمان دیدی و ھەمان شێوازی بیرکردنەوەی پێش ١٢ ئوکتوبەرەوە، بیر لە روداو و پێشھاتەکان بکەیەنەوە. ئەم روداوە دابڕاوە و لە سیاقی مێژووی روداوەکانی کوردستاندا جێگەی نابێتەوە. چونکە روداوێکە گەرچی بکەرەکانی ئەیانەوێت پێشەکی و ھۆکاری بۆ بدۆزنەوە، بەڵام راستیەکەی ئەوەیە بێ ھێچ ھۆکارێکی لۆژیکیە بۆ ئەوەی رووبدات. بە بڕوای من تەنانەت ٣١ ئابیش لە ئاسی ئەم روداوەدا نیە. " ھەردی ئەوەشی دووپات کردەوە لە پەڕەی سەرەکی خۆی لە فەیس بووک تەنانەت خۆپیشاندن کە دەربڕینی خەڵکە لە لایەن حیزبە سیاسیەکانەوە بە ئاقارێکی تردا دەڕوا، ئەوەش کە دەمێنَتەوە مەینەتی خەڵکە رەش و رووتەکەیە..!!
سەرچاوە: ئاوێنە